الضائعه

البارت الحادي والأربعون

ريهام ببلاهه : ها ثم تصمت لحظات تنظر حولها
ثواني كده أنا فايقه مش بيتهيألي
ليضحك علي فعلتها مراد لتنظر له ريهام بتوهان
لتقول في نفسها : يعني أنت جاي تضحك إلوقتي
مراد : لا أنتي فايقه وكويسه
ريهام :طب إيه
مراد بجمود:أنا عارف أن ممكن بطلب بطريقة غريبة شويه
ريهام : اممممم ممكن
مراد : بإختصار يا ريهام أنا حياتي زي الصحرا كلها جمود عشت حياه عسكريه كل حاجه في حياتي في مكانها أوي متعلمتش أزاي أعبر عن شعورى أو إحساسي ليصمت قليلا ثم يعاود الحديث أمي ماتت بعد ولادتي بشهرين بابا كان دايما شايفني أني السبب في موتها وبدال ما يعوضني عنها بعد هو كمان .....كان شغال مهندس في الجيش وكان فاتح الشركة دي عشان كده مكنشي عندي خيار غير دخول الهندسه وأمسك شركاته كنت بذاكر ليل نهار عشان أثبتله أننا أستحق حبه كنت دايما الأول وأتعينت في الجامعة ومسكت الشركه هنا وطورتها جدا مع ذلك هو لسه مش شايفني هو شايف اني نسخه هو بيطبعها كنت بحلم أنه ياخدني مرة في حضنه بس للأسف هيفضل حلم
يلتفت إلي ريهام يجدها تبكي في صمت ولكن لا يعلم كيف يتصرف فصمت قليلا ثم نظر إليها : أنا آسف
ريهام وهي تمسح دموعها : لا مفيش حاجه أنا هقوم أكمل شغل
مراد بترجي : مردتيش علي
ريهام : أديني وقت أفكر
مراد وقد عادت إليه حاله الجمود : تمام
             ___________________
يعود محمود من عمله لتلتقي به نورا عالسلم
نورا : السلام عليكم
محمود : وعليكم من السلام
نورا : كويس أنك جيت كنت عاوزه أرن الجرس وكنت خايفة أقلق ليلي
محمود : آه أنا نسيت أخد ملك منك الصبح حقك علي
نورا : ملك مين اللي تاخدها أنا كنت عاوزة أدخلها الغدا
محمود : تسلمي يا أم زياد أنا جبت أكل جاهز
نورا بغضب: ليه بس كده يا محمود عايش في الصحرا ......خلاص خللي الأكل الجاهز ده أتعشوا بيه وكلوا ده إلوقتي
محمود : تسلمي يا أم زياد هاتي بقي ملك
نورا : ملك نايمة لما تصحي هجيبهالكوا
            ______________________
سها تحاول الإتصال بتهاني التي ترد بعد فترة من معاودة الإتصال
تهاني : ألو
سها : أخيرا رديتي
تهاني : مكنتيش سامعه
سها : مكنتيش سامعة والا مش عاوزة تردي علي
تهاني : عاوزة إيه يا سها
سها : حقك علي يا توتو
تهاني : وبعدين
سها : ميبقاش دمك تقيل بقي
تهاني : آجي أخدك بالحضن يعني
سها : حقك علي والله أنا آسفه
تهاني : خلاص يا سها
سها : صافيه لبن
تهاني : حليب يا قشطه
            ______________________
في الجامعة
ريهام : عاوزاكي بعد المحاضرات
عزة بنظرة شك : مش مطمنالك
ريهام : ليه دا أنا حتي طيوبه
لتنتهي المحاضرات ويجلسوا في كافيه الجامعة
عزة : خير يا ست روكا
ريهام : هحكيلك بس من غير ما تقولي تهيوئات
عزة : لا مش هقول
ريهام : مراد طلب مني الجواز
عزة : وأنتي قولتيله إيه
