💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 8 👑 يا شمس علي ويا وردة تفتحي ويا ناس فيقوا تششهدوا لقاء سيد المير وحبيبتو .. كانت كالعادة كتمشى بين الورد حتى وطات على حجرة شافت فالأرض بغات تزيحها لكن لقاتو سيف من فضة ومنقوش بالذهب الخالص عليه سمية بهاء الدين عجبها شكلو ولكن شكات شكون داز من هاد الرحبة وشكون مول السيف حيت فالقصر ماكاين تا واحد من الشرفة أسموا بهاء الدين جاها لفضول وزادت بعدات على الحدود حتى تصدمات منين شافتو ممدود وفدمو غارق ضعيف ومغلوب .. قربات وهي مصدومة هو مول العيون الملونة لي خلى قلبها يرفرف وعينها تدمع من شوفتو ليها حركاتو بالمهل بحاللا خايفة عليه يتقسح كان مضروب فجنبو كينزف سيليا: سيدي واش كاتسمعني واش عايش قاست نبضو كان ضعيف آش هاد الحالة وآش غاندير ؟ الى عيطات للقايدة تقدر تقولها زيدي وخليه لايكون ناوي لغدر بقالها حل واحد تحاول تجرو حتى توصل لغرها لي كاتكون فيه ويحن الله .. كابرات وتعافرات حتى وصلاتو للغار جابت لعشوب والماء وقطعات من ثوبها باش داويه كانت السخانة طالعالو والجرحة مقرحة لكن حاولات واخا فهامتها قليلة تداويه وتخرجو من هاد المصيبة .. تعاشات لعشية وهي باقا حداه وهو ولا بغى يفيق اضطرات ترجع بحالها للدار حيت تعطلات يزة: فين كنتي غابرة يا هاد لخطية كنت شوية ونلبس حايكي نهبط للقبيلة سيليا: دادا يزة واش تعرفيني نهبط للقبيلة بلا خبارك راه غي كنت تايهة فلعراصي تا تعاشات لعشية وغربات الشمس يزة: درتيها يا بنتي وعاودتي هبطتي بلا خباري ونسيتي بللي كولشي كيوصلني ما علينا سيري غسلي يديك وزيدي نتعشاو سيليا: هاهي غادا مشات سيليا بدلات قفطانها لي شركاتو من الجنب غسلات يديها ومشات تتعشى وهي غايبة على هاد الدنيا كتفكر فيه عنداك يكون مات ولا تزاد عليه الحال .. بقات كتقلب ففراشها وخاطرها ضايق بغات غير فوقاش يصبح صباح وتمشي تشوفو كيف بايت ........... حل عينيه كيحس بجنبو ميت وضلوعو كضرو بقى كيستوعب آش وقعلو وكيفاش وصل لهاد الغار لكن بلا نتيجة كل لي عاقل عليه هو أنه بقا كيزحف يقلب على لي يعاونو حتى طاح واقف .. حاول ينوض لكن حاس براسو فاشل وما قاد يحرك حتى يد بقى ساهي كيخمم شكون عاونو وداوا جرحو حتى دخلات دايرة على وجهها نقاب شفاف وفوق راسها سلهام غير شافها تصدم ماتخيلش بلي دوك لعوينات لي أسروه النهار اللول عاود كيشوفهوم اليوم الى بغات تجي لموت دابا غير تجي سيليا : فقتي !! الحمد لله كنت خايفة ليتزاد عليك الحال بهاء الدين: (وهو تايه فيها وحاضيها حتى جات بجنبو جلسات) سبحان الخالق كنت كنتمنى غير لي ينقذني من الموت لكن ربي جازاني بأكثر من لي تمنيتو سيليا:(حشمات وحدرات راسها وقالت كتحاول تتفادة هاد لكلام) واش باقي عياني هانا جبتلك لفطور سمي الله بهاء الدين:(عرفها حشمات وبدل لموضوع) أنا مزيان شكرا حيت داويتيني أبنت الناس بلا بيك كنت غانولي حجاية يعاودوها للدراري الصغار سيليا: بعيد لبلا ولباس بهاء الدين:(ابتسم من عفويتها ) شكرا على الطعام بنين الله يعطي الصحة للي. صايبو سيليا : بالصحة ..