ချစ်ပန်းလေးများဖူးပွင့်ရာ(ဘာသာပြန်)

Chapter 63

Unicode

Translator : mirae-thu

လင်းယန့်ချန် ကြက်သေသွားလေသည်။ချူရွှင့်ဟာ အနည်းနှင့်အများတော့ ပျော်သွားလိမ့်မည်ဟု သူထင်ထားခဲ့တာဖြစ်သည်။မမျှော်လင့်စွာပင် ချူရွှင့်က မပျော်သွားသည့်အပြင် စိတ်ဆိုးနေသည့်ပုံတောင်ပေါ်နေသေးသည်။

ဘာလို့လဲ?

လင်းယန့်ချန် စိတ်ရှုပ်ထွေးသွားရသည်။

ချူရွှင့်က သူ့ကိုအတင်းစစ်မေးလိုက်၏။

"မင်း ဒီကို အလုပ်ကိစ္စခရီးကအဆင်ပြေသွားလို့ ကိုယ့်ကို လာတွေ့တာလား? ဒါမှမဟုတ်ရင် နောက်ကျရင် မင်းY မြို့တော်မှာ စီးပွားရေးတိုးတက်အောင်လုပ်ဖို့ အစီအစဉ်ရှိလို့လား?"

လင်းယန့်ချန်ကဝန်ခံလိုက်သည်။

"ကျွန်တော်တို့ Group က အီလက်ထရောနစ်နည်းပညာအချက်အလက် ပိုင်းထဲကိုဝင်ရောက်နိုင်ဖို့ စီစဉ်နေတာ ပြီးတော့ ကျွန်တော်ကနေ တာဝန်ယူပြီး Yမြို့တော်မှာ ကုမ္ပဏီအသစ်စထောင်မှာ။"

ချူရွှင့်ထိုစကားကြားပြီးတာနှင့် သူနားလည်သွားတော့သည်။

"ဒါကိုမင်းရည်ရွယ်ချက်လား?ဒီလောက်အဝေးကြီးသွားဖို့ထိ လိုလို့လား?အထူးသဖြင့် မင်းကိုဒီကိုမလာခဲ့ဖို့ ကိုယ်မပြောခဲ့ဘူးလား?အလုပ်ကအလုပ် ကိုယ်ရေးကိုယ်တာက ကိုယ်ရေးကိုယ်တာပဲ။ကိုယ် အဲ့၂ခုကိုရှုပ်ထွေးရတာကို မကြိုက်ဘူး။ မင်း B မြို့က ဋ္ဌာနချုပ်မှာ ကောင်ူမွန်တဲ့ အလုပ်ရနေရဲ့သားနဲ့ ချောချောမွေ့မွေ့ တိုးတက်နေပါလျက်သားနဲ့ အခု မင်းကဒါတွေအကုန်လုံးကို လွှတ်ချခဲ့ပြီးဒီကိုလာပြီး အကုန်လုံးကို အစကနေပြန်စမယ်ပေါ့?မင်းရဲ့ခေါင်းကို တံခါးညပ်သွားတာလား?"

ချူရွှင့်က မပျော်သည့်အပြင် သူ့ကိုပါ ကြိမ်းမောင်းလာတော့ လင်းယန့်ချန်မှာ မကျေနပ်ချက်တွေ စုပြုံလာခဲ့ပြီ ဖြစ်သည်။

"မိသားစုကိုရှေ့တန်းတင်ဖို့ ရည်ရွယ်ပြီး ကျွန်တော့်အလုပ်ကို အနှောင့်အယှက်မဖြစ်စေတဲ့နည်းလမ်းကို ရွေးချယ်လိုက်တာ ဘာများမှားနေလို့လဲ?ကျွန်တော် ဒါတွေအကုန်လုံး ခင်ဗျားအတွက်ပဲလုပ်နေတာမဟုတ်ဘူးလား?"