💎مكتملة💎
❌حصرية على الواتباد❌
قصة رمضانية 🌙🕌 تحمل في طياتها عبر وكلام موزون .. كيخلي السامع يتنغم والراوي يفكر..😍
العنوان:#قرية_النساء💃
للكاتبة: #سلوى_العلوي ✍️
⚜️🏰⚜️
حجايتنا كتهدر على زمان غير زمانا وناس غير ناسنا نبداوها باسم الله ونصليو...
#سلوى_العلوي ✍️ 🕌#قرية_النساء 🕌 البارت 30 👑 قالو ناس زمان زواج ليلة تدبيرو عام .. نفصلو ونخيطو ونطيبو على نار مهيلة باش فاللخر ندوزو مع الاحباب ليلة .. هاذا غير زواج ليلة شنو نقولو إلى كان زواج السلطان لي عادة كايكون فيه ربعين ليلة والقليلة سبع ليالي ؟ وقالو زمان لي تزوج على قبل الزين الورد كايذبل ..لي تزوج على قبل المال الفلوس كاتكمل ..ولي تزوج على قبل الدين فحياتو عمرو مايفشل الزواج ماشي هو تلقى بنت الناس أو ولد الناس لي يعمرلك العين فزينو ولا بمالو الزواج هو تختار لي يعمرلك قلبك بإيمانو بكلامو الحلو بوقفتو معاك فالمر والحلو ... كان السلطان بهاء الدين لابس برنوص أبيض وفاك حزامو هادي ليلة العقد لي تسناها طول حياتو كولشي فرحان برى القصر التمر فالصواني والحلوة فالسلالي ... كان رافد قب السلهام على راسو ماكايبان غير فمو ومقدم يدخل للقصر لقاعة الفرح فين غايتعقد قيرانو .. أما هي فكانت لابسة قفطان أخضر وفوق راسها سلهام مغطي وجهها كامل دخلات للقاعة موراها إيمان مزيداها .. جلسات حدى عمها أحمد لي باس راسها وربت عليه بحنان بدا العادل كيخطب : باسم الله الرحمان الرحيم والصلاة والسلام على أشرف المرسلين وعلى آله وصحبه أجمعين ، اليوم جامعانا مناسبة سعيدة وهي عقد قران مولاي السلطان بهاء الدين الأنصاري على الأميرة لالة سيليا الشريف كيما كانعرفو جميع الزواج هو علاقة مقدسة بين جوج نفوس كيتواعدو يعيشو على الحلوة والمرة وتجمع بينهم مودة والالفة قال الله تعالى: (وَمِنْ آيَاتِهِ أَنْ خَلَقَ لَكُمْ مِنْ أَنْفُسِكُمْ أَزْوَاجًا لِتَسْكُنُوا إِلَيْهَا وَجَعَلَ بَيْنَكُمْ مَوَدَّةً وَرَحْمَةً) وقال تعالى:( تُنكحُ الأيِّمُ حتى تُستأمرَ، و لا تُنكحُ البكرُ حتى تُستأذنَ) وبالعمل بما جاء في القران الكريم يجب أن تسأل الفتاة لالة سيليا بنت يعقوب واش تسلمتي صداقك سيليا:( كان بهاء الدين سيفطلها صداقها فصندوق لي باقا لحد الان ماعارفا شناهو ) آه العادل: سيليا بنت يعقوب واش قابلة ببهاء الدين بن رحال زوجا لك في السراء والضراء في الصحة والمرض في الضعف والقوة في الصغر والكبر بدون ضغط وتحت أي تهديد سيليا:(بصوت خافت) قابلة العادل:واش قابلة سيليا: قابلة العادل : متأكدة سيليا : آه (كاتسال البنت ثلاث مرات للتأكد من صحة موافقتها) دار العادل عند بهاء الدين وسالو نفس السؤال ثم قال العادل: قال تعالى (لا نكاحَ إلا بوَلِيٍّ، وشاهِدَيْنِ) شكون ولي أمر العروس أحمد : انا عمها العادل : واش قابل تنسب بنت خوك لبهاء الدين بن رحال