الضائعه

البارت التاسع والأربعون

تهاني : عشان تشكرني والا عشان تعرف أنا مين
يوسف : ههههههه لا من الناحيه دي أطمني وحد يقدى ينسي الصوت ده والا العيون الساحرة دي
تهاني : ها
يوسف : من غير لف ودوران أنتي تهاني بنت عم صالح
تهاني بإرتباك : وعرفت أزاي
يوسف : ههههههه هنعيده تاني ما أنا قولت مقدرشي أنسي الصوت ده والقمر اللي بيكلمني ده
تهاني : وأنت سمعت صوتي فين بقي
يوسف : لا ده سر دا أنتي كنتي حلم كل شاب في الحارة
تهاني : بأمارة معملتلي بلوك زمان
يوسف بعد تنهيده : كنت مخدوع وصدقت كلامهم بس للأسف فهمت متأخر بعد ما كنتي خلاص ضعتي من إيدي
تهاني : يعني أنت ......
يوسف : آه يا تهاني كنت ناوي أتجوزك بس خلاص الكلام ده فات أوانه
تهاني : طب هتعمل إيه مع عزة
يوسف : أشوف بس الإثبات اللي معاكي عشان أعرف أخلع منها
تهاني : وهتاخده أزاي
يوسف : هكلمك ونتفق عشان ألوقتي عندي شغل
تهاني : ماشي
يوسف : مع السلامة
ليغلق الخط وينظر إلي الهاتف بتفكير عميق
__________________________
تهاني : أعمل إيه يا سها
سها : لازم تتسرعي وتقولي إن معاكي دليل
تهاني : أنا كنت أعرف أنه هيطلب الدليل كده دا أنا فكرت انه هيدافع عنها وأي حاجه طلع ما صدق إني كلمته يا ريتني ما أسعجلت في الجوازة السوده دي
سها : مش أنتي اللي كنتي هتموتي علي سامح
تهاني : كنت عبيطه ضيعت من إيدي فرصة العمر
بس ملحوقه أخلص بس من عزة
سها تفكر قليلا : لقيتها
تهاني : إيه
سها : مفيش غيرة حسام هو اللي هيحلها
تهاني : مين حسام ده
سها : دا واحد عبقري نت بس الموضوع هيكلفك
تهاني : ولا يهمك أعمل أي حاجه عشان أخلص منها
               _______________________
نورا : روح يا أحمد شوف أخوك يجيب العيال عنه شويه
أحمد بحزن : والله رحت وهو رافض بيقول كفايه عليكي الوقت اللي بتاخديهم فيه
نورا : طب دا إسمه كلام خلليه يجيبهم شويه معايا
أحمد : حاضر ححاول معاه تاني
            _____________________
سها : بص بقا يا حسام  بما أنك عبقري نت أنت اللي تنفع في المهمه دي
حسام  ( شاب في العشرينات متوسط القامه نحيف الجسد ذو ملامح قاسيه وعيون جاحظه ملقب بحسام جينيوس لذكائه  في مجال الإنترنت لكنه يستخدم هذا
الذكاء في إذاء الناس مقابل حفنة من النقود ) : خير يا سوسو كله بتمنه
سها : متقلقشي هنديك اللي أنت عاوزه
حسام : إذا كان كده قشطه
تهاني : بص يا سيدي
لتقص له ما تريد
حسام : دي حاجه سهلة عارفه صفحه الاتنين
تهاني بلهفه : آه معايا
حسام : هاخد ألفين جنيه
تهاني : مش كتير ؟!!