ريهام : قولتله أديني وقت أفكر
عزة : طب وأنتي رأيك إيه
ريهام : محتارة مش عارفه أمال أنا بحكيلك ليه عشان تساعديني
عزة : أنتي إحساسك إيه
ريهام : مش عارفه هو كويس وأي واحدة تتمناه
عزة : يعني موافقه
ريهام : خايفه
عزة : من إيه
ريهام : خايفه أوافق أندم .....أرفض أندم
عزة أنا عاوزة حد يعوضني واحد يحسسني بالأمان واحد ألاقيه سند ليا وحضن حنين أداري فيه من قسوة الزمان فهماني
عزة : فهماكي ......بس أنتي نسيتي أهم حاجه  أنه يحبك وأنتي تحبيه عشان حبكم ده اللي هتعدوا بيه كل حاجة
ريهام : هو اللي زي ده يعرف يحب
عزة : ليه مش بني آدم وليه قلب يبقي أكيد بيعرف يحب
ريهام : ممكن
          ________________________
نورا تحمل ملك وتجلس بجوار ليلي
نورا وهي تداعب الطفلة : يالا يا لوكا قولي لماما تاكل كويس عشان البيبي يكبر وييجي يلعب معاكي
ليلي : تعبتك معايا يا نورا
نورا : عيب متقوليش الكلام ده إحنا أخوات يابنتي
ليلي : ربنا يقدرني وأردلك جزء من اللي أنتي بتعمليه ليا ولملك
نورا : إن شاء الله تقومي بالسلامة وأشغلك معايا بقي في فرح العيال بس أعملي حسابك تتعلمي تعملي الكحك والبسكوت عشان أنا ميح فيهم
ليلي : أنا أستاذه في الكحك والبسكوت
نورا بمرح : وساكته علي لا إحنا بقي في الأعياد لازم تعمليلنا ونتلم حواليكي أنا والعيال وناكل منه سخن
ليلي : هههههههه وأنتي تعملي مكرونه ورقاق وفته
نورا : هههه كده أنتي ناويه نبقي أفيال
           _________________________
مروة : بقالك فترة تعبانه يا ماما
نجاة : أنا كويسه أنتي اللي بتتعلميه هطلعيه علي
مروة : بجد يا ماما بقالك فترة مش عجباني لو وقفتك في المحل تعباكي أقعدي
نجاة تتنهد بأسي : تعباني ...دي هي اللي بتنسيني اللي أنا فيه
مروة بحزن : لسه يا ماما
نجاة وقد بدأت تبكي : فراق أخوكي ده مأثر فيا أوي ....نفسي حتي أشوفك مرة مش عاوزة منه حاجه
          ________________________
محمود عائد من عمله صاعدا الدرج ليقابل تهاني ولكنه لم يعيرها أي إهتمام
تهاني : محمود محدش بيشوفك من يوم ما رجعت ليلي ليه خلاص نستك العالم ثم ضحكت ضحكة تهكم
محمود نظر لها ثم تركها وهم ليغادر
تهاني بإندهاش : محمود أنت مش سامعني
ليستدير محمود لها ينظر إليها للحظات : أنا ولا عاوز أسمعك ولا أشوفك ولا لساني يخاطب لسانك خلليكي في حالك وأنا في حالي
تهاني : إيه ده يا محمود هي دي تعليمات مراتك والا إيه آه ما هي ونورا أتفقوا ومع بعض علي طول وبقيت أنا اللي وحشه في النص أنا عارفه كلكم مش بتحبوني ومش عاوزين تخرجوني من البيت
لينظر لها محمود نظرة إستحقار ويتركها دون حديث وأي حديث يفيد الآن
لتنزل تهاني إلي سهير بحالة عصبيه و تسب وتلعن
سهير بإندهاش : مالك يا تهاني
تهاني : إبنك مراته منبهه عليه ميكلمنيش ....طبعا ما هي خلاص أتلمت علي الحربايه نورا
