قرية النساء🕌مكتملة🕌

🕌الجزء 19🕌

#سلوى_العلوي ✍️
🕌#قرية_النساء 🕌
البارت 19 👑
بهاء الدين كان كالس مع فخر كايتناقشو فموضوع اختطاف سيليا حتى وقف عليه شي واحد
الشخص : بهاء الدين ؟؟😳
بهاء الدين: سي أحمد ؟؟
أحمد:(فرب ليه عنقو عناق رجولي وابتاسم) تبارك الله كبرتي (تلفت لفخر الدين وعنقو بدورو) هاي هاي على قائد الجيش أخيرا قدرنا نشوفوك وفيين فبلاد الشمال
فخر الدين: مولاي أحمد شكادير هنا ؟؟
أحمد : أنا جاي نحضر احتفال السبع ليالي علاش نتوما ماجيتوش هنا على ود هادشي ؟
بهاء الدين:(شاف ففخر الدين باستغراب) شمن احتفال
فخر الدين: علاش ماقلتلكش جراه بلاد الشمال استرجعو الأرض لي كانت فالحدود ودايرين احتفال فقصر الحاكم عدنان
بهاء الدين: مافخباري والو
أحمد : حتى دابا ماكاين باس خاسك تحضر للاحتفال منها نيت مايقولوش ولاد عمنا نكرونا راك عارف 😉
بهاء الدين: عمي أحمد مانقدرش نحضر دابا راه عندي شي شغال ضروري نقديهوم
أحمد: انت عارف الظروف كيف دايرا من نهار رسمو الحدود وتفارقو الخوت وحساسية كاينة بين ولاد العم وهادشي ورتوه لحفايدهوم حتى ولينا حنا وولاد عمنا فبلاد الشمال بحال الغرباء إلى ماحضرش عضو من مملكة الفقهة للاحتفال غادي غير تزيد تتأزم الأمور (ربت على كتفو ) فكر مزيان
بهاء الدين : يكون خير ان شاء الله
ودعهم أحمد وخلاهوم قلبو النقاش لهاد الاحتفال المفاجئ
فخر الدين: شغادير دابا الحاكم أحمد عندو الحق انت ولي العهد وعارف عمي رحال مادام ماكاين لا انت لا انا في القصر ماغايخويهش
بهاء الدين : ماعرفتش حرت .. ياك قال كاينين سبع ليالي إيوا نكمل دابا التقلاب ونجي شي ليلة نحضر كيفي كيف الناس
فخر الدين : اللهم العمش ولا لعمى 😂
مشاو الدراري فطريقهوم حتى سمعو غوات شي بنات مجهد ضارو بجوج يشوفو شنو واقع
البنت 1: نتي راكي باغا تخرجيي عليينا تيي كييفااش غانديرو هادشي
البنت2:اييوا عطيينا فكرة حسن من هادي الفهيمة الى ما سديناش عليهوم وكتفناهوم آش غانديرو
البنت1: نفكررو فححل واش باغا تخرجي علينا الى تفضحنى ماشي غايقتلونا وصافيي راه غانشوفو العذاب الكحل
البنت2: تفو على بنادمة نتي أصلا باغا غيير تحنتيينيي وديريلي عصا فالرويدة
ضربات فيها وزادت كل وحدة من جيه.... كانت حانية راسها حتى دخلات فشي حيط
البنت 2: شكوون هاد البغل بن لبغل لي باني حيط فالطريق
فخر الدين: كون كان العمى بالعمى كايشوف كان غايعرف بلي لي داز فيه ماشي حيط
علات البنت راسها فيه الله أكب على زين والطولة والتجريدة
البنت 2:(لي فيها مامهنييها) إيييوااا بزااف عليك ويطول الزمان عليك تا نكون عمية أنا لاللااك بنت سييدك قبل ماتكمل فيا الشوفة سمي الله مئة مرة
فخر الدين : ايوا الله يرد بييك كون ماكنتيي ولية كنتي غاتحسبي سنانك قدامك
بهاء الدين :(واقف كايتفرج وحابس الضحكة ) صافيي أصاحبي راها باقا صغيرة ماقصداتش دوز فيك
البنت: تعلم من سيادك  الهدرة كيف دايرة ونتا غشيم ماتعرف تفرز هدرة ولا تنطق كلام
فخر الدين:(ناري ويلي تعصصب دابا يخشيها فشي شجرة منين كاطفا عادي) والله كونما تربيتي لي حتمات علية عمرني نهز يدي على مرة ما كان نهارك يطلع فيه الضو سيري أبنت الناس حسن مانصدقو فشي طاب وشي ماطاب
البنت2 : أ أ (يالله غاتدوي سمعات صوت كينادي بسميتها من بعيد عرفاتها هي رجعات تقلب عليها)
البنت 1: واا إييماانن وا فيينك أجييي هاهومااا
(عرفتو دابا شكون هاد لبنات فينما مشاو منوضين قربالة 😂)
