قرية النساء🕌مكتملة🕌

🕌الجزء 48🕌

#سلوى_العلوي ✍️
🕌#قرية_النساء 🕌
البارت 48 👑
قالو سيادنا اللوالة يا الطلمع في الزيادة رد بالك من النقصان .. الطمع طاعون إلى صاب شي قوم ما هم فخير .. مايتشافاو منو حتى ياخد مول الأمانة أمانتو ..الناس مابقاوش كايخافو الله حيت بكل بساطة الطمع عمى العيون وكحل القلوب .. خلى الخوت يتنافرو وولاد العد يتقاتلو والصحاب يتفارقو .. وحتى الراجل ومرتو يطالقو .. فيين غاديا بينا الدنيا .. بعدما كان كل واحد شاد خبزتو راضي بيها حافية .. ولى كل واحد شاد خبزتو وكايشوف خبزة الناس لا تكون عامرة ...
الليل مظلام وكل واحد شاد الركنة ناعس .. من غير سيليا لي ماقدر يغمضلها جفن .. باقا حاللا عينيها كاتقلب .. شافت فجنبها لقات بهاء الدين ناعس ..ناضت تسلتات من حداه بشوية باش ماتفيقوش .. وخرجات للجريدة تشم شوية دالهوى .. كانت كاتفكر فشلى مطارق لكن أهمها هو عمها لي مشىوخلاها وسط هاد الحريرة .. ماحسات بالضربة منين جاتها تفعفعات يالله دارت باش تشوف شكون .. الصدمة علات وجها يمكن من حر الضربة ولا من حر الصدمة سخفات مابقات عاقلة لا فين هي لا آش طاري ... صبح الصباح وطلعات الشمس تسلم على الغيام لي حاجبينها .. فاق بهاء الدين كايقلب على سيليا مالقاهاش .. توضى وصلى وخرج برا يشوف فين تكون مشات على الصباح .. سول الخدم حتى واحد ماشافها ... بقى كايقلب عليها هو وشي خدم ووالو مالقاولهاش الأثر .. زعما تكون خرجات ؟ فاقو ناس القصر وكولشي كايسول على سيليا فين غبرات لا عيون شافت ولا آذان سمعات .. فات النهار بطولو حتى سمعو إيمان من بعييد كاتغوت عليهوم .. مشاو لمصدر الصوت
بهاء الدين: مالك آشش واققع
إيمان:(كاتوريه شال ) هانتاا شووفف هاداا شال سيليا
بهاء الدين: (قربة من نيفو شمو) ديالها يعني (شاف فيها بحسرة )
إيمان: مايمكنش تتعاود نفس الحاجة مايمكنش
بهاء الدين:(بغضب مزير بيديه على الشال) أنا عاارففف شكووون مول الفعلة
مشى بهاء بالجهالة جيهة جناح الضيافة ودخل بلاما يدق الباب ..
بهاء الدين:(بالغوات) علاااااال خرررججج عنديييي دابااا
علال:(خارج مخلوع ماعرف مال هادا كايعرعر عليه على الصباح) مالللك آششش كايين تانيي
بهاء الدين:فين سيليا؟
علال:(باستغراب) لاش كاتسولنيي عليها راها مراتك أنا لي خاصني نسسولك
بهاء الدين:(شنق عليه كايديه ويجيبو) قلتتللك سيليا تخطفات ونتا أكثر واحد فمصلاحتو تغبر هاد الساعة
علال:(خلعو) و و والله ما درتلها شي حاجة أ أ نتا عارف راحنا فبلاد الشرفة بلادها هي ي ي يعني مانقدش نزعم عليها
بهاء الدين:(كايشوف فيه مخلوع وكايدوي بصدق) وشششكوووننن شكووووون زععم هاد الزعااامة كاامللة إلى ماكااانش على الحكم علاااش ؟
دربال:مولاي مايكونش زعما عدنان ؟
بهاء الدين شاف فيه كايفكر .. بصح عدنان من غير المشاكل لي كانو عندو مع مملكة الفقهة كان باغي سيليا وكان باغي ينتاقم من بهاء أكيد هو ...
فهاد اللحظة بالذات ليي القصر مخربق مع موت أحمد تزاد عليهوم اختفاء سيليا .. كولشي مخلوع وكولشي باغي غير السلاك .. تيثريت لي كاتندب على زهر بنتهااا تااني مرة كاتخطف تاني مررة .. وببهاء لي خرج بحال الحمق مع الحرس دالقصر كايقلب قنت بقنت أكيد ماغايكونوش بعدو بزااف .. أما إيمان فبقات غير كاتفكر فهاد الحريرة فالأول هي كانت سباب ودابا دابا شنو كيفاش غايلقاوها وهوما ماعندهوم حتى راس الخيط .. لو كان ماكانش علال معاهم فالقصر وتحت المراقبة كانو غايقولو هو لي خطفها على قبل الحكم .. لكن هو باينة فيه ماعارف حتى آش واقع زعماا شكوون هادا لي ساخية علييه روحو خطففها ..
#قرية_النساء💃