💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 10 👑 فاتو ليالي وكولها فهمو ساري في قصر الفقهة رحال ساق خبار ولدو ودار راسو ما عالمش خاف لا تنوض الفتنة ويكتر لقيل ولقال وينوضو ينقالبو عليه العديان أما فقصر الشرفة كان الملك أحمد كعادتو كالس مع دادا صفيةوحالتو ما تعجب عيا وهرم وزاد مرض مور ما ماتت نوارتو لي من شوفتها تحرم دادا صفية:أمولاي الله يهديك كول شوية راه حالك ما بقاش عاجبني أحمد: شغانقولك أدادا راكي كاتشوفي الحالة ماشي لخاطري المرض هلكني والصحة مغلوبة د.صفية: وشنو المعمول غاتبقى شاد الفراش والشعب لي كيتسناك تقوم ؟ أحمد : راني عاقر أدادا ما عندي ولاد يقومو بماهامي فغيابي وهادشي زاد مرضني لولاد حزام وعتاد وانا حاس براسي كتافي باردين وما عندي عكاز د.صفية: كون درتي بالوصية وتزوجتي تيثريت كون راك عندك بنية دابا أحمد:(شاف فيها كيفكر فكلامها) ويلا رديتها للقصر تبغي ترجع؟ د.صفية: حاول أولدي حاول اللهم فبنت خوك ولا فالبراني راك عارف ولاد عمامك ما فيهوم ثقة وما يتأمنلهومش عاشو فالشمال سنين طوال ويلا رجعو لبلاد الشرفة غيحكموها بالمقلوب وتنوض الفتنة أحمد : يكون خير ادادا يكون خير بقى أحمد كيفكر فهاد لحريرة وفتالي قرر يزور قرية النسا ويسول على أرملة خوه وبنتها لعل وعسى تقبل ترجع معاه للقصر فقرية النسا جاهم مرسول من قصر السلطان غيدير زيارة وهادي غتكون أول زيارة ليه بعدما تفتحات القرية وجدو كولشي وجمعو وكفطو ودارو جليسة ملكية تليق بالمقام كيما كان الحال هو لي عاونهوم ووقف فجنبهوم فالوقت لي اهل القرية كولهوم وقفو ضدهوم ، وصل حاكم لبلاد ورحبو بيه شركو طعام وخبروه بحالهم من بعد طلب يهدر مع تيثريت وسيليا بوحدهوم أحمد: سمحولي على هاد الدخلة صحيح كنت ديما كنراسلكوم ولكن غلطت منين مازرتكومش قبل تيثريت : حاشا ألوسي حاشا نتا فوق راسنا عمرني شفت أطيب منك وقفتي معانا وكنتي على راس الشهر تسول فينا وتعرف أحوالنا ونعم الرجل أحمد:(شاف فسيليا) بنتي لغزالة لاباس عليك سيليا:(بتاسمات ليه هو عزيز عليها بزاف حيت كانت فاش كتهبط للسوق ديما كيجي عندها يتلاقاها ويشريلها لي بغات مهلي فيها) الحمد لله أعمي نت كيف بقيتي ؟ واش باقي كتفك كيضرك؟ أحمد: الحمد لله أبنتي ولفنا لحريق تا ما بقينا قادين نعيشو بلا بيه 😅 المهم أنا جيت نتشاور معكم فموضوع مهم بزاف كنتمنى ماتفهمونيش غلط تيثريت : مارحبا الله يسمعنا خبار الخير أحمد:(بتوتر) صراحة أنا ماكرهتش ترجعو معايا للقصر سيليا: شنووو😳 أحمد: الصراحة أنا مرضت ومابقيتش عارف فوقاش يدي مول الأمانة أمانتو وكيما عارفين مانعمش عليا ربي بالاولاد لعله خير والى وقعاتلي شي حاجة غيخلف بلاصتي واحد فولاد العمام ونتي أتيثريت عارفاهوم الى حكمو كيفاش غاتولي لبلاد تيثريت: إييه ولكن حنا فاش غنفعوك ؟؟ أحمد: ماكرهتش بنت خويا تشد لحكام فعاوطي تيثريت: كييفااش؟ ولكن هي بنية زعما أهل البلاد يقبلو بيها ؟ أحمد: نتي عارفا بلي بلادنا الحمد لله ساوات بين المراة والراجل يعني هادشي ماعليه خلاف وانا بغيت تكون فجنبي بحال بنتي وتترسم كولية عهد يعني تا الى مت ليوم ولا غدة نكون مرتاح وعارف بللي لبلاد فأيدي آمنة أش ضهرلكوم تيثريت: إيوا ماعندي مانقول هاهي حداك الشوار شوارها كانت سيليا كتفكر ماعرفات باش تجاوب لذا قررات أنها تسكت وتزييد تفكر لعل وعسى ربي يبينلها الطريق الصحيحة ومتصدقش نادمة من بعد سيليا: خليني نفكر أعمي أحم : إيوا ماتعاود غير الصلاة على النبي نهار تقرري راكي عارفا فين تلقايني غير متفرطيش أبنتي ونصدقو ما حنا بهادي ما حنا بهاديك سيليا: يكون خير ان شاء الله تيثريت👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
.................تتمة البارت 10💥💥 نزيدو نسافرو شوية ونمشيو لبلاد الشمال لي وصلها أميرنا وتعدب بزاف باش يلقا الحكيم طوفان لكن كفما كيقولو صبري على روحي ولا صبر الناس عليا نداوي جروحي بروحي ولا من يعلم بيا وهادشي نيت لي وقعليه تحمل كولشي بوحدو واخا السبب علاش جا مايستاهلش للي دوزو.. ولكن هادا هو بهاء الدين الراس قاصح والعناد جا حتال عندو وقال هدا لله .. دق مرتين فالباب ولا من حس فالدار زاد دق مرة أخرى وقال الثالثة تابتة وداكشي لييكان 😅 حليه شيخ الشيب مالي شعرو والتكماش شاهد على عمرو .. ابتاسم ليه بغموض وقال طوفان: سلام الله عليك يا ولد الخير جاي بقيمتك وقامتك آش ناوي فهاد البلاد دير بعاء الدين:(باستغراب) وعليكم السلام .. باش عرفتيني غريب طوفان: كنشم ريح الضيف قبل مايدق وكانعرف من إنا بلاد جا قبل ميتكلم .. ونتا غير من دقانك معروف مقامك بهاء الدين: اللهم بارك .. واش ماغاتقبلش بي ضيف عندك أشريف ؟؟ طوفان : مرحبا بضيف الله ولكن قصر أولد لقصور حيت هاد الشيخ الشايب ما عندو كانا للضيوف بهاء الدين:(بعدما كلس) أنا قصدتك والمقصود الله سمعت بيك كنتي رحالة ودزتي من بلاد الفقهة علمتي العلماء وأكبر الفقهة طوفان: أيه أولدي هادشي كان زمان أما دابا وليت ماقاد على تعلام بهاء الدين: أنا ماجيتش عندك تعلمني ، أنا بغيتك ترشدني للكنز للي فيه مانطمع والسر لي ليه ما نكشف والعلم لي كلما طلبتو نبغي نتعلم كثر طوفان : شكون حاجا عليك هاد الحجاية ؟ بهاء الدين : جدي الله يواليه برحمة الله خللاها وصايا قبل موتو وهاد لوصايا باقي ما فكيت لغزها حتال دابا طوفان : نفكوها أولدي ولكن عندي شرط بهاء الدين : شرط أسيدي ولكن ماتفرطش الله يخليك راه فهمي تحد وفهامتي تقادات وقالت هذا جهدي طوفان: غنعطيك حل اللغز فورقة ولكن خاطك تواعدني ما تحلها حتى تدوس على الأرض للي عمرها داست وتشوف الشمس لي عمرها غربات و تتدفن حي فقبرك وانت فرحان بهاء الدين : عطيتيني حل ديال حجاية وسط حجاية طوفان : دابا شنو ما بغيتيش تعرف آش كاتعني لوصاية؟ بهاء الدين: بغيت طوفان:(كتب فورقة ولواها وعطاهالو بلاما يشوفها) هاهو جوابك عطيني العهد ماتحلو حتى تفك الحجاية بهاء الدين : عطيتك عهد الله ماتشوف عيني كلمات هاد الورقة حتى ندوس على الارض لي عمرها داست ونشوف الشمس لي عمرها غربات ونتدفن حي فقبري وانا فرحان بعدما توادعو خرج بهاء بحالو وهو زايد هم فوق همو كانت عندو حجاية صدق فاثنين 😅 فنضركم شنو سر الوصاية؟ وشنو حل الحجاية لي عطاه طوفان ؟ هادشي لي غانعرفوه #فقرية_النساء 💃 أحمد👇
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