ايمان:(كتهدر مع فخر الدين) كونما كنت مزروبة والله حتى نجمع عليك أمة لا اله الا الله نوريك مزيياان تبارك الله تقادو لكتاف (واقولييها راااسسك الموصيبة )
دارت مشات بزربة خلات موراها جوج نفوس حايرين واح حاير مع هاد البنت الوقحة لي دوات معاه وماخافت ما ستحيات والتاني حاير مع الصوت لي سمع واش ديالها ولا غلط ما فاق من سهوتو حتى كانت ايمان طارت من قبالتو تحرك بحال شي حمقق كايقلب منين دازت (ياوديي يا وديي لي عولنا علييه يعتقلنا البنت 🤦) مشا فجميع الاتجاهات والو ماعرف فيين غبرلهوم الأثر كان غايحماق حيت متأكد هاداك صوتها أما فخر الدين غير تابعو وكايسولو آش واقع ولا مجيب
خلييو هاد لمطرنن يقلب فالخوا ونرجعو عند دوك بنات الهم لي بغاو يسطيوني منين جاو وهوما مناكراات
سيليا: زينيي تبعيني والله دابا وتنكري عليا تا بمسبتك غيلاما نتفت جدك هنايا وراك عارفانيي
إيمان: صاافيي غي سكتيي دابا نتي لي كاتنكري .. فاش فكرتي ؟؟
سيليا: زيدي وتا نلوحو الصنارة عاد نقلبو على الوجيبة
مشاو جيهة لبنات لي كانو راكبات فعربة عرفوهوم من الدقة اللولة الغنايات
سيليا: (بالغوات) إيييهه إيييههه أشرييف حبس حبس
حبس لي كان صايك العربة وقال
الشيفور:مالك الالة
سيليا: واش نتوما غاديين لقصر مولاي عدنان
الشيفور : أييه علاش كاتسولي
سيليا : هادي لي راكبين الغنايات يااك
جاوباتها وحدا منهوم:آهه أختي علاش كاتسولي
إيمان: حنى مرسولين من القصر نستقبلوكوم ونعلموكوم على شي قواعد مهمة
الغناية : آهه واخا طلعو
طلعو لبنات وبقاو كايجرولهوم لسانهوم منين جاو وكيفاش وشكون هي زعبولة باش مايحصلوش الى سولوهوم وصلو للقصر وسيليا بينات راسها بملحفها للحارس لي علماتو بلي غاتستقبل ضياف هو غي شافها حليهوم دغيا توجهو لبنات مع لغنايات للبيت البراني لي وجدولهوم وقالولهوم بلي فالقصر تا واحد ماخاصو يعتب العتبة كولشي غايوصلهوم وصوتهوم مايعلاش والغنا ممنوع حتال للحفلة
الغناية: علاش هادشي كامل
سيليا :(باحذير) أختي أنا غيي مرسولة ولكن بيني وبينك (قربات ليها زكاتدوي بشوية) سمعت بلي لقصر فيه لجواد أو ماكايبغيوش صوت النسا إلا إلى هوما طلبو يسمعوه
الغناية : (بخوف) لا لا ماكانضنش 😖
إيمان: أختي حنا هادشي لي سمعنا والله أعلم لمهم دابا خليتك على خير شوففيي الى بغيتي شي حاجة قوليها للخدم لي برى يدلوك لختك ياقوت وانا نجي لييك واخا
الغناية : واخا أختي لهلا يخطيك (وا تيي غي الله يخطيييها راها ناوية تخرج على طاسيلتك وا تبعيها 😂)
خرجو لبنات من تماك وهوما غايموتو بالضحك من الخلعة لي بانت فوجوه الغنايات مسيكنات😂 وصلو للقصر ووجدو لباسهوم لي غايلبسو الليلة فالحفلة قالولهوم هوما ماغاينزلو حتال مور لعشا يعني من المغرب للعشى عندهوم الوقت فين ينفدو الخطة .....
يالله نشوفو فبلاصة أخرى يزة لي كانت فدار المخزن كاتهدر مع القاضي ..
يزة: عارفا راسيي غالطة لاكن هاداك شي وهادا شي تانيي الله يرحم ليك الواليدين أسيد القاضي عاوني نلقا بناتي
القاضي: لا لا لا سمحيلي أيزة نتي تعديتي الحدود ما بقالي معاك كلام
يزة شنو دابا مغاتعاونيش أسليمان
القاضي : ولات سليمان حرفية دابا 😏
يزة : هاني مشيت
يالله ناضت تمشي بحالها قالها
حبسي أ.....
فنضركم شكون هاد القاضي ؟ ومنين كاتعرفو يزة ؟ وشنو ناويين لبنات يديرو للغنايات؟ هادشي لي غانعرفوه فالأجزاء المقبلة من #قرية_النساء 💃