💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 4 👑 صباح جديد وأحداث جديدة غتغير هدوء وسكينة قرية النساء.. كانت الشمس يالله غتشق طريقها وتشرق فاقو النساء يصليو الفجر ما هي إلا لحظات حتى سمعو غوات جاي من بعيد ناضت القايدة يزا كفطات كمامها وحزمات قفطانها هزات زرواطة وتقدمات لجيهة الصوت .. سمعات صوت رجال ومعاهم صوت بنت باينة صغيرة وهربانة . القايدة يزة: عيالات لقبيلة بانليا عندنا زيارة دخلو لبنات وخرجو دوزانا هاد الصباح غاتنوض الحرب فحدودنا مشاو لعيالات دخلو لبنات الصغارات من غير سيليا لي ما بغاتش تدخل هزات حتى هي زرواطة وتبعاتهوم يشوفو آخيرتها مع هادو لي بغاو يكسرو هدوؤهوم .. تمشاو مسافة طريق لقاو بنت مخبية ورا حجرة كبيرة كاترجف وتبكي وتذكر الله بصوت مطفي يزا: بنتي لحبيبة آش صاري تا مخبية مور هاد الحجرة البنت: خالتي هئ هئ بغاو يزوجوني للشيخ لي قد جدي وانا هربانة ما عارفا راسي من رجليا عاونيني يزا: نوضي الحبيبة نوضي ليوم موتهوم على يديا البنت :(شدات يزا من يديها وكترجاها) لا أخالتي لا هوما مسلحين وفيديهوم سيوفا خلينا نبعدو من طريقهوم حسن ماتعودي مقتولة يزا: واقيلا ماكاتعرفيش قرية النسا لي قرب لحدودي وتخطى حدودو كيصبح مكفن فقبرو شدي طريق مع لويزة وخليني مني ليهوم ليلة يعرفو كيفاش يتجرأو على بنت ضغيفة مشات لبنت مع لويزة للقرية وهي خايفة أما يزة ولعيالات لوخرين وقفوا على الرجال بحال قباض الأرواح الراجل : أسبحان الله ولاو لعيالات يخرجو فهاد الوقت بلاحياء ويوقفو قبالت الرجال يزا :طم فمك وسرط لسانك ولزم حدك آش بغيتي تا واقف على حدود قريتي وكتعلي صوتك قبالتي ؟ الراجل: جمعي راسك يا هاد المراة وبعدي من طريقي راكي ضعيفة وما قادة على حكرة يزة: صون راسك يا راجل وعرف مقامك ودق خطواتك الطريق لي جابتك تردك هادي لي قبالتك .. لاللااك يزة مرأة فألف راجل .. متخليش صوتي يعلى ونعودو نكفنوك فالخلا الشيخ (جا معاهوم من لقبيلة): شكون تكوني فملك الله احتارمي نفسك ونزلي راسك معاك شيخ لقبيلة تستري يا لمفضوحة وماتخلينيش نردك لدارك مهمومة . كلميلي رجال قريتكوم ما عندي هدرة مع ولية يزة : (منعاتهوم بالزرواطة فاش حاولو يقربو ) باينة فيك براني على بلاد الشرفة لي كطيح من فمك هاد الهدرة .. وطيتي فالبلاصة لغالطة حيت نتا دابا على حدود قرية النسا ما عمر وطاها راجل ولا فكر يدوز قبالتها .. هز رحالك الغريب ورجع لدارك كريم حسن متولي طعام للذيب شاف فيها منين مابغاتش تبعد هز خنجر بغا يهددها بيه لكن معامن نتا سيليا كانت حاضية من بعيد كتشوف شحال هوما او واش تعيط لحرس ولا يباليو بيهوم غير هوما بلا عوين ، هزات الزرواطة وعطاتو ليديه خلاتو كيتلوى كيف الحية رفعات راسها عالي وقالت سيليا : فبلاد الشرفة ما عندنا رجالة يهزو يدهوم على مرا .. وما عندنا مراة تحدر راسها وتسكت للحكرة .. نوض اشيخ جمع عبيدك ورجع لقبيلتك حسن متنوض الفتنة وتباتو الليلة فالغابة الراجل : كيفااش يا لبرهوشة تهزي يدك على سيدك ونتي غي نص عودة هز سيف بخا يضربو بيها لاكن ماعارفش بلي نساء بلاد الشرفة كيهزو السيف قبل مايفرزو الهدرة، تلقات للدربة ولاحت السيف بعيد عليها خلات كولشي مصدوم فيها لعيالات ما بغاوش يقربو خلاوها توريهوم أصغر عضو فيهوم آش كايسوى باش يستسلمو بلا ماينوضو الفتنة وتوصل للحاكم لي غايجيب الصدع مع بلاد (الشمال).. الشيخ :(كيهدر وباقي كيتوجع من الضربة) هاحنا مشينا ماشي حيت خفنا ولاكين حيت مكنجيبوش قوتنا على النسا غنرجعو حيت فهاد القرية كاينا حاجة كتخصنا .. انساحبو ولعيالات رجعو للقرية لقاو لويزة لبسات البنت ونعساتها ودارو موراها اجتماع اتافقوا فيه يحميو هاد لولية لي جات طلبات ضيف الله عندهوم ومن طبعهوم ماكايرضوش أي مراة جات واخا تكون قتلات .. فنظركم واش كان هاذا قرار صائب ؟ ولا غلطو لعيالات نهار قبلو بغريبة عندهوم تبات ؟ هادشي لي غانعرفوه في قصتنا #قرية_النساء 💃
Oops! This image does not follow our content guidelines. To continue publishing, please remove it or upload a different image.
