Bian Jin Yuan, “Let’s eat together”
(Unicode)
သူကသက်သေဘယ်လိုပြလို့ရမှာလဲလို့ လုယွင်ဖေး တွေးလိုက်မိသည်။ ပုံဆွဲပြလို့ရသည်လည်းမဟုတ်။ သူက လီယိုနာဒိုဒါဗင်ချီလည်းမဟုတ်။
ပျမ်းကျင်းယွမ်က သူမတုံ့ပြန်လာသည်ကိုမြင်ကာ ပန်းကန်ကို ရွှမ်းရွှမ်းဆီသယ်သွားပြီး သူ့ရှေ့ချထားလိုက်သည်။
ရွှမ်းရွှမ်းက ပုံပြင်စာအုပ်တစ်အုပ်ဖတ်နေခြင်းပင်။ သူတို့အနားရောက်လာသည်ကို မြင်သည့်အခါ ခေါင်းမော့ကာ ပျမ်းကျင်းယွမ်ကိုကြည့်လိုက်သည်။
ပျမ်းကျင်းယွမ်က သူ့ခေါင်းကိုပွတ်ပေးရင်း ဆိုလိုက်သည်။ “ဒါက ငါ့အတန်းဖော်။ မင်းနဲ့ထိုင်လိမ့်မယ်။ တစ်ခုခုလိုချင်ရင် သူ့ကိုလည်းပြောလို့ရတယ်”
လုယွင်ဖေး ရွှမ်းရွှမ်းကို လက်ဝှေ့ယမ်းပြလိုက်စဉ်တွင် ရွှမ်းရွှမ်းက သူ့ကိုပြန်ပြုံးပြလာသည်။ “ဟဲလို ကောကော”
“ဟဲလို” လုယွင်ဖေး သူ့ရှေ့က အကောင်လုံးလေးကိုကြည့်လိုက်သည်။ သူက ရွှမ်းရွှမ်းကိုရင်းနှီးပြီးသားပင်။ ပျမ်းကျင်းယွမ်အိမ်က Tmall genie ကို ရွှမ်းရွှမ်းက အသုံးများသည်။ ထို့ကြောင့် ထိုကောင်သေးလေးကို သူ Tmall genie ထဲမှတစ်ဆင့်အမြဲ မြင်တွေ့ရသည်။ ယခုအကြိမ်က ရွှမ်းရွှမ်းကိုလူကိုယ်တိုင် တွေ့ရသည့် ပထမဉီးဆုံးအကြိမ်ပင်။
သူပျမ်းကျင်းယွမ်နှင့်သိကျွမ်းသည်ကို အသုံးချရင်း ထိုကလေးကိုမေးလိုက်သည်။ “မင်းနာမည်က ဘယ်လိုခေါ်လဲ”
ရွှမ်းရွှမ်းက သူ့ကောကောကိုကြည့်လိုက်သည်။ ပျမ်းကျင်းယွမ်က ခေါင်းညိတ်ပြသည်ကိုမြင်သည့်အခါ နူးညံ့စွာပြန်ဖြေသည်။ “ရွှမ်းရွှမ်းလို့ခေါ်ပါတယ်”
“စုံတွဲ၊အတွဲလိုက်ကို ဖြစ်စေတဲ့ ရွှမ်းလား”
ရွှမ်းရွှမ်းက ထိုအသုံးကိုနားမလည်သောကြောင့် သူ့ကောကောပျမ်းကျင်းယွမ်ကို ကူညီပေးရန် မော့ကြည့်သည်။
“ဟုတ်တယ်” ပျမ်းကျင်းယွမ်က ညင်သာစွာဖြေလိုက်သည်။ “အရင်ထိုင်ဉီး။ ငါမင်းကို နောက်မှစာစစ်ပေးမယ်”
YOU ARE READING
After I Possessed the Tmall Genie of the School Adonis(မြန်မာဘာသာပြန်)
RomanceMyanmar Translation (Retranslated from Mandarin Ducktales) Type- Web novel Genre- fantasy, romance, school life, slice of life, supernatural, yaoi Author- Lin Ang Si Chapters- 80 chapters+ 4 extras