💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 60 👑 مشارف النهاية 🥀 رجع بهاء الدين وفخر الدين ورحال ورمانة لبلادهم باش يرسلو مرسول لبلاد الشمال على الحرب .. وسيليا بقات فبلاد الشرفة مع إيمان بعدما رغبات فخر الدين يخليها تقابلها تيثريت .. مشات ليام وجات .. ووصل اليوم الموعود .. التقاو الجيوش ديال الثلاث ممالك في الحدود .. كان معروف بأن مملكة الشمال أقوى من المملكتين الثانيتين .. وجيشها أكبر من جيوشهم بجوج لكن هنا كان عنصر المفاجأة .. أن سيليا جيشها تزادو عليه النساء .. كان معروف على بلاد الشرفة أنها كاتعطي قيمة كبيرة للمرأة لكن ماكانش على بالهم بأن النساء تعلمو المبارزة من صغرهوم .. ابتسم عدنان باستهزاء بحاللا كايستخف بقدراتهم عدنان: هههههه جايين تتحاربو ونتوما جارين وليات موراكوم سيليا: متكونش تايق فراسك أعدنان نتا غير ضعيف وضعفك خلاك تتخبى مور دربال عدنان: (شاف فجنب بهاء الدين لقى معاه دربال استغرب) صدقتي متسامح بزاف بهاء الدين:(ابتسم ليه باستهزاء) داكشي بعيد عليك .. مابغيتش يضرك راسك ويتشتت تركيزك فالحرب خنزر فيهوم وآمر جيشو باش يهجمو وهادي كانت الحركة لي بغاوها .. بغاوه هو يهجم وهوما يدافعو .. حيت كيما كايقولو الهاجم كايموت شرع ...خليهوم يتقاتلو على خاطرهم واجيو نرجعو شوية لور فلاش 🔙 كانو متوجهين لبلاد الفقهة باش يوجدو الحرب ومشا بهاء الدين عند دربال يدوي معاه بهاء الدين: كنتي نعم الصديق لكن غدرتي مابغيتش نحكم عليك بحال ديك السحارة لكن غاتنفا من البلاد دربال: (بحزن) واخا قابل على أي حاجة درتيها لكن عندي طلب أخير إيلا سمحتي بهاء الدين:(قرن حجبانو) شنو هو ؟ دربال : خليني نشارك معاك فالحرب .... غاتكون أول حرب ليك وآخر حرب ليا .. بهاء الدين: (دورها فدماغو مزيان دربال معلم أسوس الحرب من صغرو وفاش كان صغير شهد على أحد الحروب فكر وقال مع بالو ياخدو معاه ويديرو تحت المراقبة باش في حالة الى فكر يغدرهوم ) واخا خرج من عندو وعلمهوم بالخبر واخا عارضوه بشدة لكن هو خدا قرارو وتاق فإحساسو نهاية الفلاش 🔙 تتمة البارت 60 💥💥💥 كان اليوم الأول من الحرب صعيب استسلمو فيه جهة بلاد الشرفة وبلاد الفقهة حيت تجرحو بعض الناس من جيشهم .. وصل الليل وتجمعو أبطالنا باش يناقشو الخطة لي غاينهجوها بعد يومين ... كانو ميمون وسالم ورحال ووالد فخر الدين وسيليا ويزة ودربال وبهاء الدين طبعا فخر الدين: قوتهم كبيرة بزاف ماعرفتش واش نقدرو نجاريوهوم .. الى بقينا على هاد الحال غانعانيو بزاف يزة: بانلي خاصنا نبدلو طريقة الهجوم .. رحال: كيفاش زعما؟ دربال: حنا كنا كانهاجمو بشكل مثلث بينما هوما هاجمو بشك مستطيل وحطونا فالنص رحال: وشنو كاتقتارحو ميمون: فنضري أنا نهاجمو بشكل دائري عددنا قليل بالمقارنة معهم هاكا نقدرو نشتتو انتباههم بهاء الدين:(بقى ساكت كايحلل فكلامهم عاد هدر) غانهاجمو بشكل دائري النسا غايكونو فالوسط واليقية فالأطراف سيليا: علاش ؟؟ بهاء الدين : هو عندو فكرة أن النسا قوتهم ضعيفة مقارنة مع الرجال .. واليوم لاحظت بلي التقنيات هي لي كاتحكم يعني وجودهم فالوسط غايعاونا كثر سيليا: صافي واخا .. لكن الخطة غايعرفها الجيش حتال صباح يوم الحرب كولشي فهمها بلي باغا تحمي الخطة .. فاتو دوك اليومين وهوما كايدربو وكايداويو جراح الناس لي تصابو .. وصل يوم الحرب وكيما كان الخطة تنفدات وعدنان منين شاف الأمر خرج على سيطرتو وكانو قتلى في جيشو شي لي خلا كولشي يفقد تركيزو قال اللهم ربحة ولا دبحة .. طلب من عوينو يطاكي عليه وقصد بهاء لي كان بدورو كايتحارب مارادش البال يالله بغى يقتلو تلقى للضربة شخص تاني وطاح من فوق حصانو .. وفالمقابل عدنان تصاب إصابة ماشي خطيرة لكنها كانت كفيلة بانها طيحو للأرض .. الحرب وقفات حيت قائد الجيش الثاني تصاب .. انسحبو بهدوء بينما بهاء الدين حنا عند دربال لي كان تلقى الضربة فبلاصتو بهاء الدين: شنوو درتيي نتاا شنوو درتي دربال: (كايهدر بصعوبة ) انا .. رديتلك شوية .. من الخير .. لي درتي .. في .. نتا تستاهل تعيش .. أنا ماعندي لاش .. ماعندي عائلة ولا حباب .. س س سمحلي .. بهاء الدين: عندككك عندكك ياك انا وياك وفخر الدين ديما كناا صحااابب تححمملل شويية سيليا كانت كاتشوف فيه بحسرة كانت هازة معاها عشوب هزاتهم دغياا دارتهوم على الجرح ديالو وزيراتو بوشاح انسحب الجيش بهدوء وخداو معهم عدنان .. وصلو لمخيمهم وحاولو ينقدو دربال لكن لله ما أعطى ولله ما أخذ .. كل نفسن ذائقة الموت .. هادي ربما كانت نخاية دربال لي طول حياتو وهو مظلوم .. عاش فالقهرة والكدوب .. لكن ربما تكون رحمة ليه وهو مات شهيد كايدافع على وطنو .. صحيح دار أخطاء لكن الأمور الزوينة لي دار كانت كثرر .. كولشي تأثر بموتو وبكاو عليه الإنسان الطيب دائما موتو كاتبكي الخلق وكاتخليهوم يشفقو عليه بلا سبب .. رغم تلقيهم رسالة الاستسلام من الضفة الثانية لكن الحزن كان مخيم على الأجواء .. رجعو بحالهم لبلادهم وأقيمة جنازة دربال بحكم أنه كان الوحيد لي فقد روحو فهاد الحرب ... فاتو أيام وأيام كان واقف فالشرفة كايشوف نجوم السما المضوية ويتأمل فيها بحزن حتى حس بيدين حاوطوه من ضهرو سيليا: باقي مقلق .. الله يرحمو مات شهيد يمكن ربي جازاه منين خدى روحو فالحرب .. الله يجعل مثواه الجنة بهاء الدين:(تنهد بعمق) آمين (تلفت عندها معنقها) دابا خاصني نرجع للبلاد غاتمشي معايا ياك ؟ سيليا:(بعدات منو شوية وقالت بتوتر) لكن نتا عارف دابا سالات الحرب كاين بزاف دالأمور خاصها تتحل بهاء الدين: (شاف فيها بغضب ممزوج بخيبة أمل ) صافي لي بغيتي سيليا:(شافت حتى عيات ولقات بلي هاد الحالة مامسلكاش) شنو بانلك نديرو حفلة ديال الفوز فالحرب على حدود بلاد الشرفة وبلاد الفقهة وموراها نمشي معاك بهاء الدين:(فكر مزيان ولقى بلي اللهم العمش ولا العمى 😂) واخا ولكن غاتمشي معايا موراها جاوباتو سيليا بالإيجاب وكملو ليتهم كايرتاحو قبل مايبداو تاني جري علي نجري عليك ... #قرية_النساء💃
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
