💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 61 و الأخير 👑 النهاية 🥀 من بعيد وعلى ضفاف أحد الوديان أعلام بيضاء مرفوعة عاليا وخيام كثار مبنصوبة .. جلسات مغربية أصيلة .. ومجامر كثار شاعلين كايزندو فيهم الفاخر .. حلاوي أشكال وأنواع .. وبرارد أتاي لي ماكايخطاو حتى دار .. هادو كانو استعدادات للاحتفال لي غايتقام بمناسبة نجاح الحرب .. كان كولشي فرحان وناشط وهوما كايشوفو حبابهم لي من بلاد الفقهة فارقوهوم الظروف لكن أخيرا تلاقاو فمناسبة هي الأولى من نوعها .. كانت كالسة فأحد الخيام كاتزين حيت أخيرا غاتلاقا راجلها لي شحال ماشافتو ..وإيمان كذلك جنبها قتلها الوحم وولات صفرة .. تسمعو زغاريت وتعلا صوت قرع الطبول .. عرفو لبنات بلي اخيرا وصلو ناس بلاد الفقهة... خرجو حتى هوما يستقبلوهم كانو نظرات الحب متبادلة والإشتياق هو سيد الموقف .. هبط بهاء الدين من عودو ومشا عندها قبل راسها بشغف كيعبر فيه على مدى شوقو ليها .. كان المكان عامر بالناس بحاللا راهوم فشي حرب 🤣 لكن هادي ماشي حرب إنما لقاء الأحباب ... وصل الليل والأهازيج مالي صيتها الجو .. والناس فرحانين .. ناضت سيليا أخيرا باش تهدر وتقول كلمة تتوج بيها هاد الفرح .. سيليا: السلام عليكم ورحمة الله تعالى وبركاته .. بغيت نرحب بيكوم واحد واحد .. اولا وقبل كل شيء.. وبغيت نشكرك م حييت درتو يديكوم فيدينا وعاونتونا باش نربحو الحرب .. عارفة بلي تعدبتو بزااف لكن كولشي درناه على ود تحقيق السلم والسلام .. بغيتكوم تعرفو بلي حنا من بلاد وحدة .. حنا يد وحدة فرقنا البراني لكن أرضنا أرض وحدة .. على هادشي بغيت نطلب من سلطان بلاد الفقهة يوقف ويسمع كلامي لي بغيت نقول (وقف بهاء مستغرب وكولشي مستغرب شنو بغات تقول) أنا اليوم وقدام أفراد جيشينا ووزراءنا وشعبينا بغيت نطلب يتمحاو الحدود بين بلاد الشرفة وبلاد الفقهة .. ونرجعو بلاد واحدة إن شاء الله كيما كنا من قبل ما يدخلو بيناتنا الشياطين ويفرقو شملنا .. أشنو قلتي ؟؟ كولشي بقى كايشوف صدماتهوم بطلبها لي ماجاش اعتباطيا لكن كانت ناقشاتو مع أحمد قبل مماتو ورحب بالفكرة ودابا مادامها حاكمة البلد وحاكم البلد الثاني هو زوجها زعمات وتقدمات بهاد الفكرة .. بهاء الدين كانت فبالو من زمان لكن ماعرفش ردة فعلها كيفاش غاتكون ومدامها هي لي اقترحات الفكرة فأكيد غايقبل .. بهاء الدين: أنا اكيد مرحب بالفكرة .. النهار الكبير هو نهار ترجع بلادنا لسابق عهدها .. وبما أن بلاد الشمال حتى هي ولات حرة فغاترجع تتجمع مع بلدينا وتحيدو الحدود (شاف فالناس لي كانو فرحانين ) ياكما كاين شي اعتراض بداو الناس بعد هاد الكلام كايصليو على النبي ويزغرتو أخيرا بلادهم غاتولي متاحدة بلا حدود وبلا قيود .. الفرحة فرحتين .. الحفلة ولاو فيها حفلتين .. بدل مايباركو لبعضهم الفوز فالحرب .. بارك لبعضهم الاتحاد واسترجاع وحدتهم الترابية ....
