الضائعه

البارت الأول

فتاة حالمة تتباهي دائما بجمالها ذات العيون العسليه والشعر الأسود الطويل والبشره البيضاء بنت وحيده لأربعه إخوة نشأت وترعرعت في بيت خالي من القيم والمبادئ لتصبح بالنسبه اليها هذه العبارات نكته أو ماده للضحك يملأ قلبها الغيرة والحقد تستخدم كل الوسائل لتدمر حياه من حولها وتخرج من جلد الافعي ذات الملمس الناعم لتمثل دور المظلومة والمجني عليها ولكن من اين أبدأ اليكم سرد الاحداث منذ الطفوله لكم ان تتخيلوا كيف كانت طفولتها وكيف كان نموها فلندأ سرد قصتنا منذ مرحلة المراهقه التي كانت تملأها المغامرات وكلما ذادت مغامراتها زادت سعادتها ولا تدري بقدر ينتظرها سأترك لكم البطله تعرفكم بنفسها
اهلا انا تهاني في اخر سنه في الدبلوم جميله وكل الولاد هيموتوا علي  .......اه سمعتكم بالنسبه لأخواتي محدش فيهم يقدر يتكلم ابويا واثق جدااا فيا هههههه ومانعهم انهم يتدخلوا في أي حاجه تخصني
ايه ده يا تهاني راحه فين
تهاني :هعرفكم علي عيلتي ...... اقولكم اتعرفوا عليهم مع الاحداث
في منزل في بيت ريفي يتكون من عده طوابق لتقف في منتضف المنزل امرأه في الخمسينات يبدو عليها الجبروت ترتدي  عباءة فلاحي وايشارب
سعاد : بت يا تهاني هتتأخري عالامتحان لتخرج تهاني من احدي الغرفلترد عليها :حاضر خلصت اهو هاتي بقي فلوس واعرفي اني هتأخر شويه متقلقيش علي
تعطيها سعاد الفلوس لتقول :هتتأخري ليه
تهاني:النهارده اخر يوم في الامتحان هنتمشي انا والبنات شويه عشان خلاص من هنشوف بعض تاني
سعاد : ماشي وتركتها الأم وغادرت
يخرج الأب من احدي الغرف :انتي لسه هنا يا تهاني
تهاني : ماشيه اهو هات بقي فلوس عشان امي مرضيتشي تديني(ايه ده يا تهاني انتي طلعتي منهم)
صالح:خدي هيا امك طول عمرها كده
تهاني :اه خلليها بس تدي للغرب وانا لأ لتخرج تهاني مغادرة
                    **********************

في مكان أخر في مدرسه تقف تهاني وسط زميلاتها يضحكن ويتبادلن النكات
تهاني:اسيبكم بقي عشان الحق اشوف الواد شريف
عزة (زميله تهاني وفي نفس الوقت خطيبه اخوها وحبه الوحيد)يا خبر ولما تتأخري مش خايفه من أمك
تهاني : لا انا قايلالها اني هبقي معاكم تفكر قليلا لتنظر لعزة مرة أخري بقولك ايه يا عزه تعالي معايا ونروح سوا
عزه بتلقائيه لا افرضي حد شافني يقول علي ايه انا مليش في الكلام ده
تهاني:اه ملكيش في الكلام ده طب سلام يااااا محترمة

                  **************************
في مكان اخر تقف تهاني خلف شاب طويل القامه
تهاني:واقف من زمان
شريف يلتفت اليها وينظر لها اتأخرتي علي يا توتو
تهاني :معلشي يا شوشو الامتحان بقي بس هعوضك هفضل معاك ساعتين
شريف : يمسك بيدها ليقربها منه مش كفايه بتوحشيني
ترتمي تهاني في احضانه ليختلسوا من الزمن لحظات يقضوها في معصيه الله من قبلات حارة واحضان لتنطفض مرة واحده كمن لدعتها حيه
شريف :ايه يابت مالك فصلتيني
تهاني:أأأخويا ....يا يا لهوي
اتمني الفصل ده يعجبكم مستنيه تفاعلاتكم عشان ننزل بارت جديد بسرعه الأحداث القادمه شيقه