الضائعه

البارت التاسع والعشرون

صراخ وعويل من حين لآخر نعم إنها تهاني
سهير ببكاء : يا حبيبتي ربنا يعوض عليكي
نورا : إنتي لسه في الأول وإحمدي ربنا مش ممكن كان ييجي فيه حاجه أستغفري ربنا وتعالي نكشف عشان لو محتاجه تنضيف
تهاني بصراخ : مش عاوزة حاجه خلاص
ثم تتوجه بالحديث إلي سامح : هي ليه بيعموا معايا كده أنا بحبهم وابله وخدتهم أهلي أستحملت تحكمات أمك وشتيمتها ليا ومتكلمتش
شوفت مروة في حضن واحد ونصحتها زي أختي ومتكلمتش وجوز أختك اللي كان دايما مش طايقني ودايما يحرض أمك علي
حسبي الله ونعم الوكيل فيهم كلهم
ليبكي الجميع من حولها حتي سامح علي ما عانته هذة الفتاه من هذه العائله
________________________
أرسلت صفاء رساله نصيه إلي أخيها تخبره فيها عن أمر خطبه عزة
جن جنونه كيف لأحد أن يفكر بها زوجة
ليقوم بالإتصال علي عزة التي ترفض الرد لعدة مرات عقابة علي الأيام الماضيه لتجده يرسل لها رسالة نصيه
( والله لو ما فتحتي لأتصل علي عمي أكلمك من علي فونه وأقوله إنتي اللي قايلالي)
ليعيد الإتصال مرة أخري
عزة : ألو
يوسف بإنفعال : مش بتردي ليه عالزفت
عزة : وأنا سألتك أنت ليه قافل النت بتاعك
يوسف : مش وقت عند الوقتي خالص
ايه حكاية العريس اللي متقدملك ده
عزة : عادي يعني واحد وجاي يتقدم
يوسف : وأنتي هتعملي إيه بقي
عزة : هقابله
يوسف : بإنفعال : نعععععععععم
أشفقت علي أذنها من قوة الصوت كما أشفقت علي هذا الكوب الزجاجي التي سمعت دوي تحطيمه فأرتعبت وأشفقت علي يوسف وخافة عليه من تلك الإنفعالات نعم هي تعلم جيدا كم هو يهواها فأدركت الحتدالة التي وصل إليها وقررت تهدئة الأمور
عزة : لازم أقابله يا يوسف عشان محرجشي بابا
يوسف : يعني لولا عند سيادتك كان زمان كل واحد ملموم إنما كده أتصرف أنا أزاي
عزة : اهدي يا يوسف هو من غير ما أشوفه مرفوض
يوسف : أهندي إزاي وأنا شايف واحد معجب بيكي وجاي يخطبك لا وكمان هيقعد معاكي
بقولك إيه الكحل حتي ميطحطش في عينك
عزة : حاضر
يوسف : تقعدي بعيد عنه وإياكي تضحكي وهو موجود
عزة : حاضر هكشر
يوسف : تلبسي درؤ واسع وتبعتيلي صورتك قبل ما تخرجي
عزة : حاضر يا يوسف حاضر إهدي بقي
يوسف : أهدي طول ما أنتي بعيد عني كده ومغلباني ههدي
عزة تضحك وعنما يسمع ضحكتها كأنها مخدر عمل علي تسكين آلامه وتحول حاله
يوسف : بتضحكي جننتيني يا زئردتي
______________________
ذهب سامح لوالدته كي يوصف لها الحالة التي أصبحت عليها زوجته ولكنها لم تستمع إليه وطردته وأخبرته بأن ينقل شقته إلي مكان آخر ليذيد نسبه الكره في قلبه من ناحيتنم ويتمسك أكثر بتهاني ليعود إلي تهاني ويخبرها بالأمر لتبكي علي حظها من خسارة جنينها وظلم.عائلة زوجها وبالنهايه طردها هي وزوجها بالشارع وأخبرته أنها لن تتركه مهما حدث فهي معه وبجوارة ليقترب مسلسلها التي عملت علي إخراجه بإتقان أن ينتهي
_________________________
في منزل ريهام
تعود من عملها مرهقه فلقد كان يوم شاق مليئ بالصفقات والمقابلات والعمل الكثير فلقد أحضرت معها بعض الطعام لتتناوله قبل أن تنام ولكن عندما فتحت باب منزلها لتجد أبيها في إنتظارها وهيئته غريبه ذقنه طوبله ملابسه غير مهندمه تفوح رائحة الخمور من فمه
ريهام بخوف وقلق : بابا أزيك
والدها : كنتي فين
ريهام : في الشغل
والدها بغضب : شغل إيه قولتي لمين أنك هتشتغلي
ريهام : أنا آخر مرة شوفتك من ٣ شهور ومش بترد عالفون .