بعد مرور سنوات 🗓️ شادا راسها بزيف فيه الحامض ولابسة قفطانها لي ولا معنكش .. كاتبكي وتمتم بكلام مامفهومش واش معيار ولا آش .. دخلات عليها وهي فأبهى حللها هازا بنيتة صغيرة فيديها يالله تعلمات لكلام وكاضحك من أعماق قلبها سيليا: ناااريي يا صاحبتيي شهااد الحالة لي وليتي فيها 🤣 إيمان:(شافت فيها حاقدة على الوضعية) شووفييي هاه بعدييي منيي راني نووض نتتتفك. نتي لي بقيتيلي فالحساب سيليا:مالي آش درتلك أنا كااع كلتلك ولديي توام ؟ إيمان: واش انا يهودية كنت طالبة بنيتة وحدة صدقو بنت وولد دابا واش نهز هادي ولا نهز هادا (كملات بكاها كاتفرج فولادها كايبكيو ) سيليا: (حطات بنتها من يديها كاتمشا بحال شي بطة ومشات هزات البنيتة لي باقا عاد تولدات ) آجي الكبيدة آجييي خلاتك ماما بالجوع آ واخا عليك أ إيمان واخااا إيمان: وا شوووففلك اليهودية سكتات 😳 سيليا: الدراري الصغار حاميينهوم الملائكة فاش كايشوفو الشياطين كايبكيو إيمان: سييرييي يالعود الكارم .. يا الدجاجة المنتوفة الله يعطيييك غبارة ... سيليا: ههههه غا ضاحكة معاك راها عارفاني بغيت نخطبها لولديي داكشي علاش 😂 إيمان : ياااك قلتلك ولديي هو لي يتزوج ببنتك 😑 سيليا : إيوا صافي الخوت يتزوجو بالخوت ... عارفاكوم مافهمتو والو إيوا أجيو نشرحلكوم أسيادنا فاتو شهور وشهور البلدان تاحدو وولات سمية وحدا جامعاهم بلاد المغرب إيمان ولدات وليد سماوه عز الدين ومن بعدها بأيام قليلة عرفات سيليا بلي حتى هي حاملة ... مشات أيام وجات أيام وولدات حتى هي وليد ولي العهد لي سماوه شمس الدين كبرو الولاد ويوم على يوم حتى ولدات تاني سيليا بنيتة سماتها شمس الضحى ... فاش إيمان شافتها حسات بالغيرة حتى هي بغات بنيتة زوينة بحال هاككا .. إيوا بقات تدعي تدعي تدعي باش يعطيها ربيي بنية حتى صدقات والدة توام مخرجينلها عقلها بالبكا تحط هادا ينوض لاخور .. فخر الدين مسسكين طج ماحيلتو لولادو ولا ليها هي لا ضل تبكي وتشكي عليه .. وبهاء الدين وسيليا 🤣 شادين فيهوم كايطنزو عليهوم هادي هي حياتهوم الحمد لله .. السلم عام الأرجاء والبلاد غادا مزيان .. وحاكميها بهاء الدين وسيليا قايمين بواجبهم وأكثر .. عدنان بعد الحرب تنازل على الحكم وبقى كايصارع المرض حتى مات ويزة هههههه فينهايا دادا يزة راها تزوجات بميمون 😂 بقات تيثريت كاتربي حفايدها وتلعب معاهوم والفرحة ما سايعاها .. طبعا عاشو فقصر بلاد الشرفة حيت جاي فمنتصف البلاد .. قرية النساء .. مازالا هي هي البنات لي بقاو وحدانيات كايجيو ليها وولات جنة فوق الأرض حيت سيليا طبعا اهتمات بيها مزيان بعدما شدات الحكم .. كيف لا وهي المكان لي عاشت فيه أجمل أيام حياتها ... إيمان بعدما ولدات مولودها الأول طلبات من فخر الدين يديها تشوف واليديها .. وداكشي لي كان فرحو بيها واستقبلوها أحسن استقبال وخوتها الشمايت حناو الراس وبقاو غير ساكتين حيت هي دابا مراة الوزير الأول للبلاد وأميرها .. عاشو فخير وسلام والفرحة مامفارقاهمش .. صحيح كايكونو بعض المشاكل حيت دوام الحال من المحال لكن كايتخطاوها بسهولة ويرجعو البسمة لوجوه بعضهم البعض .. خرجات سيليا من البيت جارا معاها بنتها لساحة المبارزة كان بهاء الدين واقف كايطل على ولدهوم وولد فخر الدين كايتبارزو بسيوف خشبية وعلى وجهو علامات الفخر .. حس بيها وقفات حداه وحاوطها بيديه .. قبل راسها من بعد قبل بنتو الصغيورة بحنان .. بهاء الدين: مراتي .. جيتي زوينة بحال ديما سيليا: ممم حتا نتا جا معاك الرمادي بهاء الدين: شنو مشينا؟؟ سيليا: أنا واجدة يالله ... بهاء الدين: (طاحت من جيبو ورقة متنية حلها وقرا المكتوب فيها بصوت مرتفع) الصبر سيليا:(باستغراب) شنو؟ بهاء الدين: هادا هو جواب اللغز لي خلالي جدي قبل مايموت .. كانت الورقة مجلية بين الكتوب مؤخرا لقيتها سيليا: آهه اللغز لي على ودو مشيتي عند الحكيم طوفان .. وشنو جواب اللغز الثاني ؟ بهاء الدين: هو نتي ♥️ نتي شمسي لي عمرها خسفات وأرضي لي عمرها داست وزواجي بيك هو قبري لي فيه فرحان♥️ ابتسمت ليه بحب وشدو الطريق لبلاد الفقهة ااااا بغيت نقول لقبيلة الفقهة لي فيها قصر والدي بهاء الدين باش يزوروهوم ويكلسو معاهم شوية ... وقفت فوق صخرة عالية كانودعهوم بعيني وندعيلهم بحياة سعيدة وتلفت من الجهة الأخرى كاتبانلي قرية النساء بحال ديما منورة و هادئة قرية لي شهدات على أمور كثيرة وقصص كثيرة .. قرية لي عطات للمرأة الحق فأنها تصنع قراراتها وتعيش حياتها بحالها بحال أيها الناس .. قرية لي كانتمناو اليوم لو أن القيمة لي عطاتها للمراة تتعطالها في كل بقاع العالم دورت راسي على المكان وفجأة لقيتني فوق بناية عالية عصرية .. رجعت لزمانا الحالي زمان لي فيه تحققو أحلام كثيرة لكن في المقابل مشاو أمور كثيرة بلاد لي بسبب سيليا وبهاء الدين توحدات ودابا كانشوفها قدام عيني تقدمات... مشات خبيرتي من واد لواد وبقيت مع بنات الجواد ....🥀
Oops! This image does not follow our content guidelines. To continue publishing, please remove it or upload a different image.
