💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 57 👑 مشارف النهاية 🥀 اليوم الثاني من أيام التحقيق 👀 اليوم نقدر نسميه يوم المواجهة .. يوم لي غايتكثفو فيه أسرار دامت مخفية لأكثر من عقدين .. هي أسرار أو نقدرو نسميوها أخطاء اللكبار كايدفعو ثمنها الصغار في الوقت الحالي .. كان دربال في حالة يرثى لها الجرح لي خلاتو فيه سيليا تعفن من كثرة رطوبة المطمورة والبرد لي دخلو مع العضام ولا جاري بحال السم بين ضلوعو .. زيد على هادشي التعب لي هلكو .. طلب بهاء منهوم يفكوه حيت كيما كان الحال .. فواحد الوقت كان أعز أصدقاؤو بعد فخر الدين .. وكان أكثر شخص كايتيق فيه .. باقي ماعارفش شنو وقع وعلاش هادشي ..كايحاول يلقالو أعذار لكن بلا جدوى بهاء الدين:(ببرود) كانسمعك دربال:(علا عينو فيه بتعب وابتسم باستهزاء) ماعندك ماتسمع مني غير قتلني بهاء الدين: غاتهضر وغانسمعك ومن بعد غاتعدب حتى تموت ولكن فجميع الأحوال غاتهضر دربال:(بتحدي) ماغاندويش الى غير الموت غانموت فجميع الحالات يعني سري غايتدفن معايا فقبري بهاء الدين:(بقلة صبر) شنو درتتلك حتى باغي تقتلنيي بهاد اللهفة ؟ دربال: والو .. مادرتيلي والو غير بغيت نقتلك بهاء الدين :(ناض من بلاصتو ومشا شنق عليه) باراااكا ماتحاول تستفزني شنو وققع ؟ سيليا:(شافت الأمر مامسلكش ناضت هي فكرات فعوط بهاء الدين لي دابا مكسور وماغايعرفش يحل الأمر بذكاء حيت العاطفة غالبا عليه) بهاء الدين غير خليه أجي نستجوبو المرا لي كانت باغا طعنك فضهرك (شافت فالحراس) دخلوها دخلات المرا لي كانت أربعينية عندها وشم فذقنها ووجهها بحالي ممسوخة الله يحفضنا وإياكم .. شافت فيها مطولا عاد دوات سيليا: شكون نتي ؟ المرا: سوقك سيليا:(ابتسمت باستهزاء) ممم بغيتي تستافزيني زعما .. غير سمحيلي عمرك تحققي هدفك (ناضت وقفات حدى بهاء لي باقي واقف جهة دربال هزات خنجر صغير كان فوق الطابلة وبدات تلعب بيه فيدها) ممم مداب مابغيتوش تهضرو بجوج .. يعني بيمن غانبدا واش (حطات فوق عنق دربال حتى تقصح وسال شوية ددم) بيك ولا(حطاتو فوق عنق المرا) بيك ظهرات هلى عيونهوم نظرات الذعر .. ماشي من الموت لكت خايفين على بعضهم البعض وهنا عرفات بلي كاين شي رابط كايجمعهوم وغالبا غاتكون هادي أم دربال توجهات سيليا عندو وبعدات من قدامها بهاء لي غير كايشوف فيها شكاتحاول ديير دارت الخنجر فوق قلبو مباشرة وقالت بتهكم سيليا: سي دربال عوين راجلي .. ماكناش باغين نقتلوك ونرحموك لكن بانلي بلي موتك حسن من حياتك .. ياك نتا يتيم ماكاين لي يبكي عليك (حركات راسها يمين وشمال متصنعة الحزن) تؤ تؤ تؤ حرام غايدخل هاد الخنجر لصدرك بشوية بشوية بشوية حتى يوصل لقلبك ونتا (شافت فالمرا) غاتموت بشوية بشوية بشوية حتى تخرج روحك المرا:(بدات كاتبكيي بضعف) لاا لا الله يخلييك ماتقتلييهش أنا نقوللكك دربال:(تلفت ليها وغوت) ميييي سكتيييي سيليا:(ضحكات بانتصار) ممممم يعني هاد السيدة مك 😌 (شافت فدربال) حبيبي حنا ماكانضلمو تا واحد ياك ولكن(شافت فالمرا) هي كانت باغا تقتلك وأنا دابا بغيت نقتلها .. آش بانلك نقتلها بالفقصة على ولدها لي غايموت ولا نسبقها هي ونعدبو دربال حتى يبغي الموت ومايلقاهاش دربال:(يالله بغا ينوض جا حارس موراه كتفلو يدو) لااا لاااا ماتقتلييهاااششش لاااا لااااوا طللقق نتا طلق .. (بدا كايتهدن) صافي صافيي أنا غاندويي صافي (بقاو كايشوفو فيه كايتسناوه يبدا) هادشي كامل بسباب وجودك فحياتي (شاف فبهاء بحقد) نتا ديما كاتاخد لي بغيتي .. كادير لي بغيتي .. كولشي كايوصل حتال عندك .. حتى أنك تولدتيي بملعة من ذهب ففمك .. واش عمرك فكرتيي شكون هو دربال منين جاا من غير ديك الكلام ديال يتيم ولقيناه مودر .. أكيد لا حيت دربال لي كان خاصو يكون هو ولي العهد ولا هو الخدام عند ولي العهد المرا سدات عيونها بقوة والتاباقي حلو عيونهم بقوة .. حتى لي كانو برا الباب كايسمعو (إيمان ويزة وتيثريت ) كانت الصدمة سيدة الموقف بهاء الدين:(بعدم فهم) ك ك كيفاش ولي العهد ؟ شنو كاتقول؟ المرا :(بعد صمتها الرهيب قررات تهدر أخيرا ) آه كيما سمعتي (شافت فيه بغل ) ولديي كان غايكون ولي العهد .. كان غايكلس فبلاصتك ويلبس لباسك لكن .. غير حيت هو ولد الخادم ولا خادم بهاء الدين:(شدها من دراعها بقوة) نتي شكااتقوولييي ؟ يالله بغا دربال ينوضض ليه لقا راسو باقي مكتف بقى غي كايغوت دربال: طلللق منهااا طللقققق غانقتللكك .. الى باغيي تعرف هادشيييي سير سوولل باااك أولااا بانا رحااال هو غايعرف يجاوبك بهاء الدين: آش دخل بااا فالموضووع (شدو من عنقو كايخنقو) مالقيتي حتى كدبة من غير هادييي سيليا شافت القضية حماضت وبدات كاتفكلو يدييه وتجرو معاها لبرا .. الهضرة لي تقالت كانت تقيلة عليه باش يصدقها أولا يتحملها أصلا .. كانت هضرة بالنسبة ليه ماعندها لا ساس لا راس .. مايمكنش باه يخبي عليه حاجة بحال هادي .. ياك شحال هادي كانو الجواري كايولدو من السلاطين وكايوليو أولياء عهد يعني علاش باه غايرفض ولدو .. بالنسبة ليه هادشي غير تخاريف والوحيد لي غايكذبهوم هو باه بنفسو ..... تفاصيل القصة غانعرفوها غدا فالأجزاء النهائية من قصتنا #قرية_النساء 💃
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
