💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 2 👑 كانت كتمشى بين الورود بحال الفراشة فالحقول لابسة قفطانها المورد وطالقا شعرها المسرح والشمس من كثرة جمال هاد التحفة تخبات بين الغيام .. بنت صغيرة ماشي بزاف باش بلغات (عمرها فحدود ستة عشر سنة) زينها طاغي ولي شافها يقول ماشاء الله . تيثريت: (كتنادي من بعيد) سيليا ، نواارتيي أجي نغسلك شعرك راني ساليت داداك يزة كتسنانا باش نبداو عيشورة سيليا : هانا أمي مشات سيليا لفين كانو العيالات كيغسلو كانت بحيرة صغيرة كيكب فيها شلال وكيجري فيها الماء سخون (يعني حمام منبع ساخن للمياه) غسلات شعرها بالغاسول وعطراتو بالخزامة والقرنفل وحكات ذاتها ودهناتها بزيت اللوز ومشات مع مها ونساء لي كانو تما للقرية لي مابعيداش بزاف لقاوها مزينة بالشموع والوردة وكليسة مغربية على حقها وطريقها فوسطها طبلة مزينة بالمكسرات وصواني والحلويات المشكلة هادي هي أجواء عاشوراء .. تفرقوا لعيالات ومشاو يكحلو ويتعطرو ويلبسو أحسن الأثواب حيت هاد الليلة كاينة الزردة والضحك والنشاط .. كحلات سيليا عويناتها وحطات من العكر الفاسي (كايجيبوه فاش كايسافرو لفاس) ورشات عليها الزهر قرات عليها تيثريت آيات من القران باش تبعد عليها العين وبخراتها بالشبة والحرمل عاد خرجات .. مشات للجليسة وبدات تحاجي مع لبنات لي من سنها كولشي فرحان فهاد الليلة المباركة كيتسناو يفوت المغرب باش يقطعو الصيام ويصليو شي ركيعات لعلها تكون مغفرة للذنوب وثواب عند الله . ماشي بعيد في بلاد الجيران كيما يقولو عليها سكان بلاد الشرفة .. هي بلاد منورة كثار فيها العلماء لي بغى يقرى ويولي فقيه خاصو يدوز ليها عاد يتوكل على الله .. حاكمها ملك وسيم محارب .. حافظ كتاب الله وعارف بينو وبين لي خلقو بعدما عيا وتهد حالو وما بقا فيه جهد يقابل شغالو قرر يسلم مهامو لولي العهد ولدو بهاء الدين .. الدري الوحيد بين خمسة بنات كولشي حاط عليه العين حيت ماشاء الله .. جميل ورزين وحكيم وقوي .. صفات الرجولة جات ليه وتجمعات .. كان من صغرو كيهوى القراءة وكتابة الأشعار وكيتفنن فيها .. كيجود القرآن بصوت تبارك الرحمان .. وكيركب الخيل بمهارة بلا خوف .. كيعيطولو بنات القبيلة الفارس المغوار .. وكل وحدة كتحلف من غيرو ما هي داياه . أميرنا بهاء الدين فات العشرين وجا الوقت باش يكمل دينو ويخلف باه لكن شرطو الوحيد باش يتولى الحكم ويحقق رغبة واليديه يسافر لبلاد الشمال ويتلاقا حكيم إسمو طوفان .. فنضركم شكون هو هاد الحكيم؟ وعلاش بغاه الأمير بهاء الدين؟ وأشنو فضركن غيوقعلو فرحلتو؟هادشي لي غانعرفو كاملين فالأجزاء المقبلة من قصة #قرية_النساء ♥️ بهاء الدين 👇
Oops! This image does not follow our content guidelines. To continue publishing, please remove it or upload a different image.
عاشوراء في القرية
Oops! This image does not follow our content guidelines. To continue publishing, please remove it or upload a different image.
جلسة عاشوراء
Oops! This image does not follow our content guidelines. To continue publishing, please remove it or upload a different image.