حسام : خلاص شوفولكم حد غيري
تهاني : لا خلاص خلاص هدفعلك
حسام : ساعة وهتاخدي أحلي كلام
تهاني : وبكده أكون خلصت منك يا ست عزة
            ______________________
صفاء : زوزة يا جميلة
عزة : قلب زوزة يا قمر
صفاء : ما تيجي ننزل نشتري باقي الحاجات اللي نقصاكي مبقاش كتير عالفرح
عزة : بتصل علي أخوكي مطنشني قال إيه مش فاضي
صفاء : تلاقي وراه شغل
عزة : أنا عارفه أنه مضغوط عشان أجازة الفرح
ربنا معاه
صفاء : ربنا يخلليكوا لبعض ويكمل فرحتكم علي خير
عزة بشرود : يارب
لكن عزة تشعر بتغير من ناحيه يوسف وترجع هذا التغيير بسبب قرب الفرح ومشاغله الكثيرة
          __________________________
تقلب تهاني في الهاتف
تهاني بفرحه : أيوه بقي يا حسام يا جن والله مش خسارة فيك الفلوس
سها تتناول منها الهاتف : وريني كده ......يخربيت عقلك يا واد يا حسام زي اللي بصحيح
تهاني : كده هتدخل علي يوسف هوا ويرمي عزة زي الكلبه زي ما محمود رماها زمان بس المرة دي الفضيحه هتبقي بجلاجل
سها : طول عمرك دماغك سم يا تهاني
            ____________________
في الشركة
تدخل ريهام الشركة متجهه إلي مكتب زوجها
ريهام : فيه حد جوا
السكرتيرة : لا يافندم أتفضلي
ريهام بإبتسامه : ميرسي يا قمر لتدخل إلي مراد
مراد يقف فور رؤيتها فاتحا زراعيه لها : روكا أهلا
ريهام تلبي نداء زراعيه وتسكن في حضنه : وحشتني
يخرجها من حضنه ليجلس الإثنان
مراد : شايف رجليكي خدت عالمكتب أوي
ريهام : أعمل إيه بتوحشني يا دودي
مراد : طب أعمل فيكي إيه إحنا في المكتب إهدي يا روكا
ريهام بغضب طفولي : شكلك زعلت أني جيت المكتب خلاص مفيش مفاجأة
مراد : لا يا روحي لو علي مش عاوز أفارقك أبدا
ريهام : طب صالحني بقي
ليقبلها مراد عدة قبلات
ريهام : ههههههه خلاص إتصالحت أنت ما بتصدق
مراد : أيوه أنا في الصلح معنديش يا أما أرحميني
ريهام : ههههههههه
مراد : إيه المفاجأة بقي
ريهام تضع يديها علي بطنها : المفاجأة هنا
لينظر لها مراد للحظات لتشير له إيجابا
مراد بفرحه : يعني إنتي ......
ريهام : آه
مراد : يعني أنا ......
ريهام :أمممممم
مراد يحملها ويدور بها وهي تضحك من فرحتها
ريهام : مراد حاسب يا مراد
مراد ينزلها ويأخذها في حضنه : مبروك يا أجمل حاجه حصلتلي في حياتي
            _________________________
يوسف : ألو
تهاني : ألو
يوسف : أتصلت في وقت مش مناسب
تهاني : لا أبدا أنا لوحدي
يوسف : ها هنتقابل إمته
تهاني : في الوقت اللي تحبه
يوسف : لو عليا عاوز أكون معاكي حالا
تهاني : بجد
يوسف : عاوزك تعرفي معلومة صغيرة أنا عمري ما بكدب حتي لو علي رقبتي ...فلازم تثقي في كلامي دايما أتفقنا
تهاني : أتفقنا
يوسف : خلاص نتقابل بكره عالساعة ١٢ في كازينو*******عارفاة
تهاني : آه عارفاه تمام
يوسف : تمام
            _______________________
عزة : ألو
يوسف : أيوه يا عزة
عزة : شكلك مشغول
يوسف : آه شويه فيه حاجه
عزة : لا أبدا كنت هقولك إني هروح لروكا شويه
يوسف : ماشي يا عزة روحي
عزة : تمام مع السلامه
ولكنها لم تسمع رده وأغلق الخط
              ______________________
تأخذ عزةريهام بين أحضانها : ألف مبروك يا روكا
ريهام : الله يبارك فيكي عقبالك ها تشربي إيه
عزة : ولا أي حاجه يا حبيبتي أنا جايه أقعد معاكي شويه
ريهام : قوليلي بقي الفرح إمته
عزة بعد تنهيده طويلة : شكله هيتأجل
ريهام : ليه أنتي عاوزة يوسف ينتحر بقي هههههه
عزة : أهو يوسف ده بقي هو اللي هيأجله
ريهام : بإندهاش : غريبه
عزة: يوسف متغير قوي يا روكا مش عارفه ماله حاسه أن عنده مشكله كبيرة ومش عارف يحلها
ريهام : ما تحاولي تتكلمي معاه
عزة : يوووه حاولت وهو قافل خالص
ريهام : إن شاء الله خير
          _______________________
سهير : يابني واجع قلبي معاك ليه
محمود : يا ماما سبيني براحتي كده
سهير : يعني يابني تبقي عايش وسطنا وتاكل وتشرب وتغسل وتربي العيال لوحدك
محمود : أنا مرتاح كده
سهير : طب صالح أختك يا حبيبي أختك غلبانه
محمود : ماما لو أتكلمتي في الموضوع ده تاني هسيبلك البيت وأعيش برة
سهير : أنا مش عارفه حظها قليل حتي مع أخواتها
محمود : فعلا
          ______________________
في الكازينو
تجلس تهاني تنتظر يوسف
يوسف يأتي من خلفها : إيه أتأخرت عليكي
تهاني : لا أبدا أنا لسه واصله
يوسف : الشوارع كانت زحمه أوي
بس سيبك أنتي إيه القمر ده
تهاني بإبتسامه : مش قوي كده
يوسف : إيه يا بنتي مرايات بيتكم متكسرة .
