قرية النساء🕌مكتملة🕌

🕌الجزء 46🕌

#سلوى_العلوي ✍️
🕌#قرية_النساء 🕌
البارت 46 👑
كايقولك الزواج و الموت هم لا يفوت .. فالدنيا كايبقى شاغل بالك جوج الزواج ماحدك باقي عزري والموت إلى تزوجتي .. كاتفكر كيفاش تتزوج وتتحمل مسؤولية دارك وفاش تتزوج كاتخمم آش وجدتي لآخرتك والى جات الموت وداتك لمن غاتخلي عائلتك .. لكن هادي هي سنة الحياة كلنا ليها والخلود لله عز وجل ...
فاتو أيام وليالي وأبطالنا عايشين فوق لغيام حياتهوم هانية مهنية وكولشي فالقصر فرحان حتال ديك النهار لي جا فيه مرسول يحطم هاد الهنا ويدخل الغمة للقلوب .. مرسول لي كون صابو كون قتلوه قبل مايوصل ويفوت الفوت ...
وصل مرسول من بلاد الشرفة وطلب يقابل الأميرة سيليا حيت عندو ليها خبار من القصر
سيليا:(جات مع بهاء الدين تشوف آش كاين) تكلم آش كاين
المرسول:(مدليها رسالة ) هادي رسالة من مولاي السلطان أحمد
بهاء:(عضاه رزمة) واخا شكرا تقدر تمشي
سيليا فتحات الرسالة وغير قراتها طاحت من يديها والصدمة علات وجهها ماعرفات واش هي فحلم ولا فعلم .. واش الدنيا كاتلعب معاها ولا هي لي كاتلعب بهاء الدين غير شافها مصدومة هز الورقة قراها وضمها لصدرو كايواسيها
بهاء الدين: حبيبتي تهدنيي إن شاء الله مايكون واقع والوو
سيليا:(بصدمة) خاصنا نشدو الطريق لبلاد الشرفة دابا
بهاء الدين:واخا واخا إن شاء الله يكون خير
علم بهاء لخدم يوجدو حوايجهوم والقافلة ويعلمو إيمان بلي غايمشيو لبلاد الشرفة كان كولشي مزروب وحتى واحد ماعارف آشش واقع غير عايوجدو دغيا وسيليا غير مصدومة ماكاتدوي ماكاتكلم غير كاتخمم بحالا طرشتيها ومن حر الطرشة بقات كيما خليتيها تستوعب آش وقع .. شدو الطريق لي كانت فيها نهار وليلة يعني ليلتين .. مارتاحو ما شافوه حتى فاش كايوقفو يزررو العودان ويعتقو الروح كانو أبطالنا غير كايخممو .. ماوصلو حتى تغفرولهوم الذنوب .. غير حطات رجليها داخل القصر مابقات عاقلة على حد توجهات بالجهالة لجناح عمها أحمد .. مع الدخلة تصدمات من المنظر وداك الدمعة لي طول الطريق كانت تايهة مابغات تنزل .. نزلات بلا حتى ماترمش .. كان ممدود على سريرو وجهو شاحب صفر مسقوط منو الدم وتحت عينيه زرق .. كانت حداه دادا صفية وتيثريت وعوينو .. غير شاف فسيليا ظهرات على فمو شبح ابتسامة ومد يدو بالكشايف بحاللا كايقولها أجي عندي ..مشات بالزربة تلاحت فحضنو بحاللا كاتقولو ماتخلينيش وتمشي حتى نتا .. شافت فيه بنظرة عتاب يمكن حيت واعدها يبقى ديما معاها .. او يمكن حيت ماعلمهاش بمرضو قبل
سيليا:(وهي كاتبكي) مالك أعمي مالك ممدد فوق هاد الفراش ماشي هاككا عهدتك كنتي ديما قوي  وكتافك صحاح آش وقعلك
أحمد:(كايدوي ويطلع النفس بسهولة) ب ن ت ي ها دي هي الد ن يا اليوم ت ع ط ي ك و غ دا تكلع ل يك (بنتي هادي هي الدنيا اليوم تعطيك وغدا تكلع ليك)
سيليا: صاف ماتدوييش خاسك تبقى ساكت ماتعييش راسك باش تصح دغيا
أحمد:(طاحت دمعة من عينو) أ نا حاس بوقتي تسالا فهاد الدنيا وورقتي طاحت من فوق الشجرة تهلاي فراسك وفمك وعمرك تفرطي فالسوارت
سيليا: (جهدات فالبكا)شمن سواارت أعميي أنا بغييتك تبقى معاانا وتتهلى نتا فمي وفي وفينا كامليين
أحمد:(شاف فيها بضعف ومن بعد حول نظرو لبهاء ) ولدي تهلا فيها وصونها راها جوهرة نادرة
بهاء الدين:(باسو فراسو) إن شاء الله تعيش وتتهلى فيها نتا وتشوف ولادها
أحمد:(ابتسم كايدير الخاطر من بعد شاف فإيمان ) تهلاي حتى نتي فراسك وفصاحبتك ما تعرف العدو من الصديق غير فالشدة والضيق ونتوما عشتو الفرح والقرح بجوج (رجع شاف فسيليا) تهلاي فراسك أبنتي وفعائلتك ووصايتي خليها ديما حلق فودنك أ أشهد أن لا إله الا الله وأشهد أن محمدا رسول الله ......
"يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي"بـقــلــوب مؤمنة راضية بقضاء الله وقدره اللهم اغفر له وارحمه واعف عنه وأكرم نزله ووسع مُدخله وباعد بينه وبين خطاياه كما باعدت بين المشرق والمغرب.
غادرنا أحد أفراد هذك العائلة وغادرت البسمة وجوه أبطالنا .. كان القصر في حالة ذهول كولشي مصدوم وكايبكي بلى توقف كان احمد عزيز عند كولشي كان الأب والصديق والأخ والملك .. دلل شعبو وناس قصرو وهز كولشي فوق راسو .. عمرو تعايب معا شي واحد وزاد بالبلاد للقدام .. كولشي شاهد على جودو وكرمو وحبو للخير من الصغير للكبير .. البلاد ظلامت والناس حدا القصر تجمعت شي كايبكي شي كايندب شي مصدوم شي كايخمم .. كولشي تايه وكولشي حازن .. تيثريت منين مات وهي شادا الركنة كاتبكي ويزة لي دار معاها خير كبير كاتندب وتشكي .. إيمان شاددا فختها لي ماولداتلهاش مها .. ختها لي مصدومة الدموع كايخرجولها وهي ماكاتحرك غير لاحركتيها ماكادوي ماكاتكلم ولات مكلومة ..كيف لا وهي فقدات أبها الثاني .. الأب لي رباها وكبرها وعلمها .. الأب لي كان حامي ضهرها ومساندها .. الأب لي شد بيدها وزوجها بيدو .. الأب لي وصا عليها كأنها قطعة منو شنو غادير وكيفاش غاديير تصبر على فراقو .. لكن كيما كان الحال الفراق لابد منو .. وكولنا ليه .. هم السابقون ونحن اللاحقون ....
#قرية_النساء💃