قرية النساء🕌مكتملة🕌

🕌الجزء 7🕌

#سلوى_العلوي ✍️
🕌#قرية_النساء 🕌
البارت 7 👑
خرج الأمير بهاء الدين من بلاد الشرفة وقرر يحط رحالو فدخلة بلاد الشمال على الحدود حيت داهمهم الليل وما يقدوش يكملو الطريق فالظلام ومنها نيت فاش يصبح صباح قال مع بالو يقدر يشوف لي سحراتو من أول نظرة وعلاش لا يتكلم معاها ويعرف دار والديها هو فجميع الأحوال خاصو يتزوج اللهم فلي حبها خاطرو وأسراتو بعويناتها وشعرها الكحل الطويل وصوتها لحنين.
قبل الفجر بقليل سمع بهاء الدين التخرشيش قال يمكن يكون شي ذيب هز سيفو وفيق لعوين باش يستاعدو لأي هجوم ولكن مع الأسف لقا إنسان جاي ليه ظنو من لقطاطعية وقال
بهاء الدين: سمع الغريب ما عندك ما تدي مني بغيتي لفلوس عندي رزمة خودها وسير فحالك أنا ما خاصني حرب
المجهول: لا لا لا ماخاصني فلوس أنا جاي باغي ناخد شي حاجة اغلى من مال الدنيا
دربال: آش باغي أداك لغشيم
المجهول : باغي روح مولاي المير
هنا عرفو بللي شي واحد دبرلو مكيدة وخلاه تا خرج من الرقعة لمأمنة وقصدو كانوا موراه رجال كثار عرف بهاء الدين بللي مايقدرش يواجههوم هو والعوين لذلك قررو يهربو ولكن لقاو راسهوم مداهمين من كل جيه
بهاء الدين: سمعني انت عارفني شكون نقدر نعطيك مال الدنيا والسلطة لي باغي زييح على طريقي وخليني نكمل سفري وما غايخصك معايا خير
المجهول : قلتلك ما هامني لا مال لا سلطة غاتعطيهالي خاصني روحك وغاناخذها دابا
هاجموهوم الغدارين حاولو ما أمكن يطاكي ولكن عددهوم كبير مايقدوش جوج دناس يغلبوهوم، تصاب لعوين فكتفو وبهاء الدين فجنبو هوما غير شافو الدم عند بالهوم غلبوهم ونساحبو مور ما شافو واش بهاء كيتنفس لقاو فات الفوت النفس ضايق والحس مقطوع ...
...... . ...
في قصر بلاد الفقهة حسو بسحابة مظلمة وغمة ماليا لقصر بحاللا ما هوما ففرح لكن فقرح
رمانة: مولاي رحال راني حاسة بروحي غتخرج وبقلبي كيضرب ياكما واقعة لولدي شي حاجة
رحال: يا هاد لمرا تاقاي الله ونعلي الشيطان ونوضي صلي جوج ركعات ما حنا على فالك
رمانة: أنا حاسة وقلب الأم عمرو يخيب رسل الحراس يلحقوا عليه
رحال: الله يهديك أنا ماعرفت الولد فين زاد من غير أنه فبلاد الشمال ان شاء الله يكون خير استاعذي بالله من الشيطان
رمانة : أعوذ بالله من الشيطان الرجيم نوض نصلي جوج ركعات لعل وعسى تحيد هاد الغمة
هذا هو قلب الأم كيحس واخا يكون فاصلها على ولادها جبال وبحور ووديان ..
ايوا البنات شنو كتظنو غيوقع للأمير بهاء؟ وشنو قصة المجهول لي ما بغى لا مال لا جاه بغى غير روح بهاء ؟ هادشي لي غانعرفوه فالأجزاء المقبلة من #قرية_النساء 💃