💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 59 👑 مشارف النهاية 🥀 بعض المرات الأسرار الصغيرة لي كانخبيوها فقلبنا وكنظنو بأنها ماغاتنفع ماغاضر كاتقلب حياتنا سفاها على علاها .. كاتخلينا نعيشو أيام عمرنا تخيلنا نعيشوها .. بحال السر لي خباوه رمانة ورحال .. كان كفيل أنه يدمر طفل بريء ويربي فقلبو حقد كبير تجاه شيء ماكاينش فالأساس .. باش الشخص يعرف بلي حياتو كاملة كانت كدوب والمرا لي اعتبرها مو ودار أي حاجة بغاتها صدقات سحارة لقاتو يتيم وضايع واستاغلاتو لمصالحها .. وشخص تاني بسبب هاد السر كان غايفقد حياتو ثلاث مرات .. عاش فالرعب والخوف والهلع .. وتغدر من أقرب أصدقاؤو وأكثر شخش كان تايق فيه .. هادشي كامل بسبب سر اعتابروه صغير ومايستاهلش .. تحكم عل حورية بالإعدام .. آه الإعدام حيت ارتكبت جرائم كثيرة وكاتعتابر إنسانة خطيرة على الناس .. أما دربال فبقى مسجون باقي ماعارفين الحكم النهائي لي يعطيوه على كل حال يقدرو يعضروه .. كانت عقدة كبرات معاه من الصغر .. وتلاعب بعقلو خلاه يحقد ويتعماو عينيه .. بهاء الدين كان باقي هاز فقلبو من جهة رحال ورمانة حيت خباو عليه هادشي سنين طويلة .. وسيليا هاهي كاتستعد لمراسم تتويجها كحاكمة لبلاد الشرفة ... نهاية الفلاش 🔙 قبط يديها بين يديه كايخفف من توترها واخا هي قوية لكن هادي أول مرة تهدر قدام ناس كثار .. خرجو منقاعة الحكم كولهوم متاجهين لساحة الحكم لي كانو كايتسناوها فيها شعب لي حاط كل أملو فيها وتايق بلي غاتهز المشعل وتكمل داكشي لي بداه عمها .. طلعات فوق المنصة لي مصنوعة من الخشب وشربيلها كيتسمعو طرقاتو من كثرة السكات لي عم الأرجاء من غير شوشرات خفيفة كاتسمع .. وصلات قدام الشخص لي غايعطيها الحكم ولي هو ميمون .. هدر بزاف وقرى الوصية لي خلاها أحمد بصوت مرتفع سيليا فهاد الأثناء كانت قابطة فالقلادة لي عطاها عمها ..كأنها كاتمدها بالقوة وكاتعطيها العزيمة والثقة فأنها غادا فالطريق الصحيحة .. هزات الوثيقة لي كانت قسم ومعاهدة رفعات يدها اليمنى وقراتو بصوت عالي ومن بعد بصماتو ببصمتها كأنها كاتوثق هاد اللحظة .. سيليا: اليوم أنا سيليا بنت يعقوب الشريف حاكمة بلاد الشرفة وبعدما اديت القسم لي كانتمنى من الله عز وجل يقدرنا باش نوفي بيه ونخلي البلاد دائما ثابتة على مبادئها ويشهد لناسها بأخلاقهم .. اليوم وغير كل الأيام بغيت نشكركم حيت تقتو في ومديتولي يدكم وأنا بدوري تايقة بلي مع بعضنا البعض غانصنعو مستقبل حسن .. كملات خطابها بثقة وعيون الجميع عليها .. وعيون أخرى هايمة فعشقها ومحبة ليها كأنه كايحاول يوجمها ببعينيه يقولهوم هادي مراتي ديالي أنا نشوف فيها كيف بغيت وشحالما بغيت فجهة تانية كانو إيمان وفخر الدين كايشوفو فيهم ويضحكو إيمان: إييه أليام شكون كان كايقول بللي الراجل لي لقاتو سيليا وداواتو فالغار