ရှောင်းကျန့်စာသင်ဖို့ရောက်လာတော့ ရိပေါ်ကစာရေးနေရာကနေလှမ်းပြုံးပြတယ် ။
"ရှောင်းကျန့် လာပြီလား "
အန်တီကမွှေးပျံ့တဲဲ့အမဲသားခေါက်ဆွဲဗန်းကိုသယ်လာပြီး စာကြည့်ခန်းထဲစားပွဲပုလေးနဲ့ချပေးတယ် ။
"လာ ရှောင်းကျန့်လေးငယ်ငယ်ကကြိုက်တဲ့ အမဲသားခေါက်ဆွဲပြင်ထားတယ် "
ရှောင်းကျန့်ကမခေါ်မှာကိုတောင်ကြောက်နေခဲ့တာ ။
"သားငယ် လာစားလေ "
ရိပေါ်ကစာအုပ်ကိုပိတ်လိုက်ပြီး စားပွဲပုလေးမှာဝင်ထိုင်တယ် ။
"မာမီ ငရုတ်သီးအနှစ်တွေပြန်ယူသွားစမ်းပါ ၊ မြင်တာနဲ့တင်စားချင်စိတ်မရှိတော့ဘူး "
"သားအစ်ကိုကြိုက်လို့ယူလာတာလေ ၊ သူကငယ်ငယ်လေးထဲကအစပ်စားတာ "
"သူအဆင်မပြေရင်ပြန်ယူသွားလိုက်လေအန်တီ ၊ ကျွန်တော်ကရတယ် "
"မယူနဲ့မာမီ "
ရိပေါ်ကအစပ်ပန်းကန်ကိုတစ်လှည့်ရှောင်းကျန့်ကိုတစ်လှည့်ကြည့်နေတယ် ။
"အေးဆေးစားနှင့် ၊ မာမီသွားလိုက်ဦးမယ် "
"စာသင်ပြီးမှသားဘာသာစားပွဲထုတ်လာခဲ့မယ် ပြန်မလာနဲ့တော့ "
"အေးပါအေ "
စာလုပ်မဲ့စကားချည်းသာထွက်နေတဲ့ရိပေါ်
ကြောင့်သူ့အမေကသိပ်ပျော်နေပုံပါပဲ ။အန်တီထွက်သွားတာနဲ့အမဲသားပြားပေါ်အစပ်နှစ်အပုံလိုက်တင်ရင်း ရှောင်းကျန့်အရသာခံလိုက်တယ် ။
"ဒီငရုတ်သီးကအတော်နူးညံ့ပြီးချိုတယ် "
"ချိုတယ်? ငရုတ်သီးက? "
"ငရုတ်သီးကတော့ချိုမလား ဒါပေမဲ့ငရုတ်သီးအခွံခေါ်ရမလား အဲ့နေရာကငရုတ်သီးအမျိုးအစားကိုလိုက်ပြီးစကားပြောတယ် "
"ဘာပြောလဲ? "
"ကျစ် "
ရိပေါ်က သွားပေါ်အောင်တစ်ချက်ရယ်ပြီးငရုတ်သီးကို ဗုံးဆံဖွင့်တဲ့အလားသတိကြီးကြီးထားပြီး လျှာနဲ့တို့ကြည့်တယ် ။