الضائعه

البارت الخمسون

صفاء بإندهاش : إيه يا عزة فيه إيه
لتعطي عزة لها الهاتف وهي في حالة زهول
صفاء تقرأ الرسالة : أنتي مصدقه الكلام ده
عزة : أكيد لا طبعا إستحالة يوسف يعمل كده بس السؤال مين اللي بعت الرسالة دي وليه
صفاء : وأنتي هتعملي إيه
عزة : ولا أي حاجه ولا كأني شفت حاجة
صفاء : ربنا يحميكوا من شر الناس
ليعلن هاتف عزة عن مكالمه وارده
صفاء بإستفسار :إيه ؟!!
عزة : ده يوسف .....ألو
يوسف : الو ...مال صوتك
عزة : لا أبدا مفيش
يوسف : طب أعملي حسابك هنروح مشوار بكرة عالساعة ١٢
عزة : فين
يوسف : هشتري البدله يا عزة
عزة : ها تمام .....سلام
صفاء: إيه تاني
عزة : يوسف عاوزنا نخرج بكرة الغريبه في نفس الوقت اللي اللي بعت الرسالة قال أنه هيقابل البنت فيه
صفاء : ظهر الحق ربنا رايد يظهر براءة أخويا
عزة : فعلا
             ________________________
نعيمه : يابنتي مش كنتي عاوزة تتوبي ليه تساعديها أنها تخرب بيت الناس كده
سها : عشان هي غبية فاكرة أن جمالها الناس كلها هتموت عليه ......يا ناصحه يوسف مش بالغباء ده ولا من النوعيه دي .....مش ده اللي هيريل عليها ....بس هي بلعت الطعم ومبروك عليها
نعيمه : أنتي كلمتيه
سها : منكرشي كنت ناويه بس هو قصر علي الطريق
نعيمه : والله ما أنا فاهمه حاجه
سها : بكرة تفهمي أنتي .....وتهاني تتعلم الدرس
          _________________________
تهاني تنتهي من أخر لمساتها ليعلن هاتفها عن مكالمه وارده
يوسف : ها نزلتي
تهاني : خلاص نازله أهو
يوسف : طب يالا وحشتيني بقي
تهاني : حاضر يا حبيبي مسافة السكه
يوسف : تمام وأنا كمان نازل أهو
ليغلق الخط ويعيد الإتصال
عزة : ألو
يوسف : أنا تحت إنزلي
عزة : حاضر
لتهبط عزة ويملأها التفكير
عزة : السلام عليكم
يوسف بوجه خالي من التعبير : وعليكم من السلام
لينطلق بعدها بالسيارة دون حديث ليتوقف أمام الكازينو
عزة بإندهاش : إيه ده هتشتري بدله من الكازينو
يوسف : تعالي نشرب حاجه دول عندهم مشروبات هتعجبك أوي
ليدخلا الإثنان
يوسف من خلف تهاني : أتأخرت عليكي
تهاني : لا أبدا يا حب
لا تستطيع أن تكمل كلماتها ففوجأت بعزة بجواره
عزة بإندهاش : تهاني يبقي الرسالة اللي جاتلي صح
يوسف بجمود : رسالة إيه
عزة : حد بعتلي رساله بيقول أنك علي علاقة بواحده وهتقابلها هنا الساعة ١٢
يوسف : وأنتي صدقتي
عزة : أنا قولت إستحاله ولحد إلوقتي مش قادرة مش مصدقه
يوسف : طب نقعد عشان الناس بتتفرج
أقعدي يا تهاني لسه القعده هتحلو إلوقتي
تهاني : نعم
محمود : مساء الخير
تهاني بإندهاش : محمود
عزة بإنفعال : هو فيه إيه يا يوسف
يوسف : كل اللي طالبه منك تهدي وتتفرجي بس ممكن
عزة يملأ وجهها الغضب ويدور برأسها ألاف السيناريوهات التي نسجها خيالها
يوسف : أتفضل يا محمود
محمود : ينظر لتهاني بإشمأزاز ويجلس بعيدا عنها
يوسف : بإختصار تهاني أتهمت مراتي أنها علي علاقه بيك وأنكم لحد إلوقتي بتتواصلو
محمود بإنفعال : قسما بالله كدب
تهاني بإندفاع : لا مش كدب أنا معايا محادثات
يوسف : بليها وأشربي ميتها يا حلوة
تهاني وقد بهت وجهها : إيه
يوسف : زي ما أسمعتي أولا الإيميل والباس ورد بتوع مراتي معايا بس مكنتش محتاج أفتحه لأني واثق فيها
ثانيا أخوكي مفتحشي من حوالي ٦ شهور
ثالثا بقي وده الأهم المحادثات واضح اوي أنها متفبركة
ليميل عليها : هو أنتي دفعتي فيهم كام
محمود يقف : أنتي أقذر إنسانه شوفتها ليبثق عليها ويستأذن ويغادر
تهاني : أنت اللي مش عاوز تصدق
يوسف : بقولك إيه يابت أنتي مراتي خط أحمر لأي حد حتي أنا اللي يقربلها أمحيه من علي وش الأرض ونسيت أقولك كل مكلماتك معايا متسجله وحفظتها علي فلاشه والمفاجأة إني هكرت حسابك وخت سكرين لمحادثاتك القذرة مع سعد وغيرة وحطتها علي نفس الفلاشة عشان ميخطرشي في بالك بس تقربي منها
ثم يشير علي يديها : هاتي الساعة
لتنزع الساعه من يدها في زهول وتعطيها له ليأخذها يوسف ويرميها أرضا ويدوس فوقها
يوسف : أصلها خسارة فيكي وإستحاله أخلي مراتي تلبس وراكي
ثم وضع نقود علي الطاولة وأخذ عزة من يديها واوقفها ثم وجه حديثه إلي تهاني : أبقي أشربي حاجه علي حسابي ....ثم نظر إلي عزة : يالا ياروحي
             _________________________
عاد محمود إلي المنزل يتطاير من عينيه الشر لماذا تصمم الحياة علي إعادة شريط الذكريات أمامه دائما ....لماذا تختار له الألم .....لماذا تتصرف معه أخته كأنه عدو تهدف تدميرة دايما
ليعزم الأمر علي ترك المنزل وأخذ أطفاله ليربيهم في بيئة أخري تخلو من الكره والحقد والضغائن
ليحزم أمتعته ويبحث عن شقة يعيش بها وسط أعتراض والدته ولكنه لم يبالي لرأي أحد ليترك الجميع ويبدأ حياه جديدة مع أولاده
            ________________________
تصعد عزة السيارة بجوار يوسف صامته فهي منذ ان دخلت هذا الكازينو وهي تقوم بدور المتفرج فقط
تنظر نظرات غريبه ليوسف
يوسف : مالك
عزة : صدقتها
يوسف : عمري
عزة : طب ليه أتغيرت معايا ؟!!!
