#سلوى_العلوي ✍️
🕌#قرية_النساء 🕌
البارت 39 👑
بعض المرات .. كانخبيو أسرار كثيرة كانتقلو بيها صدرنا وكانخليو الناس يشوفو وجه غالبة عليه الضحكة .. بعض المرات كايكون البكا هو كل ما عندنا .. كنهبطو دموعنا بلا سبب .. الناس كايشوفونا ناشطين كايحسدونا .. ناسيين بلي القلوب كاتبكي والوجوه كاتضحك ... العقل كايخمم والروح كاتسمم ...
إيماان: (بدات كاتنتف راسها وضرب لي جات قدامها) لاااا لاااا أنااا عييييتتت صاافييي عييييتتتت أنااا (سخفات )
سيليا: (غير شافتها تخلعاات مشات ليها كاتجري كاتفيقها) إييماان إيييماا فيقي فييقي أويلي شنو وقعلك (خرجاات بلا عقل للكولوار كاتغوت على الخدامات ) عافااكوم عتققوونييي
جاات خدامة كاتجري مور ما سمعاتها كاتغوت
الخدامة : لالة مرات سيدي آشش واققع ؟
سيليا: (كاترعد) سيري دابا عيطيي للحكييمة إييماان سخفات وكاترعد كاملة ماعرفت آش واقعلها
مشات الخدامة كاطير أما سيليا رجعات كاتشوف ديك المنضر لي قدامها كانت إيمان عرقانة سخفانة وجسمها كايترعد حاولات تهزها لسريرها وهي مخلوعة خايفا يطرطق فيها شي عرق وتموت الله يستر .. وصلات الحكيمة وطلبات منهوم يجيبولها الكوزة مطحونة مع شوية دالما .. بقات كاتشوف النبض ديالها تا جابوهالها شرباتها ليها بسيف وبمشقة الأنفاس .. مرو دقائق عاد تهدنات إيمان ونعسات أو يمكن سخفات .. كانت سيليا باقا كاتبكي
سيليا: لالة الحكيمة شنو واقعلهاا ؟
الحكيمة: تعصبات ابنتي خاصها تتهدن وشربوها اللويزة راها كاترخف الأعصاب ومايكون عندها باس
سيليا: (مسحات دموعها) واخا شكرا بززاف
مشات الحكيمة وفالطريق تلاقاها بهاء الدين خارجة من جهة بيت إيمان
بهاء الدين:(باستغراب) لالة لحكيمة آش واقع ؟؟
الحكيمة: عيطوليي نفحص شي وحدة أمولاي
فخر الدين:(قرن حجبانو) شكونن؟
الحكيمة: سمعتهوم كايقولو عليها إيمان راه كانت معاها لالة سيليا
فخر الدين:(بلا وعي) شنوو إييمااان مالهاا شنو عندها
ماتسناهاش تجاوبو مشا لبيتها كايجري يدخل مادار بحساب هادا بيت بنت وماخصوش يدخل مدرم ولا بحساب المرا لي داز فيها والا بحساب بهاء لي كايعيطلو يوقفو (إييه الحب كايحمق😂) مع الدخلة لقا سيليا كالسة حداها كاتخمم
فخر الدين:مرات خويا ماللها آش واققعع
سيليا:(قفزها). باسم الله الرحمن الرحيم منين خرجتي نتا؟
فخر الدين:(بعصبية) مالهاا؟
سيليا:(خلعها منظرو عرفاتو غارق ماشي غي طايح ضهر شبح ابتسامة على فمها وبزربا جمعاتها فاش تفكرات إيمان) ماعرفتش تعصبات وسخفات
فخر الدين: شنو عصببها
بهاء الدين:(دخل جا باس لسيليا راسها وخنزر فولد عمو) مالك دايرلها استنطاق .. ولاش داخل مدرم لبيت لبنات بحال هاككا
فخر الدين: (عاد وعا على راسو شاف فسيليا ) سمحيلي غي كنت مخلوع
سيليا:(شافت فبهاء الدين زعما السيد طايح) ماكاين باس أ (يالله غاتكمل سمعات أنين خفيف من جهة إيمان لي تأثير الكوزة بدا كايبان فيها) خرجو نتوما خليوها ترتاح انا نبقا معاها
مشاو الدراري وفخر الدين غي كايفكر آش واقع لييه ( وا طحتييي وا طحتييي) وبهاء غيي كايضحك فسرو حيت ولد عمو لي راصو قاصح كتر من الحجرة أخيرا طاح على زنافروو 😂
بقات سيليا مع إيمان كادوز يدها على راسها وهاد الأخيرة كاتنين وتهتهت بجمل غير مفهومة
إيمان: ماشي ..... أنا .... لا بعدد .... ماشي .....
(لي ماعارفش تأثير الكوزة فهي بحاللا كاتسكر كاترخي الأعصاب لكن كاتخلي بنادم يهتهت )
تنهدات سيليا بعمق وهي كاتفكر وتعاود فديك الهدرة دإيمان .. شنو يكون واقعلها زعمة ؟؟
هادشي لي غانعرفوه حنا وياكوم فالأجزاء المقبلة من قصتنا #قرية_النساء 💃
YOU ARE READING
قرية النساء🕌مكتملة🕌
Romance💎مكتملة💎 ❌حصرية على الواتباد❌ قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍 العنوان:#قرية_النساء💃 للكاتبة: #سلوى_العلوي ✍️ ⚜️🏰⚜️ حجايتنا كتهدر على زمان غير زمانا وناس غير ناسنا نبداوها باسم الله ونصليو...
