Unicode
ချူးရွှမ် နာကျင်စွာစုပ်သပ်လိုက်မိသည်။
"မလုပ်နဲ့...မလှုပ်လိုက်နဲ့တော့။ နည်းနည်းလောက် နာနေတယ်"
လင်းယန့်ချန်သည် ချူးရွှမ်၏ခြေကျင်းဝတ်ကို ထပ်ပြီးမထိဝံ့တော့ချေ။
"တစ်ခြားနာတဲ့နေရာတွေရှိသေးလား"
ဟူ၍သာသူမေးလိုက်ရသည်။
ချူးရွှမ်ကခေါင်းခါယမ်းပြသည်။
"ဒီနေရာကနှင်းတွေထူနေလို့ ကိုယ်တို့ကံကောင်းသွားတာ။ ကိုယ်တော့ခြေကျင်းဝတ်လည်သွားပြီထင်တာပဲ။ အဆိုးဆုံးအနေနဲ့ ကျိုးရုံလောက်လို့ပဲမျှော်လင့်ရတာပဲ။မင်းရော ဘယ်လိုလဲ။နာတဲ့တစ်နေရာရာရှိသေးလား"
သူတို့နှစ်ယောက်အတူကျလာခဲ့စဥ်က လင်းယန့်ချန်ဟာ ကူရှင်သဖွယ်ခံထားပေးခဲ့တာဖြစ်သည်။
လင်းယန့်ချန်က လက်ဖြန့်ကားလိုက်ရင်း
"ကျွန်တော့်အရေပြားက ထူတယ်လေ"
စိုးရိမ်နေဆဲချူးရွှမ်ကတော့ ညွှန်ကြားနေတုန်းပင်။
"ကိုယ်တို့ပြန်ရောက်ရင်တော့ မင်းအတွင်းဒဏ်ရာတွေရသွားသေးလားဆိုတာသေချာစစ်ဆေးကြည့်ရမယ်။ အခု အကူညီခေါ်ကြရအောင်"
သူက ဖုန်းကိုဆွဲထုတ်လိုက်ပြီးမှ သက်ပြင်းချသည်။
"ဒီမှာလိုင်းလုံးဝမမိဘူး။ မင်းဖုန်းရော"
လင်းယန့်ချန်ကခြေတစ်ဝက်လောက်ကို တကူးတကဆုတ်ပြီးမှ ဖုန်းကိုဆွဲထုတ်လိုက်သည်။
ချူးရွှမ် : "......"
"ငါမင်းဖုန်းကိုဆွဲမလုပါဘူးနော်။ မင်းသိပ်တွန့်တိုတာပဲ"
လင်းယန့်ချန်က သူ့ဖုန်းကို ချူးရွှမ်ထံပြသည်။ပင့်ကူမျှင်များကဲ့သို့အက်ကွဲရာများရှိနေသောမျက်နှာပြင်က ဖွင့်လို့မရတော့သည်အထိ ပျက်စီးသွားပြီဖြစ်လေသည်။
"ကောင်းရော...ကျွန်တော်တော့ ဝဋ်လည်တာပဲ။ ခင်ဗျားပျော်သွားပြီလား။ အကူညီတောင်းဖို့ လိုင်းမိတဲ့နေရာပဲသွားကြရအောင်"
YOU ARE READING
ချစ်ပန်းလေးများဖူးပွင့်ရာ(ဘာသာပြန်)
Romanceမူရင်းစာရေးသူ : ဟန်ရှုး အမျိုးအစား : Drama,Romance,Yaoi အင်္ဂလိပ်ဘာသာပြန်ဆိုသူထံမှ ခွင့်ပြုချက်ရရှိပြီးဖြစ်ပါသည်။ ဤဘာသာပြန်သည် မိမိအပိုင်မဟုတ်ပါ။ မူပိုင်ခွင့်သည် မူရင်းစာရေးသူသာပိုင်ဆိုင်ပါကြောင်း