(بتوتر) بغيت نسولك واش نتا من القطاطعية ؟ ولا من النبلاء بهاء الدين: وعلاش منكونش من أيها الناس علاش بضبط هاد الجوج ؟ سيليا : (جبدات السيف من حاكها وعطاتو ليه ) حيت إما غاتكون سارقو ولا يكون ديالك ومملكة الشرفة ما فيها تا شريف بهاد السمية بهاء الدين:(خدا سيفو من عندها ) شكرا حيت لقيتيه كوني أكيدة أنني ماشي من لقطاطعية وماشي من مملكة الشرفة أنا غير عابر سبيل دزت على مملكتكم فاش كنت شاد طريق لكن وقع لي وقع وتصابيت أنا وعويني (تفكر) آه دربال خاصني نمشي نقلب عليه حيت تا هو تصاب يالاه بغا ينوض وقفاتو سيليا سيف بهاء الدين 👇
Oops! This image does not follow our content guidelines. To continue publishing, please remove it or upload a different image.
تتمة البارت 8 💥💥 سيليا: لا لا لا والله ما انت نايض الجرحة مقرحة وغاتزيد تتفتح الى تحركتي فين خليتي صاحبك أنا نقلب عليه ونرجع لعندك بالخبار بهاء: لا لا كيفاش تمشي لخارج حدود لبلاد ونتي بنية صغيرة مايمكنش سيليا :ماتخممش أنا قادة بشغالي غير نعتلي وانشاء الله نجيبلك لخبار لي باغي نعتلها بهاء الدين لبلاصة ومشات وهو خايف لا تصرالها شي حاجة وهي غير ولية ضعيفة(سمعتو البنات قال ضعيفة😂) مشات وليتنا الضعيفة 😂 للبلاصة لي نعتلها لكن مالقاتش دربال لقات غير ورقة مكتوب عليها شي كلام هزاتها ورجعات عندو مداتهالو يشوف أش فيها من مفيد "رسالة إلى الأمير بهاء الدين مولاي لقد استيقظت ولم أجدك في الجوار لا أعلم أي مكيدة هذه وأين ذهبت بعد مغادرة الخونة ، إذا عدت يا مولاي أخبرك أنني ذاهب إلى القصر لأخبر الملك عن هذه الأخبار وأعود للبحث عنك إن شاء الله تابعك المخلص دربال" بهاء الدين تعصب من الرسالة أكيد غايتخلعو عليه وهو ماليه جهد ينوض ويلحق عليه قبل مايسيقولو فالقصر الأخبار لكن ما عندو مايدير هادشي لي بغات الوقت بقات بطلتنا كاتشوفيه كيفاش قارن حجبانو وما عاجبو حالو قالت أكيد جاتو شي خبار لي كون صاب كون قتل مولاها بلا رحمة ولا غفران شاف فيها وتلاقاو لعيون مرة أخرى لكن هاذ المرة ناضت سيليا قفزات سيليا: المهم أنا غادة نرجع للقرية ونولي عندك فلعشية نداويلك الجرحة ونجيبلك ماتاكل واايياااك تعتب برا هاد الرحبة حيت الى ما قتلاتك جرحة بسيف تقتلك ضربة بحجرة ، السلام عليكم خرجات كتجري قبل مايجاوبها خلاتو مصدوم من ردة فعلها لكن سرعانما تحولات صدمتو لبسمة وخلاتو تايه فمولات سالف عبلة ايوا البنات فنظركم شغايوقع فقصر الفقهة الى ساقوا لخبار ؟؟ تبعو معايا وتعرفو تتمة قصة #قرية_النساء💃 بهاء الدين 👇
Oops! This image does not follow our content guidelines. To continue publishing, please remove it or upload a different image.
