قرية النساء🕌مكتملة🕌

🕌الجزء 40🕌

#سلوى_العلوي ✍️
🕌#قرية_النساء 🕌
البارت 40 👑
قالك أسيدي حب العدو تبعدو .وكره الحبيب تقربو
ديما كانسمعو الحب الحقيقي كايبدا بصداع .. علاش فنضركم ؟؟ حيت أسيادنا أجسادنا فيها هرمونات وهاد الهرمونات فاش كايوقع مشادات بين جنسين كاتفرز الأدرينالين وهاد الأخير بدورو كايساعد فإفراز السيروتونين لي كايسهل الأنجذاب بين الطرفين كيما كانقولو كبرها تصغار 🤣 والمصيبة هي الى كبرات وما تلاتش بغات تصغار كانطيحو فما يسمى الحب الأعمى...
هادشي لي واقع مع عصافير الحب إيمان وفخر الدين غير هي منفخة وهو قالها ماتعرفيش .. غير هي حمقة وقالها ماتصيبيش .. غير هي معصبة وقالها الأعصاب أنا مولاهوم حتى لقاو راسهوم بلا هواهوم تصيدو ووقعو فما يسمى "مصيدة الحب" هو ناكر وهي ناكرة وماحدهوم ناكرين وقلوبهوم موافقة وما حدهوم مبعدين وأرواحهم مترابطة لكن ماشي ديما كايكون الحب كافي .. بعض المرات كايكونو عقبات لي كايخصهوم يتحلو أول بأول عاد نقدرو نقولو بللي وصلنا للاكتفاء ببعضنا البعض ...
حلات عينيها كان الحال مضلم بقات دقائق كترمش باش تستوعب آش وقع عاد حسات بحركة حداها .. كانت سيليا مجبدة حداها كاتسناها تفيق حتى غابت معاها .. يالله إيمان حاولات تنوض فاقت سيليا مخلوعة
سيليا: فقتيي ؟(عنقاتها) خلعتيينيي عليييك
إيمان:(مبادلاها العناق بقوة) سمحيلي غوت عليك قبيلة وخلعتك
سيليا: هانية الحمقة واش حنا بيناتنا
إيمان : شنو وقعلي؟
سيليا: سخفتيي عرفتيي كنتي كاترععدي خلعتينا عليك
إيمان:(بتساؤل) شكون نتوما؟؟
سيليا:(غنزاتها) فخر الدين كان شوية ويجمعها معايا ولا بحال الحمق فاش شافك
إيمان:(فلبها تهز من بلاصتو) أويليي لاش قلتيهالو
سيليا: ماقلتلووش غا تا دخل عندي طافج فزعني (سكتات شوية وقالت بتهكم) باينة فيه طايح
إيمان:(كاتنكر) لا لا لااا ما باين فييه والوو مادخليليش هاد الأفكار لراسي
سيليا:(شداتها من يديها ) علااش مالك ماشي بنادم ماتستاهلييش تا نتي تبغيي وتبغاي
إيمان:(كاتهرب عينيها) لاا أسيليا هادي حاجة مستحيلة أنا نهار عتبت بلاد الشمال وتكتبلي عمر جديد قررت نعيش ما بقالي فحياتي بوحديي
سيليا: علاااش ؟
إيمان: غيير هاكااك
سيليا: شوفيي فييااا وقوليلي فوجهي بلي نتي ماكاتبغيهش (مابغاتش تشوف فيها) علليي عيينك فيي علاش كاتهربييي
إيمان:(شافت فيها) ماكانبغييهش
سيليا:(بالغوات ) كدااابة شوفيي عينك كييف مدمعيين(ميقات فيها)  نتي هي لي قالو عليك قافزة و مجبدة . والحب ردها مبلدة 😏
إيمان:داباا لاشش باغا توصليي
سيليا: عاوديلي ماللك آششش ضااررك شنووو مشاالللك ؟
