Leaned against Him While Sleeping and the Appointment of Teacher Bian
(Unicode)
သူ့ကံကကောင်းသည်။ ပျမ်းကျင်းယွမ် အရင်ကအခါက်များစွာပြောခဲ့ဖူးသည့် အချက်များနှင့် တိုးသည်။ ထို့ကြောင့် သူ့အဖြေကိုရွေးရာတွင် ကြာကြာပင်မစဉ်းစားလိုက်ရ။ လုယွင်ဖေး စာဖြေပြီးသည့်အခါ နာရီဝက်လောက်ကျန်နေသေးသည်။ သူမသိသည့်မေးခွန်းများကို B ဟုသာရွေးလိုက်ပြီးနောက် ခေါင်းလောင်းထိုးသည့်အခါ သူ့အဖြေလွှာကို ပေးလိုက်သည်။
ပျမ်းကျင်းယွမ်က သူတို့အခန်းပြင်တွင် သူ့ကိုစောင့်နေသည်။
လုယွင်ဖေး သူ့ကိုမြင်ရသည့်အခါ စိတ်လှုပ်ရှားစွာပင် ချိုင်းထောက်ကိုကိုင်ရင်း သူ့ဆီဉီးတည်သွားလိုက်သည်။ သူသာဒဏ်ရာမရထားလျှင် ထိုသူ့ကိုချက်ချင်းပင် ပွေ့ဖက်မိလိုက်လိမ့်မည်။ သူ့ကိုကယ်တင်ပေးတဲ့နတ်ဘုရားက ဘယ်မှာရှိသေးလို့လဲ။ အခုသေချာကြည့်မှ သူ့ထိုင်ခုံဖော်က ပိုကြင်နာတတ်ပုံပေါ်နေသည်။ ဘုရားလိုပင် ပျမ်းကျင်းယွမ်ကို ဘုရားစင်ပေါ်တင်ကာ အင်္ဂလိပ်စာတွင် အမှတ် ၁၂၀ ရရန် တစ်နေ့သုံးကြိမ်ဆုတောင်းမည်။
ပျမ်းကျင်းယွမ် သူ့မျက်နှာကရွှင်လန်းနေသည်ကို မြင်ကာ သူကောင်းကောင်းဖြေနိုင်သည်ဟု ခန့်မှန်းမိလိုက်သည်။
“ဖြေနိုင်တယ်မလား”
လုယွင်ဖေးက ခေါင်းညိတ်ပြလိုက်သည့်အခါ သူ့မျက်လုံးများက တောက်ပနေကာ စိတ်လှုပ်ရှားစွာပြောလိုက်သည်။ “စာလုံးပေါင်းသတ်ပုံတွေကို အကုန်ဖြေပြီး အက်ဆေးကလည်း ကျက်ထားတဲ့အတိုင်းဖြေလိုက်တယ်။ မှန်ရာရွေးတွေအများစုက ငါတို့အထပ်ထပ်အခါခါလုပ်ထားတာတွေဆိုတော့ အကုန်လုံးကိုမှတ်မိတယ်”
“တော်တယ်”
“ပျမ်းကျင်းယွမ် မင်းက တကယ်နတ်ဘုရားပဲ။ မင်းသိလား။ အခုငါမင်းကိုကြည့်လိုက်တဲ့အချိန် ရောင်ခြည်တော်တွေတောင်ဖြာထွက်နေသလိုပဲ”
ပျမ်းကျင်းယွမ်က သူ့စကားများကြောင့် ရယ်မိလိုက်ကာ ညင်သာစွာပြောလိုက်သည်။ “သွားစို့။ မင်း ခဏနေအိမ်ပြန်ရောက်သင့်ပြီ”“အိုကေ” လုယွင်ဖေး နာခံစွာပြန်ပြောလိုက်သည်။
သူစက်ဘီးပေါ်တက်လိုက်ပြီး လမ်းတစ်လျှောက်တွင် ရှုခင်းများကိုကြည့်ရင်း ပျမ်းကျင်းယွမ်နှင့်စကားစမြည်ပြောသွားခဲ့သည်။ အင်္ဂလိပ်စာမေးပွဲများပြီးသွားသောကြောင့်ထင်သည်။ သူ့တွင်ရှိနေသည့်စိုးရိမ်မှုများက ပျောက်ကွယ်သွားပြီဟုထင်သည်။ သူ့အိမ်နားရောက်လာသည့်အခါ သူတို့စကားပြောနေစဉ်မှာပင် လုယွင်ဖေး ပျမ်းကျင်းယွမ်၏နောက်ကျောပေါ်တွင် အိပ်ပျော်သွားမိသည်။
YOU ARE READING
After I Possessed the Tmall Genie of the School Adonis(မြန်မာဘာသာပြန်)
RomanceMyanmar Translation (Retranslated from Mandarin Ducktales) Type- Web novel Genre- fantasy, romance, school life, slice of life, supernatural, yaoi Author- Lin Ang Si Chapters- 80 chapters+ 4 extras