قرية النساء🕌مكتملة🕌

🕌الجزء 35🕌

#سلوى_العلوي ✍️
🕌#قرية_النساء 🕌
البارت 35 👑
أُداعِبُ قَلْبي مِنْ غَرامٍ يُؤَرِّقُ ***** وَهَلْ عاشِقٌ في حُبِّهِ قَدْ يُحَقِّقُ
فَنارُ الْهَوى إِنْ أَضْرَمَتْ لِصَبابَةٍ ***** فَقَلْبُ الْفَتى مِنْ لَوْعَةٍ سَوْفَ يُحْرَقُ
وَتَسْلُبُني الْأَلْحاظُ مِنْ نَظَراتِها ***** وَمِنْ فَوْقِها السُّيوفُ بِالطَّعْنِ تُصْعِقُ
خَلاَّبَةُ قَدٍّ ذاتُ خِصْرٍ مُخَبِّلٍ ***** فَهَذي الَّتي مِنْ حُبِّها الْقَلْبُ يَنْطِقُ
فُتِنْتُ وَما أَبْقى الْهَوى بي رَجاحَةً ***** وَمَنْ يَعْشَقُ الْجَمالَ بِالْحُبِّ يُشْنَقُ
كان كايشوف النجوم وكايتمتم بهاد الكلمات
فخر الدين: الحب كايهبل ابن عمي
بهاء الدين: (تلفت عندو بابتسامة جانبية) كاتهدر بحال لي عمر طرق باب قلبو حب ولا إعجاب
فخر الدين:(قرن حجبانو بغيض) بانلي فراق سيليا اثر عليك ووليتي تهلوس ونتا فايق
بهاء الدين : خلاوها جدودنا حب عرج ولا تحب ثلج
فخر الدين: طريق لعقل تخرج وطريق القلب تعوج 😏
بهاء الدين : باغي تقولي بلي أنا عوج بلاما تعايرني فوجهي 🙂
فخر الدين : حاشا أمولاي السلطان
بهاء الدين :سير سير تخمد غدا خاصنا نشدو الطريق والله يركبني عليك نولي نشوفك كاتهلوس باسم الحبيب 😉
.............
في الحمام كانت داهنا لحمها بخلطة فيها الحنة دعشبة الداد والعسل والسكر والقرنفل وزيت اللوز والسمسم شللات وبدات كاتحك بالخرقة لكن بعد مرور مدة بدات كاتحك بالجهالة بحاللا فيها الجدام
أم كلثوم : بنتيي بشوية غاتحردي لحمك
سلمى: ميي كانحس بالحكة بزااف
رمانة: مالك أبنتي ياك ديما كاديري الخلطة عمرها ضراتك
سلمى: ماعرفتش أمرات عمي ماعرفتش غانموووت عتقونيي
في مكان آخر كانت سيليا كاتشوف فيها بشر وابتسامة جانبية على شفاهها أما إيمان حابسة الضحكة بسيف .. كانو البنات تجمعو عليها كل وحدة شكاديرلها باش تخفف عليها الحكة لكن والو ولا لحمها حمر بالحكان
إيمان: ناري ياختي بقات فيا 🙂
سيليا: حتى أنا (شافت فيها) واقيلا نوض نعاونها 🙂
إيمان: نوضي
مشات سيليا ومعاها خلطة فيها خلاصة الصبار مع زيت اللوز الحلو قالتلهوم يبعدو رمات عليها الماء بارد وولات دهناتلها لحمها بديك الخلطة عاد بردات شوية
رمانة:(عاجبها الحالة) تبارك الله على عروستي فين تعلمتي هادشي ؟
سيليا:(ببراءة) فقرية النساء كنا كانعالجو (يالله غاتقولها الحكة دالحريكة وهي تفكر بليي هي لي دارتلها الحريكة بلاصة الحنا وسكتات
فلاش 🔙
كانت هازة وريقات الحريكة لي نشفاتهوم فهاد اليومين فالشمس وبدات كادقهوم حتى ولاو بحال الحنة دارتهوم فكموسة مع الحنة وبدلاتهوم مع الكموسة لي كانت فسلة سلمى 😂
نهاية الفلاش 🔙) كانعالجو الحكة بهادشي 🙂
سلمى:(فوق نفسها) شكرا
سيليا:ماكاين باس
كملو داك الحمام ورجعو بحالهم وسلمى سخفانة مسكينة باقي لحمها طايب أما لبنات فابقاو غي كايضحكو ويوشوشو حتى تقطع فيهوم النفس (ماعندهوم قلب 🙂)
وصلو للقصر ومشاو للجردة يجلسو يشربو أتاي كانت سيليا هازة كاسها حتى حسات براسها ماهيااش تقبط قلبا وداك الضحك لي كانت كاضحك تقلب لغمة
سيليا: قلبي مقبوط ياختي ماعرفت بهاء الدين فين يكون دابا
إيمان:(فمها عامر) هاي هاي هاي وراه غيي الحب هاداك
سيليا: وا تي شمن حب ولا عمي المكي راه قلتلك حاسة خاطري ماهانيش
إيمان: شنو زعما ديكشي ديال الجنون ياكما عندك لجواد كايوصلولك خبارو
سيليا:(ضحكات بلا هواها) تففوو معامن داويا حتى أنا(دفعاتها بيدها حتى كان غايتزلعلها أتاي ) نوضي من قداميي
............
كانو شادين الطريق حتى خرجولهوم رجال ملثمين من العدم
دربال: شنوو واققعع
الرجال بداو كايهاجموهوم كانو كثر منهوم وأغلبهم مافاهم والو لا آش واقع لا شكون هادو
فخر الدين: بهاء الدين راهوم كثار انسحب ماحدهوم ملاهيين
بهاء الدين :واش نتا بعقلك ماشي من شيمي نهرب
فخر الدين : عندااااك
تلفت بهاء الدين و........
فنظركم البنات شنو غايوقع معاهم ؟ وآشنو مخبيلهم القدر فهاد السفر لملاوط ؟ هادشي لي غانعرفوه فقصتنا #قرية_النساء💃