قرية النساء🕌مكتملة🕌

🕌الجزء 36🕌

#سلوى_العلوي ✍️
🕌#قرية_النساء 🕌
البارت 36 👑
كيقولو رضيت بالهم ما رضا بيا، حطيتو عند راسي أصبح عند رجليَّ .
الهم ما منو هروب والحياة هي هادي مرة تعطيك مرة تاخد ليك .. مرة تعليك حتى توصل لسابع سما ومرة تنزلك حتى توصل لسابع أرض .. مرا تقريك حروف الدنيا ..مرة توريك بلي الجاهل بعض المرات كيخرج رابح ...
كانو مربوطين وكالسين على ركابيهوم ماحاسين بلي ضاير بيهوم حيت غمضو عينيهوم .. بقاو كايتسناو يتقطع راسهم ولا يخرججو قلوبهوم من بين ضلوعهوم .. كل واحد كايتسنا موتو كيف غاتكون .. كايتفكرو ولادهوم وحبابهوم آش غايوقع ؟ كون غير نساحبو ولا هاد المصيبة لي صابتهوم .. ما بقى ليهوم غير الدعاء راهوم كايناجيو الله فسرهم ...
مافاقو من سهوتهم حتى سمعو صوت كايكلمهم
الصوت: الذيب كادوز عليه مرة وحدة وكون دازت علي المرة الثانية راني غي كلب ينبح ما يعض 😏
فخر الدين: هادو هوما لي هاجموك آخر مرة
بهاء الدين : هاجموني فالضلمة آخر مرة أما دابا مزيان جاوني فالضو باش نعرف السيف في غايجي ححدو .. دربال حيد لهداك الغطا على راسو بانلي مرعود ويلا سولتو يبوح بكاع أسرارو
مشا دربال عرا لهاداك على عينو حتى جا ليه بهاء الدين كلس قفازي ياش يوصل لوجهو وقال
بهاء الدين : شكون مصيفطكم (بقى لاخور ساكت حتى على بهاء صوتو ) قلت شككووون مصييفطكوووم (ماهدرش) واخا غاتبقا ساكت (دار راسو غاينوض وهو يرجعلو طيحو الأرض وخنقو بيد من عنقو اليد الثانية كايضربو بيها) إلى ماغاتدويييش اليومة تمووت مخنوق ومضروب وقبل ماتلفظ آخر أنفاسك غايتقطع راسك كيجاتك هاد الموتة 😡😉
لاخور خاف بزاف عندو ولادو الى مات لمن غايخليهوم
الرجل:(مخنوق ) ص ا. ف ي ه ا اااا نا غاند ويي
طلق منو بهاء وشدو من الكول كايتسناه يتكلم
الرجل: ا انا ا مولاي ت ت تأمرت غير فرسالة و وما ق ا لوليش شكون هددوني بولادي (جبدلو رسالة من جيبو وراها لو)
بهاء الدين:(قرا الرسالة وكمشها بين يديه بعصبية من بعد قال ببرود ) ديوهوم للقصر غايباتو فالمطمورة وموراها غايتعدمو
دربال: أمرك أمولاي
تلافت لفخر الدين كايشوف فيه بنظرات ديال الحلقة الأخيرة 😂
فخر الدين: صافي ان شاء الله نعرفو شكون .. أنا لي محيرني أن هادا عارف جميع تحركاتك يعنيي
بهاء الدين:يعني هادا ولد القصر أو عندو جاسوس
فخر الدين: ما فهمتش آش بغاو منك
بهاء الدين : ما يكونش عدنان هادا ؟
فخر الدين : عدنان غايحاربك على ود سيليا زعما ؟
بهاء الدين : على ود أمور كثيرة 🙂
فخر الدين: مانتسرعوش خلينا نلعبو بالحيلة ويكون خير
بهاء الدين:  إن شاء الله
في القصر كانو لبنات كايتعاودو على مادارو فسلمي وكايضحكو عليها  باقي ما بغات تتسرطلها وكادور على الخدم واحد بواحد تسولهوم آشمن نوع دالحنا دارو فكموستها حتى فجأة دخل شي واحد بعجاجتو
سلمى: كننتت عارفااكومم نتووما لي درتوووها
إيمان:(ناضت قافزة خلعاتها) بسم الله الرحمن الرحييم ديري الحس الله يقطعو ليه
سلمى: والله حتى نقولها لعمي رحال يفصل بيننا بالحق
سيليا:(ربعات يديها كاتفرج فيها ) آهاه سيري قوليهالو تانا بغيت القصر كامل يعرف بليي مرت السلطان (بركات عليها) انتاقمات لراسها براسها
سلمى: شنو زعمااا غير حيت مرات السلطان غاديري ما بغيتي فينا
سيليا: (بابتسامة جانبية) أنااا سيليا بنت الشرفة عمر دقتي ما فاتت بخير وعمرني نسيت العيب سوى كان بالفعل ولا كان غير تكمكيم اتقاي شري راني ماكانخاف غير من لي خلقني
سلمى: واخاا حتى يجييي خويا بهاء الديين وتشوفي
سيليا: (تلفتات لايمان) هههه كاتهددني براجلي
إيمان: هههههه ضحكاتني
سيليا:(جراتها خارجين ديما كايدويو حتى يشبعو وفتالي كيخرجو ويخليو بنادم يتقلى فسمو 😂) زيدي نمشيو للجريدة الجو زوين ورااااجلييي غدا جااي خاصني نكون مرتاحة باش مايتهولش عليا
خرجو لبنات غايتصطاو بالضحك والأخت سلمى كاتخبط رجليها بالارض ما رضاتش ...
#قرية_النساء💃