💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 29 👑 هو: سوق النساء سوق مطيار يا الداخل رد بالك هي: يوريو لك من الربح قنطار و يديو لك راس مالك هو : يديروا شركة من الريح و يحسنوا لك بلا ماء هي: كيد النساء كيدين ومن كيدهم يا حزوني هو: راكبة على ظهر السبع و تقول الحداء ياكلوني هي : بهت النساء بهتين من بهتهم جيت هارب هو: يتحزموا باللفاع و يتخللوا بالعقارب تعالات الضحكات فالقاعات كانو هادو كلمات قالتهم عمة العروسة يوم حنتها وعم لعريس يوم وداعو لصحابو هادو كلمات ورتوهو جدودنا ولابد منهوم يتقالو قبل ليلة ما لعرس يبدا كاينشطو بيهوم الجو وكايخليو الراجل يفهم بلي المراة ماشي كيما كايشوفها ضعيفة ونية غناو للعروس أغنية الحناء دموعها على خدها "صليو على محمد صليو عليه لي ماذكر محمد لا خير فيه لا خير فيه يا لالة لا خير فيه يوم الزحام والنيران يشفع فيه أيشفع فيه يالالة وملائكة الرحمان دايرين بيه صليو على محمد صليو عليه لي ما ذكر محمد لا خير فيه اللهم صلي وسلم عليه سيدنا محمد عليه السلام وباسم الله نعلو الشيطان والشيطان نعلوه وخزيوه دراب الطبل خرجو لهدية قولو ليما ترضي عليا ودار لالة يا دار لبنات البارح عامرة واليوم خوات جيبو الحنة جيبوها لي نحني للعروسة ونمشي فحالي يدك مليح للحنة يا لالة خاتم جديد لازمنا وجمع رضاك رضاك الالة وديه معاك الالة وديه معاك وفتح الباب الالة وفتح الباب فوجه لحباب الالة اللهم صلي وسلم عليه سيدنا محمد عليه السلام" أي بنت فليلة حنتها كاتبكي دم بدل دموع حيت غاتولي محسوبة على راجلها وغاتخرج من كنف عائلتها خاصة فديك لوقيتة ماكان لا تيليفون لا انترنيت فاش كاتمشي البنت كاتصبح بحال لحمامة لي مشات ماولات حتى دار العام والمها البكاء ووالم مها النواح علقولها الحاضرين لويزات ذهب ودعاو معاها بالثبات والدرية الصالحة والحياة السعيدة حيت الغد ليه غايجي راجلها يديها وتبدا سبعيام دالعرس فدار لعريس ضحكو لبنات ونشطو وبكاو ديك الليلة دازت بالكشايف ... صبح صباح جديد صباح تودع فيه العروس أهلها وحياتها كعاتق وتبدى حياة جديدة لبسات قفطانها الأبيض وسلهام مغطي وجهها وصل فارسنا المغوار خدا التمر والحليب من يد أم العروس واستالمو أحمد باش يوصيه على بنتو اما تثريت بقات كاتوصي بنتها آش دير وآش ماديرش ةةتتهلى فراسها وتصون دارها وتكون مرأة وقادة هي دابا غاتتغرب فبلاد ثانية خاصها تكون على بال بما ان وثيقة الزفاف مازال ماتختمات يعني غايمشي مع سيليا أحد محارمها ولي هو عمها وغايرجع فاليوم الموالي للتوقيع وطبعا لالة إيمان لصقاتها لقصة وحدة قالك هي منها مامفارقا وحتى سيليا جاتها عل الكانة وقالت نديها معايا نشم فيها ريحة البلاد 😂(الله يمسخكوم نخاف غير تشعلو العافية فالقصر 😖) وصلو مساء اليوم الموالي لقاو القصر مزين ومن الداخل مضوي بالشموع ومعطر برائحة العود استقبلو العروس بالتمر والحليب طبعا .. وطات برجلها اليمنى فالباب ودخلات بعدما سمات الله والزغاريت علات .. داوها لبيت الضيافة (غرفة ضيافة العروس ) كانت معاها إيمان لي غير علاتلها السلهام تصدمات إيمان: اويلييي تي مالك سيليا:(عيونها قطرة دم ودموعها شلال طيلة الطريق وهي كاتبكي وتنوح وحتى واحد ماحاس بيها ) ماللك مايبكي حد إيمان: واش تيي حمقة اله الله الى شافوك الناس يقولو غا ضربها جن سيليا: سيري سيري نتي ماحاساش بيا إيمان:(بجدية) إلا نتي خرجتي من داركوم مزوجة أنا راه خرجت من دارنا هربانة إلى نتي تقدر تمشي لداركم مرتاحة أنا بلاد الشمالا نهار نوطاها نتردم تحت الحجر سيليا:(عاقت براسها قاستها فالوتر الحساس) صافيي سمحييليي أحبيبتي رانيي غيير مقلقة شوية وصاف ايمان:(عنقاتها) عارفا معل.. قبل ماتكمل كلامها سمعو شي حاجة كطرطق فالشرجم سيليا: باسم الله الرحمان الرحيم ياكما حتى هاد القصر مسكون بحال قصر الشمال إيمان: صبري نشوف طلات منالسرجم بانليها خيال إيمان: نوضي نوضي راجلك ماتلاش صابر خرجي شوفيه آش باغي سيليا: ويلييي إيلا شافونا شغايقولو علينا جريي علييه أناا ماغايشوفني تا يتختم العقد ويجي إسمي على اسمو إيمان: (دارت حلات الشرجم ودوات بالهمس ) وا خويا بهااء غاا سير راها مابغاتش قالتك حتا تختمو العقد بهاء الدين :(بعصبية) وا خلاص قولها تخرج غير نشوفها إيمان : وا غي سيير راسها حجرة والله ماتخرج بهاء الدين :بففففف وا قوليلها والله حتى نخرجها منها دخلات إيمان كاتضحك أما سيليا بدات تاني تهرنن منكييينة مخلوعة من الدخلة 😂😂😂 نامت كل العيون إلا عيون العاشقين .. لي كايتسناو ليلة عقد قرانهم غايوليو فيها رسميا زوج وزوجة طبعا الإنسان شحالما بقى كايجي نهار لي يبغي فيه حتى هو يلقى نصفو الأخر يتشارك معاه الحلوة والمرة ويدير معاه ولاد ثمرة حبهوم .. مور الزواج كايولي رابط أقوى من الحب لي هو المودة والاحترام والألفة ... كاتولي حافض الشخص الآخر وعارف كل تصرف شنو كيعني الوحدانية صعيبة بزاف واخا يكونو بينا الحباب والصحاب لكن رفيق العمر غير حيت كاتعيشو أمور عمر تتعاش كيجاوكوم البنات نصائح اجزاء الليلة ؟ فضلت مانسألش سؤال على القصة حيت الأحداث توقفات لفترة من الزمن بسبب زفاف السلطان بهاء الدين بالأميرة سيليا كونو على بال حيت غايبدا عرس السبعة أيام 😉 #قرية_النساء💃💃 السلهام 👇😍
Oops! This image does not follow our content guidelines. To continue publishing, please remove it or upload a different image.