والدها : تقمي تمشي علي حل شعرك مش كده
ريهام : أنا بشتغل في شركه محترمه علي فكرة
والدها : والمصنع
ريهام : المصنع اللي أنت أهملته لما فلس واتقفل
والدها : مش مهم
ريهام بلا مبالاة : فعلا مش مهم
والدها نظر إليها نظرة مخيفه : أنا عاوز فلوس
ريهام : وأنا أجيبلك منين
والدها : من معاكي فأخرجت كل ما معها في الحقيبه فكانوا ٥٠٠جنيه
ريهام : إتفضل ده كل اللي معايا
أخذ من يدها الفلوس ورماها في وجهها وهجم عليها أمسك.بزراعها حتي ظنت أنه كسر من قبضته وأخذ يهز جسدها بعنف
أيه ده هو أنا بشحت منك أنا عاوز فلوس مش ملاليم
إنهارت ريهام في البكاء : إيدي حرام عليك أنا هجيبلك فلوس منين
والدها : من الوديعه اللي سيباها المحروسه أمك
ريهام : ما دي ما ينفعشي أفكها إلا بعد سن الرشد
تركها والدها لتترنح وتكاد تقع وأخذت تمرر يدها موضع قبضته
والدها : لا فيه حل تاني
ريهام : وإيه هو الحل ده
والدها : تتجوزي
ريهام بإستنكار : أتجوز
والدها : آه إبن مراتي طلبك وأنا وافقت
،يهام : أنت اكيد بتهزر
والدها : إعملي حسابك كتب كتابك الخميس الجاي
وتركها وغادر تركها في ألمها وحيرتها ووجع قلبها لمن ستلجأ الأن وهي لم يعد لها أحد دبرني يالله
___________________
أنتهت عزة من إرتداء ملابسها لتدخل عليها صفاء
صفاء : بسم الله ماشاء الله قمر
عزة : أهلا صاحبي الندل تفتني علي
صفاء بخجل : إفهمي دا أخويا مكنتش عاوزاه يتجرح لأنك إنتي ليكي كامل حريتك في الإرتباط
عزة : ماشي يا أختي أتفضلي صوري عشان أبعتله الصورة يتأكد أن تعليماته اتنفذت
صفاء :وهي تلتقط منها الهاتف : هههههههه يخربيت عقلكوا
عزة : أخو المجنونه هيبقي إيه
صفاء : هفتن عليكي
عزة : صاحبي الجدع أنت
ترسل عزة له الصورة لتكتب تحتها شش(شاويش أهو)
ولكن عندما تصله الصورة ينسي كل شيئ يبتسم تلقائيا ويتوه في بحر عيناها وإبتسامتها
يوسف : وحشتيني ياروحي
ليقوم بإرسال رساله لها ( الفون يفضل في إيدك تردي علي أي رساله مني وتقعدي بعيد عنه ومتضحكيش نهائي )
عزة : حاضر 😊😊
حاجه تانيه
يوسف : أكيد طبعا ترفضيه 🥴🥴
عزة : تمام
يأتي والد عزة يخبرها بقدوم الضيوف لتذهب خلفه وتجلس بالفعل بعيدا عن العريس يتعارف الجميع ليبدأ العريس بسؤالها عن حالها ودراستها وهي كنت ترد إجابات مختصرة بأدب وإحترام
فظنوا أنها خجله وكل خمس دقائق يرسل إليها يوسف رسالة لترد عليه ولكن أتها إتصال من ريهام لم ترد أول مرة ولكن عندما عاودت الإتصال أستأذنت منهم لترد
عزة : الو ..ًمالك يا روكا
لتقص عليها ريهام ما حدث وشرحت لها أنها خائفه جدا ولن تستطيع المكوث في المنزل ولا تعلم أين تذهب فوالدها أخذ جميع نقودها لتبكي عزة علي حال صديقتها ليدخل الأب في هذه اللحظه بإنفعال
سمير : مكنتيش قادرة تأجلي التليفون اهي الناس مشيت ليتفاجأ بمنظر إبنته التؤ تغرق الدموع وجهها
سمير بلهفه : مالك يا عزة
تشير له عزة أن ينتظر تنهي المكالمه
سمير : خلصي مكالمتك وحصليني
تنهي المكالمه وهي عاجزة لا تدري ماذا ستفعل لتجد العديد من الرسائل من يوسف وأتصال لتفتح
يوسف : ايه القعده حلوة مش معبراني
عزة : يوسف
يوسف : عزة أنتي بتعيطي فيكي إيه
لتقص عليه ما حدث ليهدأها ويطلب منها مهله كي يتصرف لتغلق الخط وتذهب لتحكي لأسترتها ما حدث لريهام فلم يتردد أبيها أخذ عزة والذهاب إليها لأحضرها لتكون وسطهم حتي يجدوا حل
وبالفعل تم ما أتفقوا عليه
_________________________
صالح أخذ أجازة وعاد ليجد حل لحال إبنته وقد قصت عليه قصص وحكايات من نسج خيالها من ظلم حماتها ومعاملتها السيئه وما فعلته بها مها أخت زوجها وأنها تكرهها وأخيرا طردهم من المنزل
صالح : خلاص يأجرلك شقه
تهاني : إيجار إيه يا بابا إحنا بنعدي الشهر بالعافيه
صالح : طب هتعملي إيه
تهاني : أديني شقه من بتوع إخواتي لحد ما ربنا يسهل
صالح : إنتي عارفه كل واحد من إخواتك بيشتغل وبيظبط في شقته هاخدها منه أزاي
تهاني ببكاء : يغني هتسيبني اترمي في الشارع يا بابا
صالح : أكيد لا طبعا
تهاني : خلاص أنا عندي حل
_يا تري إيه حل تهاني
- ريهام هتعمل إيه مع أبوها
- عزة هتعمل ايه مع العريس
ظهور حد كان مختفي
أنتظروني في بارت جديد