إيماان:(بدات كاتبكيي) مششالليي كولشييي حياتيي كاملا مشااات .. تسلبات منيي طفولتييي وشبابييي وحتى حلاوة نشيخ وانا كانشوف راجلي قبالتي
سيليا:(باستغراب وحزن) اشنو وقع ؟
إيمان: (سهات للحظات بحاللا كاتفكر شي حاجة ) كانت ليلة زوينة كنت فرحانة لزواج بنت خالتي ناشطة كيفي كيف لبنات ومحنية حتى أنا .. كان ولد عمي داوي في وكان عرسي غايكون فاش يغيب لهلال ويرجع قمرة .. واخا كنت صغيرة مافاهما فالدنيا غير القليل .. كنت فرحانا حتى أنا يكون عندي راجل نتسند علييه ونولد وليداتي معاه .. لكن ديك الليلة المشؤومة ماسالاتش بخيير .. خرجت نشم لهوا دسيدي ربيي وسمعت كلام حدى البير .. فضولي دارها بياا وساقني برجليا لبلايا وفضيحتي .. كان ولد عمي لي غايولي راجلي بلا حشمة بلا حياء مقنت مرات خوه حدا البير (غمضات عينيها بألم) و كيفسدو بحاللا ضميرهم ماات وما بقا حيى كنت مصدومة ماحسيت حتى طيحت الكاس لي كنت هازا من يدي .. تلفتولي بجوج شافوني وبداو يتخبعو يالله بغيت نهرب و(شهقات بقوة )
سيليا:(عنقاتها) وشنو؟؟
إيمان: و وشدني كان خاصهوم يسكتوونيي وللأبد مالقاو غير طريقة وحدة 😭
سيليا: (بخوف بحاللا فهمات آش باغا تقول) شنو دارولك ؟
إيمان: (كاتبكي بقوة) خدااا منيي شرفي بلا رحمة ولا شفقة ماراعاشش لسني الصغير ولا جسمي الهزيل .. ماراعاش للملحة والطعام لي تشاركنا والا لخير باا لي دار فييه فاش ولا يتيم رباه وكبرو وقرااه ونوى يزوجو لبنتو الوحييدة لأغلى ما كان كيملك (تنهدات بعمق) ولليي كثر من هادشييي خلاني مليوحة ماحيلتيي نوض نستر راسيي ولا نبكي على جرااحيي ولا نجمع راسي قبل مايجيو لي يرجموني بالحجاري ..ولغد ليه بات ما صبح خلا ناس القبيلة كولهوم يشيرو فيا شي كايقول "هرباتو" شي كايقول"نافر منها ما بغى يتزوجها" شي كايقول بززوها علييه وحتى واحد ماقال العيب فييه حييت هووو راااااججللل وسييد الرجااللل ...(بقات كاتبكييي وتزيير بيدها على سيليا لي كاتبكي معااهااا) كتتمت الكيية فقلبيي وخبيت سري حتال هاد النهار .. فاش بغاو يزوجوني قلت اللهم نتسمى هربانة من الزواج والا يلقاني مرا ونطيح لببا الراس .. كنت غنموت فالحالتين بجوج لكن بغيت نخليي بلاصتي عند باا كبيرة ونخلييه رافع راسوو بي دابا سيرتي.. تنسات فالقبيلة لكن كون لقاوني ماشي بنت كنت عمرني نتنسى وغانخلي با يدوز حدا لي يسوا ولي مايسواش حادر الراس ...
سيليا:(بقات غير معنقاها وكيبكيو بجوج) نتي مادرتي والو نتي أشرف منهوم .. غايجي النهار لي المراة تقدر دافع فيه على حقها وتوقف فوجه العادي والبادي وتعلي راسها الفوق بلا خوف .. يمكن داك النهار  ماشي اليوم ولا غدا ولا بعدو .. يمكن مور سنوااتت كثار .. لكن حاسة بيه غايجي.....
#قرية_النساء💃