قرية النساء🕌مكتملة🕌

🕌الجزء 32🕌

#سلوى_العلوي ✍️
🕌#قرية_النساء 🕌
البارت 32 👑
قالو ناس زمان عز الطفلة مع بوها ومن غير بوها تتهان حتى لو كان شيخ لقبيلة خوها .. وراجلها ولد السلطان ..لكن إلى كان ولد السلطان كايبغيها ويقدرها عمرها تتهان ولو حتى فالمنام ..
إيمان: إيوا عاوديلي كي داز داكشي
سيليا: (حشمانة) وا عادييي
إيمان:(ليعاتها بقرصة) وا تيي دويي راه سيمانة وانا نوصي فيك ونقريك قوليلي
سيليا: إيوا صافي وقع لي وقع وصافي
إيمان: تقصحتي ؟؟
سيليا: وا شوية 🙂 شوفي صاافيي سددي عليا هاد الموضوع راه حشومة 😳
إيمان: (شافت الدبالج والخاتم والصندوقة ) هاي هاي هاي الناس دالبياض مبروك عليك الالة لعروسة 😉😂
سيليا: العقبة لعندك 😉
إيمان توترات وقلبات الموضوع نوضات سيليا للحمام لي فالجناح عاوناتها حتى دوشات وتوضات ولبسات قفطانها تزينات وتعطرات زعما راها عروسة .. عاد خرجات هي وإيمان لفين كاينين العيالات كايفطرو
إيمان: السلام عليكم
الكل: وعليكم السلام
رمانة: صباح الخير عروستيي أجي أجي كلسي حدايا
مشات سيليا حداها حشمانة كولشي عارفها آش دارت الليلة الفايتة 😂 باست يد رمانة وبقات مكونة بينما إيمان المقزدرة كلسات وكبات أتاي وبقات كاتفطر 😂
كانو العويتقات دالعائلة كايشوفو فيها بحقد وغل بحالا واخدالهوم الورت (وا راك خديتي ما كترر ازيين 😉) كيفاش هوما لي طول حياتهم كايحومو عليه ويتزينو ويتعطرو باش يعجبوه جات هي لي برانية وشافها غي فسفرو طيحاتو
سلمى(وحدة من بنات عمام بهاء) إيوا أسيليا كيفاش حتى شافك مولاي وتعارفتو
سيليا:(هادي كادق عليا وا جبديني راني غانسى راسي عروسة ) طلاقينا فحدود قرية النسا كنا أنا ولبنات جالسين وهو داز من حدانا 🙄
سلمى: إيوا وصافي جا خطبك
إيمان:( نقدات الوضع مابغاتش سيليا تنوض تشتف عليها وهي عروسة)ونتي يالحبيبة آش مشالك
سلمى: شكون نتي بعدا أنا سولتها هي ولا ماعندهاش فمها
رمانة : سلمى آش هاد قلة الآداب هادي لي كادوي عليها راها مراة السلطان 😡
سلمى: (حدرات راسها) سمحيلي أخالتي (كنس كامونيي الى ماتحك ما يعطي الريحة)
كلسات سيليا على الشوك بحالا بقات فيها لي ما ناضتش نتفاتها زغبة زغبة ولكن والله لا بقات فيها سالات داك لفطور غي بزز حتى جات وحدة من الخدم
الخادم: لالة مراة سيدي راه مولاي بغاك
كاتشوف فسيليا لي كالسة كادوي مع إيمان مادات ما جابت حتى شافت فيهوم كاملين سكتو وكايشوفو فيها
سيليا: شنو مالكم ؟
الخادم: لالة راه مولاي السلطان بغاك
سيليا:(بغباء) اه أنا هي لالاك مرت سيدك 😅 هانا هانا (ناضت ودوات مع لي كالسين) بالصحة فطوركوم
خلاتهم وهي فخاطرها كاتحلف باقين ماعارفينها ماكاتهنا حتا ترد الدقة مضوبلة 😂
