💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 44 👑 قالو ناسنا اللوالة لا تسرج حتى تلجم و عقد عقدة صحيحة, ولا تكلم حتى تخمم لا تعود عليك فضيحة وقالو ألف تخميمة وتخميمة ولا ضربة بالمقص .. كاينين قرارات كثار كانتسرعو باش ناخدوهوم ..وكاين قرارات كثار كانخممو تخمام كثير باش نقرروهم .. بعض المرات فاش كانفكرو بزاف كاتعود علينا ندامة وفاش كان ناخدو القرار بلا تخمام كانوليو نقولو مشات علينا غمامة .. لكن ماغاتمشي غير فين مشاك الله .. وربي ماكايعطي لعبادو داء حتى كاينزل الدواء .. يعني أي حاجة صابتنا إلا وراحنا قادرين نتحملوها وغاتفوت ليام وتعود غير خرايف نعاودوها ... في نفس المكان المظلم لي كايبان بحال وكر للشياطين أو غار للسحرة والمشعوذين ... الشخص 1: ما بقييتش تايقة فيك أنا غاندير حنة يدي شوف شحال دالوقت فات ونتا باقي فبلاصتك الشخص 2:شنو زعمااا غاتخدمي السحر 😳 الشخص1: آه الشخص 2:شووفيي خليلي هاد المرة هي التالية غانحرقو وهو حيي غاندمرو وناخد بالتار الشخص 2:خليني نكون أنا هي سيفك البتار لي غاياخدلك بالتار الشخص1: قلتلك من اول أنا لي غانتكلف صاافيي هادي هي التالية ليه ............ كانو العيالات كالسين كايتشاركو الحديث وكايدويو على خطبة إيمان بالأمير فخر الدين وجاع العاتقات الجالسات ماعاجبهوم حاال وباغيين ينوضو يقتلو هاد الجوجات لي جاو وسرقولهوم حلمهوم من بين يديهوم فالأول بهاء ودابا فخر .. سماوهوم سحارات أو يمكن لحلاحات شكون عرف .. لي عارفاه أنا هو القدر كايلاقي النففوس واخا يكون حاء بين باء وراء مفارقهم .. فاتو ليالي وفاتت الخطبة وإيمان مازالا فهمها سارحة كاتقول اليوم غدا اليوم غدا حتى جا دييك الغدا ووصلات ليلة حنتها لي مفروض تكون فيها بين حبابعا وناسها ومها تبكي عليها وباها يوصي عليها .. لقات راسها مع ناس جداد فمكان جديد كاتعرف فيه غير سيليا ويزة لي جات من بعيت تحضر فرح بنت من بنات قريتها .. صحيح معاشتش معاهم الكثير لكن داكشي لي عاشتو فيه بزااف دالأحاسيس والمشاعر .. هازة فقلبها حبهم بحال مهوم .. كيفاش فاتو ليام دغيا وديك البنت الصغيرة لي كانت كاتبكي بالليل والنهار اليوم راها عروسة كاتنقش لحناني وتسمع إسمها مع الألحان كايشالي .. سيليا:(بدموع الفرحة فعينها ) تبارك الله ماشاء الله جيتي غزالة الله يحفضك لي من العين إيمان:(بخجل) أمين ياربي حتى نتي جيتي فنة (سكتات شوية علاما خرجات الخدامة لي كانت كاتعاونها فاللبس) سيليا حاسة براسي تايهة وكانخون العهد والأمانة سيليا:(شدات يديها) شمن أمانة علاش داوية ؟ إيمان: نتي عارفة وأنا عارفة بلاما ندرقو الشمس بالغربال فوقما نويت نقول لفخر كولشي كاتقاطعني شي حاجة وحتى فاش قررت نصارحو سافر حكا والواد عندو شي شغال شنو ندير دابا والعرس وصل سيليا: هادا مكتاب معند ربي ماعندنا مانديرو يمكن الله سخر هاد العقبات لسبب إيمان: شنو نديير أختيي شنو راه الندم كلاني والخوف قهرنيي حاسا براسي كانغدرو وكانخون تيقتو وهو لي كايشوف فيا بحاللا بحالي ماكاينا بنت المرا سيليا:(خنزرات) واا بصصح فيين يلقااا بحاالك الزين والتباتة والحداكة والضرافات إيمان: آه أسيليا آه لكن خاصو يعرف مانقدرش نزيد نخبي الكية فقلبي حتى يتكشف المستور ونولي نتسمى غدارة سيليا: آش المعمول نعيطلو تدوي معاه إيمان : غاديري فيا خيير قبل مانبدا نحني بعدا باقي ما درنا عقد ماقرينا فاتحة 😭 إيمان👇
Oops! This image does not follow our content guidelines. To continue publishing, please remove it or upload a different image.