يوسف : ههههههههه كان إختبار أشوفك حتحسي بيا والا لا
عزة : ونجحت؟!!!
يوسف : بجدارة
عزة بغضب : روحني يا يوسف
يوسف : قسما بالله أبدا ...دا أنا لسه هادد الدنيا من شويه عشانك يا قلبي
عزة بجمود : والمطلوب
يوسف : لا أنتي زعلك وحش اوي وإحنا داخلين علي فرح وجواز والذي منه
عزة : إن شاء الله روحني بقي
يوسف : أنا آسف يا روحي
عزة : تمام
يوسف : لا أنا ممكن أصالحك بطريقتي ويبقي فعل فاضح فيى الطريق العام
عزة بغضب : يوسف
يوسف : قلبه وعقله ودنيته كلها ليقترب منها يريد تقبيلها
عزة تبتسم رغما عنها وتبعده بيديها
يوسف : ضحكت يعني قلبها مال
عزة : يلا بينا
يوسف : يالا يا روحي نتغدي وبعدها نجيب أحلي فستان فرح لأميرتي
عزة : من غير صفاء
يوسف : صفاء حرة بقي مع جوزها يا زوزتي وإحنا ننطلق بقي
عزة : مجنون
يوسف : مجنون بيكي
            _____________________
سامح : إيه اللي حصل بينك وبين أخوكي خلاه ساب البيت
تهاني : مين اللي قالك
سامح بغضب : قابلني عالسلم وسمعني كلمتين ملهومشي لازمه ومشي وأمك قالتلي متزعلشي عشان متخانق مع تهاني وساب البيت
تهاني بعصبية : وأنت مش عارف ترد عليه والا لسانك كلته القطة
سامح بعصبيه : تهاني
تهاني : عاوز إيه كنت أتشطر عليه هو
سامح : عملتي إيه
تهاني : أبدا حبيت أعمل خير مع ناس ملهاش في الخير
سامح : خير إيه اللي يخللي أخوكي يمشي
تهاني : عرفت أنه لسه بيحب عزة وهي كمان بتحبه قولت ألم شملهم بدال كلام النت والتليفونات قام فيا كده وبهدلني
سامح : مش عزة دي مخطوبة
تهاني : مكتوب كتابها
سامح : طب ماتتلم بقي ...أخوكي ده غريب
ليصمت قليلا
سامح : بقولك إيه يا تهاني
تهاني : عاوز إيه
سامح : تعالي نرجع شقتنا تاني وحتي يا ستي نسيب مروة عند عبد الرحمن ونعيش ونربي عيالنا
تهاني : ما احنا عايشين أهو ومش عاوزه كلام في الموضوع ده تاني عشان قرفت منه
                   _______________________
مها : حمد الله عالسلامه يا ميرو
مروة : الله يسلمك عمر عامل إيه
مها : الحمد لله بيسأل علي خالته
مروة : هو فين
مها : نايم يا قلبي.
مروة : آه كان شفت متعب أوي
مها بألم : وعليكي بإيه من ده يا قلبي أرتاحي
مروة : الحمد لله با أبله انا كويسه وكفايه علي أبيه كده
مها: والله هو زعلان من شغلك وتعبك ده
مرزة : ربنا يجزيه خير مجتشي من أخويا
              ________________________
عزة : ألو
ريهام : ألو
عزة : صاحبي الندل أسبوع وانتي منفضالي
ريهام : حبيبتي حقك علي بس والله الحمل تاعبني خالص
عزة : ولا يهمك بس أهم حاجه تحضري الفرح
ريهام : عيب عليكي يا قلبي هبات معاكي كمان
عزة : صاحبي الغلس
_تهاني هتخطط لإيه جديد
_ سامح هيرجع لأخته
وعندنا البارت الجاي فرح جهزوا نفسكوا
💞💞 مع تمنياتي بقراءة ممتعه 💞💞