وصلات لججناحها هي وبهاء كان عاطيها بضهرو
سيليا: نعام قالولي بغيتيني ؟
بهاء الدين:(دار عندها مستغرب ) نعام حرفية
سيليا: ااا ؟؟
بهاء الدين : واش غير نعام حرفية مامعاها والو
سيليا:(مالو هادا تاني 🙂) نقولك نعام امولاي؟
بهاء الدين: أهاه وآجي بوسيلي يدي وراسي (شافها مصدومة) ماحشمتيش ؟
سيليا: (ماعرفات باش تبلات) وا شنو نعيط ليك ؟
بهاء الدين :الى ماخفت نكدب راني راجلك
سيليا: نعيطلك راجلي
بهاء الدين :حتى هي مزيانا ولكن(قرب منها وشد يديها بين يديه) مابانلكش حبيبي حسن ؟
سيليا:(وا فيييناهي سيليا وا مشاات مشات السيدة ضاعت ) وا دابا شنو بغيتي وكان
بهاء الدين:(بابتسامة) مازال بيناتنا ليام ونحيدو هاد الحشمة .. بغيت غير نقولك بلي عندي سفر من هنا يومين
سيليا: كيفااش؟
بهاء الدين(بحزن) كيما عارفة خديت الحكم ودابا خاسني نقوم بمهامي جايين شي ناس مهمين من الشام وماغايدوزوش لقبيلتنا يعني خاسني نمشي ليهم
سيليا:(بأسى) وغاتخيليني بوحدي تا سبعيام دالباكور ماكملات
بهاء الدين: ألالة نرجع ونخليوها تا شهر دالباكور 😉
سيليا:(ضرباتو لصدرو) وليني راك باسل
بهاء الدين: إييهه أباا أجيي طل على ولدك سلطان بلاد الفقهة لي كايهابوه الرجالة كاضربو مرتو
سيليا: ههههه ومااللها كي جاتك هاد مرتو بألف راجل 😌
بهاء الدين : (عنقها) نتيي الحب والعشق والجنون وكولشي كولشي
خليو هادو يتخابو إلى بقيت معاهم غانتسطى ونرجعو عند إيمان لي دارت راسها نايضة وهي تكب كاس داتاي على سلمى
إيمان:(دايرا راسها مصدومة) ويل الشيطااان سمحيلي يالحبيبة ماشفتكش
سلمى:(بالغوات) شنوودرتييي كون كان سخون كون حرقتيني
إيمان:(كاتقلب عينيها) إيوا صااافيي قلتلك سمحيلي
سلمى:(عاد مازايدا فيه) هادا سرناا ولا سهمنا من سهم الخادم يتشاركو معانا طعام ويقلبو علينا الكيسان
إيمان:(شافت فيها بغضب ) إيوا الطاووس زينو فاللوان ولكن لحمو مايتكال  مابقاتش فبنت القصور وبنت فلان ولا فلان
سلمى: حسدتينييي حييت أنا بنت القصور ونتي غي بنت الخماس
إيمان :(مارضاتش تقول على باها خماس وهو فقيه عالم ) لاش غانحسدك يا الجرانة على ضهرك ولا على البطانة ونتي ماتشوف فيك لا عاتق لا موحمة
سلمى: تقادو لكتاف او وليتي تدويي ألالة عرفي راسك معاامن كاتدوي ولا خرجي من القصر الباب وسع من كتافك
الصوت: (بالغوات ) سلمى سكتيييي
ناضو لعيالات غطاو شعرهوم وحدرو راسهوم فاش سمعو صوت راجل حتى دخل بقيمتو ومقامو ....
فنظركم البنات شكون هاد الشخص ؟ وواش سفر بهاء غايدوز على خير ولا الفرحة ماغاتكمل حتى يسيل الدم ؟ هادشي لي غانعرفوه فالأجزاء القادمة من #قرية_النساء 💃