💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 28 👑 واقفة بهمها وشانها لابسة قفطانها كاتشوف فيه فوق المنصة بحب هادا هو لي بغاتو من قلبها هادا هو لي نساها فراسها كان فجنبها إيمان وتيثريت (هاد إيمان شتها غا لاصقاهوم ياويلي تيي تبتي ) رحال : شعبي العزيز اليوم وبعد أن حكمت بلادي ووخدمتها لسنين طوال اعتبرتكم أبنائي إخوتي آبائي عائلتي لم أفرق بينكم إلا بالعدل ولم تمنحوني إلا الولاء .. اليوم وبعد ان استكمل إبني ولي العهد شروط الخلافة وبعد قبول الشعب به ملكا وحاكما سينصركم ويشد بيدكم ويضحي بالغالي والنفيس من أجل سلامتكم وبعد مبايعة علماء الدين ورؤساء البلاد له أسلمه عرشي وأنا راض عنه ومتفائل به .. وأشهد له أمامكم بخصاله الحميدة وأخلاقه المجيدة وقوته وتفانيه في خدمة بلده وحبه للخير وحكمته وإحساسه بالعدل ووفائه بالوعد .. شعبي العزيز أحبوه كما أحببتموني وتشبثو بولائكم له ووفائكم لأرضكم .. شعبي العزيز انا اليوم ما عدت حاكمكم لكنني ما زلت والدكم اللهم صلي على سيدنا محمد عبدك ورسولك النبي الأمي وعلى آله وصحبه وسلم تسليما عدد خلقك ورضى عرشك ومداد كلمتك سبحان ربك رب العزة عما يصفون وسلام على المرسلين والحمد لله رب العالمين اللهم صلي وسلم وبارك على سيدنا محمد وعلى آل سيدنا محمد كما صليت على سيدنا إبراهيم وعلى آل سيدنا إبراهيم وبارك على سيدنا محمد وعلى ال سيدنا محمد كما باركت على سيدنا إبراهيم وعلى آل سيدنا إبراهيم في العالمين إنك حميد مجيب الفاتحة : قراو الفاتحة كولهوم وجاو سلمو على بهاء وعلى رحال الوزراء وعلماء الدين والفقهة وبعدها سلمو عليه حكام البلدان الأخرى لي كان بينهم عدنان تسالمو بالنترة والشرار خارج من عينهوم عدنان:(قرب لودن بهاء كايستافزو) مبروك عليك الحكم لكن ماشي مبروك عليك الزواج بهاء الدين :(بارك على سنانو) مبروك علي الحكم والزواج بسيف عليك عدنان: مازال ماتزوجتو باقي عندي فرصة 😉(دابا هادا علاش كيقلب 😏) بهاء الدين : (بعصبية شدو من الكول دالو وقربو ليه) والله ثم والله وتقرب منها شبر واحد آخرتك على يدي فهمتي فخر الدين شاف لبلان من بعيد ومشا كايجري يفاكهوم باش مايرض حتى واحد البال فخر الدين: صاف صاف بهاء الدين رخي منو حدانا الناس عدنان: غيير خلييه يشوفو الناس حاكمهم الجديد 😈 بهاء الدين :(رخى منو بالكشايف غير حيت ماباغييش يحشم باه قدام الحضور) وربي لي خلقني وخلقك مازال غانوريك مقامك جيتيني اليوم مشغول أما غاتحسب سنانك قدامك عدنان: راني قلتلك أعلى ما فخيلك ركبو 😉 (والله يا عدنان كون ما محتاجاك فالقصة حتى نلوحك من داك المنصة نعطب والديك غا جيتيني معرفة 😡) أخيرا سالا الاحتفال وجوج دناس متشوقين يتلاقاو بعد شهر من الغياب كانت واقفة فالحديقة لي قدام بيتها طالقا شعرها كايديه ويجيبو الريح سادا عويناتها وكاتشم الهوا دسيدي ربي كادندن نفس الأغنية لي ولات أحسن أغنية عندها "آه يا سلطاني" ما حسات براسها حتى قفزها بصوتو بهاء الدين : " سلب النوم خيال مر بي...في فؤادي لحبيب غائب...فاستثار الطيف قلبا مثقلا...أضرم الحب فأهوى جانبي...يا خليل الروح هلا زرتنا....في شروق الشمس أو في المغرب...أو فزرني في منامي علنا....نلتقي لو في زوايا الحجب...أظلم الكون لفرقاك ولاح....طائر ذل لهجراك جناح....نظرة يا حلوتي منك حياة....يشرق الكون ويرتاد الصباح.....أزهر الورد لذكراك وفاح....أذن الساقي إلى هذا الفلاح " سيليا:(ناضت وتقابلات معاه بخجل) علاش كاتقولي هاد القصيدة بهاء الدين: حيت فغيابك كنت كولما نتفكرك تجيني فبالي. واليوم أخيرا شفتك مايمكنش مانقولهالكش سيليا: وأي خيال سلبك نومك ؟ بهاء الدين :(قرب ليها وشد وجها بين يديه قبل جبينها بحنان وقال) خيالك يا سالبة نومي وعقلي وقلبي وفؤادي ومناي سيليا:(نزلات عينيها بخجل) مبروك عليك الحكم بهاء الدين:مبروك علينا الزواج سيليا:(غاطرطق بلحشمة وخاصة يديه لي مازالين فوجهها) مازال ماتزوجنا بهاء الدين : (ميل فمو جنب زعما بزعطة ورخا منها ) إوا غدا نتزوجو مالها صعيبة ولا مابابغاش سيليا:(بعفوية) أويلي لاا (حسات براسها) ز زعما بغييت هيهيي ماتديش عليا هانا غادة نعس في النعاس (كاتهرب ) بهاء الدين : أجيي لهناا شمن نعاس قوليلي إمتا نتزوجو راني مزروب سيليا : و ومالك مزروب آش تابعنا بهاء الدين:تابعنا بزاف احبيبة 😉 تتمة البارت 28 💥💥💥 سيليا ماعرفات واش تحشمن من ديك تابعنا بزااف ولا تغرق من كلمة حبيبة لي اول مرة يقولها ولا تقتل راسها ولا تنتاحر سيليا: ويلي الماسخ مابقيتيش كاتحشم ويلي ويلي بسلامة بهاء الدين:(شدها من خصرها قبل ماتمشي) إيوا ياري شي بوسة قبل ما تمشي سيليا:(صاف عتقو السيدة راه ماتت) أويلي حيد حيد علي هنننننن(كتهرنن) بهاء الدين: والله مانا طالق حتى تقوليلي إيمتا نتزوجو وا مارانيش مفاك معاك سيليا: وصاف صاف راه خاسني ندير عرسي فبلاد الشرفة عاد نجي معاك لهنا بهاء الدين :(قرن حجبانو )هي آش ؟ سيليا:مالك قرنتي حجبانك راه العروسة كاتخرج من دار باها ماشي من دار راجلها بهاء الدين: دابا أنا نتسنااك تمشي لبلاد الشرفة فليلتين ودوزي تلاتة أيام دالعرس وعاد يوماين تانية دالطريق وسبعيام دالعرس فبلاد الفقهة 🤨 سيليا: إيوا هادشي لي عطا الله لي بغى لعسل يصبر لقريص النحل وا رغي مني دابا خليني نمشي قبل مايحصلونا بهاء الدين : واخا العسل 😍 نصبر واخا الصبر كايضبر على ودك العمر أويلي هاداا بغى يصطيلنا البنت 😂 مشات مسكينة كاطير من قدامو غافلين على العيون لي مراقباهوم بشر وكاتوعدلهوم بالعذاب ... دخلات لبيتها لقات إيمان تما سيليا:(كاتنش على وجهها لي ولا حمر غايطرطق) ويلي ويلي ويلي هنننن مابقييتش باغا نتزوج هننن إيمان: أويلي تي مالك غاطرطقي لاش ماباغاش دارلك بهاء الدين شي حاجة 😡 سيليا: وا لاااا ولكن غايديييرر وا غايديييرر أويلي على المقزدر شوف غي دابا باقي ماتزوجنا وشكايدير 😭 إيمان:(ابتاسمات بخبث) هيهيهيهي مشيتي فيها كفتة غياكلك أبنتيي مانتي فخيير سيليا: أويلييي هنننن وا مامااااا صاف غاندشي دابا نفرتك هادشيي يالله غاتنوض شداتها إيمان إيمان: وا تبتييي يالهبيلة وترزنيي ونتي مخلوعة غا من جنابك واش باغاه يتزوج بشي وحدة أخرى ؟ سيليا: أويليي نقتللووو هو وياها 😡 إيمان: إيوا هي الى حضرتي عقلك الهبيلة تحزمي وترزمي راه الزواج مسؤولية ونتي دابا مابقيتيش دراسك والله وماتشدي فراجلك حتى طيرولك شي وحدة واخا بهاء مايديرهاش ولكن أزين الرجال كامليين واخا يكونو رهبان عقلهم فحجرهم 😉 سيليا: شتك مابقيتيش تحشميي 😏 أصلا نتي منين عارفا هادشي إيمان: (تلاحت على السرير) أختي ماكاينا حشمة فهادشي كانت مي الله يخليها لي كاتعلمني قبل مانتزوج بداك الشارف الهارف زبط الفم تف تف دكرنا السمن والعسل (ولات ناضت وتقابلات معاها ودوات بجدية) سمعيني مزيان راه خالتي تيثريت أكيد غاتدوي معاك قبل ليلتك ولكن أنا هادشي لي غانقولولك خليه حلقة فودنيك نتي عشتي وسط لعيالات أما أنا كنت بنت وسط الرجال وعارفة آش خاصهوم .. الراجل بلكلمة لحلوة والغمزة تحايلي أبنتي راه واخا يكون يبغيك ويحماق عليك إلى نتي ماتنازلتيش شوية وهو كذلك عمر زواجكوم يتم بخير غايكون عامر غير مشاكيل وصداعات سيليا: وشنو دابا خاصني نذل براسي ولا كيفاش 😡؟؟ ايمان: والا يالهبيلة هادا ماشي ذل غيير منين يكون معصب نتي سكتي نخلييه خلييه يقول مابغى فاش يسالي على خاطرو لوحيلو شي كليمة وسيري ماتديهاش فيه فاش يرطاب ويجي يحزر ويرغب رديلو داكشي لي قالك كامل ويلا بغى يدوي وقفييه قولو كيما سمعتك سمعني حتى نتا أو غاتلقاي راسك ديما على حق وصواب وهو ديما غالط ولكن نهار تغلطي ماتقسحيش راسك طلبي السماحة حيت هادا ماشي دل ماكاين دل بين المراة وراجلها كاين المودة والاحترام (يالله البنات هانتوما على إيمان نصائح للمقبلات على الزواج 😂😂) سيليا:(بقات غي كاترمش بعويناتها النص فهماتو والنص ما عرفات منين تبداه ) واخا كوني هانية بقاو البنات الليلة كاملة كايتناقشو فالزواج تقول فايتلهوم مدوزات وهوما غير داكشي لي كايسمعوه من العيالات 😂😂 سيليا😉😂
Oops! This image does not follow our content guidelines. To continue publishing, please remove it or upload a different image.