غايولي راجلها فخر الدين:(شاف فيها بحب) وشكون كان يقول بلي البنت لي دازت فيا وكانت غاطيحلي كتفي وماخلات في غير لي نسات غاتولي مراتي إيمان:(حشمات وحدرات راسها مع ولات هزات عينيها حسات بالدوخة جاتها ولي ولات ماكاتفارقهاش فالأيام الأخيرة ) أي فخر الدين:(بخوف) مالكك إيمان: والو والو غير جاتني شوية ديال الدوخة وصاف غير بالعيا فخر الدين: راك مابقيتيش عاجباني خاصنو نجيبولك الحكيمة إيمان: شحال كاتزيد فيه (خنزر فيها) صاف صاف واخا نساليو هادشي ونشوفو ... سلات سيليا وتلقات المباركات من عند الجميع واتجهات أخيرا عند عائلتها الصغيرة لي بدورهوم باركولها شافت فبهاء الدين لي قبل جبينها بلطف ومن بعد حولات نظرها لإيمان سيليا: مالك نتي صفرة فخر الدين: جاتها الدوخة تاني دادا صفية :(خرجات من العدم) هاديك غير الحبالة دارتلها هاكا تلفتو كايشوفو فيها بتساؤل باش عرفاتها دادا صفية:مالكم كاتشوفو فيا شوفو عينيها كيف داخلين ولونها كيف ولا ورجليها لي تنفخو راها باينة مبروك عليكوم فخر الدين: لا لا لا خاصنا نتأكدو بهاء الدين:(تصنع الغضب) دابا كيفاش زعما تزوجتو مورانا وغاديرو ولادكم قبل منا سيليا:(خنزرات فيه) شنو دابا كاتمعني عليا ولا كيفاش بهاء الدين:اا اا لا لا أحبيبة بشوية علينا حنا مزالين صغار هوما شرفو سيليا: إيوا سبحان الله 😏 إيمان فهاد الأثناء كانت ملاهيا غير مع دوختها والهرج زاد كمل عليها ... فات داك النهار وتأكدو بلي إيمان حاملة وكانت الفرحة فرحتين وصل الغد وخاص كل واحد يرجع لبلادو حيت زيارتهم لبلاد الشرفة طالت بزاف لكن قبل مايتفرقو تكلم بهاء بحزم بعدما جمع فخر الدين ورحال وسيليا وميمون وأحد الحراس الحارس : مولاي راني درت داكشي لي قلتي وعرفت بلي الحاكم عدنان دخل لبلادو بهاء الدين: (أومالو براسو باش يمشي وقال بجدية)كانضن بلي الحرب لي تأجلات هادي سنين جا وقتها دابا رحال:شمن حرب ؟ بهاء الدين: حربنا مع بلاد الشمال .. من قبل تأجلات باش البلاد ماتنوضش فيها الفتنة لكن باش حاكم أحد الضفاف يحاول يقتل حاكم بلاد اخرى ويبغي ياخد مراتو حتال هنا وباراكا 😑 فخر الدين: وشنو المعمول سيليا:(بعدما مكانتش باغا تتدخل فهاد الموضوع ) باينة غاتنوض الحرب وغايتحط شرط .. إلى حنا ربحنا الحرب الحدود غاتحيد وعدنان غايتنازل على الحكم ميمون: وإيلا هوما ربحو سيليا وبهاء الدين فنفس الوقت: ماغايربحوش ابتاسمو كولهوم على هاد الثقة لي عند حكام البلدين وهادي هي الروح لي لازمة باش الحكم يكون على حقو وطريقو .... #قرية_النساء💃
Oops! This image does not follow our content guidelines. To continue publishing, please remove it or upload a different image.
Oops! This image does not follow our content guidelines. To continue publishing, please remove it or upload a different image.