أحمد: قابل العادل:(تلفت للشهود لي هوما فخر الدين و رحال) ونتوما شاهدين على هاد الزواج رحال/فخر الدين: شاهدين العادل عطاهوم الورقة لي مكتوب فيها عقد النكاح والصداق وشروط الزواج دارو ابهمهوم فالحبر وختمو الورقة فالمكان المخصص وقراو الفاتحة جماعة العادل :وعليه حسب السلطة القانونية لي كانملكها كانعلنكوم زوج وزوجة الله يتمم بينك ويواتيكم ويعطيكم الذرية الصالحة الكل: آمين بعدما خرجو لعدول وكولشي بقاو غير العائلة المقربة جدا علا بهاء لسيليا القب على وجهها وخلا راسها مغطي وباسها فراسها بحب بهاء الدين: مبروك علينا سيليا:(غرقات فحوايجها كولشي كايشوف فيهوم وهادا مابغاش يحشم) احم احم الله يبارك فيك بداو كايباركولهوم الحاضرين حتى جا حداها أحمد أحمد:الغالية بنت الغالي هانتي تزوجتي وخويتي الدار (بحزن) شكون يتسلت للسوق باش يشوفني دابا (بابتسامة) مبروك عليه ابنتي (جبد من جيبو عقد من الزمرد فيه رسومات) هاذا ليك عقد كان ملك جداتك الله يرحمها فيه شعار العائلة ديالنا ورثاتو من جداتي عطاتولي باش نديرو فعنق بنتي ونتي هي بنتي (ركبولها ) سيليا:(كانو دموعها نازلين عنقاتو بقوة وقالت) شكرا بزاف لو ماكنتيش نتا ماكنتش غانحس بطعم هاد الزواج كنت غانكون بوحدي لا والي ولا تالي أحمد:ماتقوليش هاككا نتي بنتي لي ماولدتهاش الله يسعد أيامك استمرت التبريكات والناس برا كايشطحو وينشطو تفارقة العرسان وكل واحد دخل لقاعة فشكل دوزو داك الليلة ولا في الأحلام وتوالات الليالي حتى تسالات السبع ليالي وقررو أخيرا أن الاحتفالات فالقصر تسالي (رغبة لالة سيليا قالك ماعندها جهد لكثر ) لكن لعلام البويض غايبقاو كايشاليو فالعلالي حتى تكمل ربعين يوم دخلو العروس لبيتها وإيمان كاتوصي وتعاود تقول هي مها 😂 بقات سيليا كاتفرك فصباعها متوترة وحشمانة وماعارفا فين ترد وجهها .. دازت مدة سمعات الباب تحل وقلبها طاح فمعدتها حسات بخطواتو كايقربو منها حتا وقفها من كتافها وهي تخلعات بهاء الدين:(بضحة خفيفة) واش أنا كانخلع (هزليها الطرحة لي كانت على وجهها وقبل جبينها وقال) رأيت في عينيك سحر الهوى مندفعاً كالنّور من نجمتين فبتّ لا أقـوى على دفـعـه من ردّ عنه عارضاً باليدين يـا جنـّة الحب ودنيا المنى ما خلّتني ألقاك في مقلتين علي عينيك فيها خليني نتسحر بجمالهم سيليا علات عينيها فيه وهو كايشوف فيها بحب وهيام حتى غاص معاها فقبلة تحمل كل مشاعر الدنيا على قدما كانت خايفة ولات ذايبة بين يديه ونتوما جمعو راسكم خليو الناس يديرو لولاد ويدكو لوتاد إيوا وانا خبيرتي مشات من واد لواد وبقيت مع بنات لجواد 😌 هيهيهي غا رجعو باقي الحجاية ماسالات راها عاد بدااات ♥️ #قرية_النساء💃 العقد👇
Oops! This image does not follow our content guidelines. To continue publishing, please remove it or upload a different image.