تتمة البارت 44 💥💥💥💥 خرجات سيليا كاتقلب على بهاء الدين حيت أكيد غايكون معاه فخر كانت لابسة سلهامها مغطيا بيه حيت غاتخرج ويمكن يكونو دايزين الرجالة حتى لمحاتو بهيبتو ومقامو .. باقا حتى اليوم كاتشوفو قلبها كايتهز كاتحس بحاللا أول مرة بحالا ماولاش راجلها .. داك الإعجاب والحب من النظرة الأولى مازال ما فارق ذاكرتها ♥️ هو غير لمحها من بعيد قرن حجبانو وجا ليها بهاء الدين: مالك آش مخرجك فهاد البرد ونتي لابسة خفيف سيليا: ممم خايف علي نمرض بهاء الدين: ويلا ماخفت عليك علامن نخاف يالله غايجي دربال تاني يقاطعهوم وهي دوور فيه سيليا: شوووف أخووويا درباال راانيي صبرت لييك بلا قيااس وااه تا راجلي ماندوييش معاه كيف الخلق بدل ساعة بأخرى وخليني محتارماك دربال: (خاف منها) اااا واخا الالة سيليا هانا خودو راحتكم سيليا:(تلفتات عندو مبتاسمة تقول ماشي كاع هي لي كانت مخرجا عينها ومعصبة عاد دابا) فين خليناها (تقزدرات 😳 شدوها أخوتاا راها خرجات على السيطرة) بهاء الدين:(مطلع حاجب ومنزل لاخور) لا أحبيبة بقالك غير تنوضي تصمكيه واش عمرك شفتي مرات الراجل كادابز مع الرجالة فحضور راجلها سيليا: أنا عارفاك غا بوهالي (طلع حاجب ونزل لاخور) غايجي غايقولك فلان ولد فرتلان عيطلك غاتخليني فالنص اللهم نتفاهم معاه أنا بهاءالدين: بوهالي ؟ فلان ولد فرتلان ؟ مراتي العزيزة راه قلتلك بديتي كاتخلعيني 😂 دابا لاش جاية عندي تال وسط الرجالة جابداني آش خاصك ؟ سيليا:إيييه فكرتيني الله يفكرك فالشهادة سير يرضي علييك جييب فخر الدين يدوي مع إيمان بهاء الدين: لاش 🤔 سيليا: فاش كاتجي تدوي معايا كايسولك شي واحد لاش بهاء الدين : صافي صافي هاني غادي .. ممم جا معاك لحمر 😉 سيليا:الله يمسخك سير بعد مني مشى بهاء الدين علم ولد عمو يمشي عند إيمان وما هي إلا ثواني كان عندها فخر الدين:السلام (شاف فيها مزيان كاتبان زوينة باسها فراسها ) جيتي زوينة ماشاء الله إيمان:(بحشمة ) شكرا حتى نتي (تييي شناااهووو لا لا بطلاتييي تقزدرووو هانا نزير السمطة) فخر الدين: قالولي بغيتيني ؟ إيمان: أااا آه خاسنا ضروري نهدرو فخر الدين: غايكونو العيالات كايتسناوك خلي تال من بعد إيمان: لا لا دااببااا حييت ماكاينش من بععد دابا هو من بعد خاسسنا نهدرو (كاتدوي بزربة) فخر الديين : واخااا كانسمعك إيماان:.......... عارفا راسي زربت عليكوم لكن خاص مرضوع إيمان نحلوه أول بأول حيت مازال تابعينا أسرار نفكوهوم ونحللوهوم .. آشش بانلكوم البنات؟ ♥️ #قرية_النساء💃 سيليا👇
Oops! This image does not follow our content guidelines. To continue publishing, please remove it or upload a different image.