تهاني : هههههههه
يوسف يغمز لها : والا سامح نظره ضعيف ؟!!
تهاني : سامح هو سامح شايف نفسه من كتر الأرف اللي بياخده
يوسف : شوفتي نستيني ليخرج من جيبه علبه قطيفه بها ساعة أقل ما يقال عنها تحفه ويعطيها إليها
تهاني بإنبهار : الله دي ليا
يوسف : أكيد مش ليا
تهاني : شكرا دي حلوة أوي
يوسف بهيام : بس مش أحلي منك
تهاني : طب يالا خد المحادثات أفتح البلوتوث
يوسف بتهكم : البلوتوث .....حاضر هفتح البلوتوث بس تشرب إيه الأول
تهاني : مانجا
ليطلب يوسف المشروبات ويفتح البلوتوث ويستقبل منها ١٥ محادثه بين عصام وعزة تحتوي علي كلمات من الغرام وبعض الكلمات البذيئه
يوسف بتوعد : يابنت الكلب
تهاني بشماته : أنت بتشتم عمك
يوسف بوجه خالي من التعبيرات عشان معرفشي يربي
بقولك إيه أنا همشي ألوقتي معلشي لينهض ويضع الحساب علي المنضده
تهاني : ما تاخدني في طريقك بالعربيه
يوسف : لا عشان محدش يشوفنا ويعرف حاجه
تهاني : ماشي
ليغادر يوسف ويتركها تحتفل بفرحتها أخيرا ستدمر عزة وتحصل علي يوسف والأن تفكر كيف تتخلص من سامح
           _________________________
ريهام : كيمو يا جميل أوي
كمال : أنا مش عارف ساكتلك ليه
ريهام : عشان أنا بنتك حبيبتك
كمال : ههههه مجنونه
ريهام : مراد داخل من باب الفيلا أوعي تعرفه أنك كنت عارف خبر النونو قبله إتفقنا
كمال : أتفقنا
ليدخل مراد : مساء الخير
الجميع : مساء النور
مراد : عندي ليك خبر بمليون جنيه يا بابا
كمال : خير
مراد : روكا حامل
كمال بفرحه : بجد ليأخذ بين أحضانه مباكا له ويغمز لريهام التي تقف تكاد تطير من السعادة وإندهاش مراد
نعم أنها الفرحه التي ملأت هذا البيت بالبهجه والسعادة
          _________________________
يوسف : ألو
تهاني : ألو
يوسف : أنا آسف إني سيبتك ومشيت بس بجد كنت مخنوق من اللي شفته
تهاني : ولا يهمك أنا عارفه أن الموضوع صعب
يوسف : تهاني أنا محتاجلك
تهاني : وأنا جنبك طول عمري يا حبيبي
يوسف : يااااه كلمة حبيبي دي جميله منك قوليهالي دايما
تهاني : حاضر يا حبيبي
يوسف : احكيلي بقي عن نفسك
لتقص له تهاني أكاذيبها وكم هي ضحيه
يوسف : ياااه دا أنتي عيشتي مأساه
تهاني : فعلا
يوسف : انا عاوز أشوفك بكرة نفس الميعاد ونفس المكان وبعدها نلف شويه بالعربيه
تهاني : ماشي يا روحي
               __________________
تلاعب عزة الصغير
صفاء : ياعزة قومي سيبك من سمير وكلمي يوسف شوفي هنعمل إيه
عزة : يا بنتي زن ..زن إيه أفصلي
صفاء : تصدقي أنا غلطانه
ليعلن هاتف عزة عن رساله
عزة : ههههه شكله سمعك بعتلي رساله
لتفتح عزة الهاتف ولكنها تصاب بصدمه
عزة بزهول : لا طبعا إستحاله ..أنا عمري ما أصدق
_يا تري إيه الرساله اللي جت لعزة
- يوسف هيعمل إيه مع عزة
كل ده مع أحداث جديده في البارت القادم
💞💞مع تمنياتي بقراءة ممتعة 💞💞