سهير : كلام إيه ده أزاي دا أنا أطلع أرميها من فوق
تهاني : خلاص يا ماما عشان منعملشي مشاكل والناس تتفرج علينا أنا حبيت بس أعرفك عشان بعد كده محدش يلومني
سهير : يا عيني عليكي يا بنتي حظك كده حتي مع أخواتك
            ________________________
عزة تتحدث في الهاتف
عزة : يعني مراد بيحبها من فترة
يوسف : عاوز أقولك أنه بيعشقها مش بيحبها بس وخايف جدا أنها ترفض
عزة : أنا لو مكانها هرفض مراد تحسه بارد خالي من المشاعر
يوسف : بتهيألك مراد جواه حنان يكفي الكون وجواه حب كبير بس مشكلته بيخاف يبين ده الناس تقول عليه ضعيف
عزة : يا سلام
يوسف : ده نشأ عن طريق التربيه والبيئة اللي عاش فيها .....مراد عاش حياة صعبة وقاسيه جدا
وبعدين إحنا هنقضي المكالمه في الكلام عن مراد
عزة : مش صديقتي ولازم أطمن عليها
يوسف بهيام : وحشتيني
عزة : أنت أكتر
يوسف : إمته بقي نبقي في بيت واحد
عزة : هانت كلها سنتين
يوسف بإنفعال : نعم يا أختي سنتين إيه طب قولي شهرين
عزة : شهرين إيه أنا عاوزة أخلص الكليه الأول
يوسف : وهي الكليه هتحلف ما هي خلصانه لو خدتيها وأنتي في حضني بالعكس دي هتخلص بسرعة
عزة: بتهزر أنت صح
يوسف : لا والله يا قلبي بس جوازنا هيعطلك في إيه دا أنا حتي هساعدك في المذاكرة
عزة : لما نشوف رأي بابا
يوسف : أنا متفق مع عمي بعد إمتحانات السنادي
عزة بإنفعال : إيه ده لأ
يوسف : أقفلي يا عزة بلاش أزعلك
عزة : أهون عليك
يوسف : بصراحة لا
           ________________________
في الجامعة
ريهام وعزة يخرجون من قاعة المحاضرات
ريهام بحيرة : يعني أعمل إيه يا عزة
عزة : شوفي قلبك هيقولك إيه وانا رأيي أديله فرصه
ريهام : انتي عارفه ال......لكنها لم تكمل كلامها حيث وجدت من ينادي عليها لتلتفت تجده مراد
مراد : راحة الشركة
ريهام : أيوة
مراد : تعالي أوصلك معايا
ريهام تنظر إلي عزة التي تشير لها بمعني وافقي
ريهام بإرتباك : أصل أنا
مراد : تمام يالا بينا
لتزهل ريهام من أسلوبه وتضحك عزة علي هذا المجنون
           _________________________
تعود مروة من الجامعة لتنظر إلي المحل بإندهاش وهو مغلق
مروة : دي شكل ماما سمعت الكلام وريحت نفسها النهاردة ومنزلتشي المحل
أحد الجيران : عامله إيه يا مروة
مروة : الحمد لله هي ماما فتحت المحل النهاردة
الجارة : ولا حد شافها من الصبح فيه حاجه
مروة : لا أبدا عن إذنك
لتصعد مروة ترن الجرس ولكن لا رد تطرق الباب ولكنها نفس النتيجة ليدب القلق في قلبها فتخرج الهاتف وتتصل عليها لتسمع صوته من الداخل لتهرول علي السلالم وتنادي لطفل وترفعه من الشباك ليفتح لها الباب
ليأتي إليها بعض الجارات للإطمئنان عليها ليتفح الطفل الباب لتدخل مروة مسرعة تبحث عن والدتها لتقف مرة واحدة تصرخ
- ياتري مروة صرخت ليه
- ريهام هتوافق والا هترفض
- تهاني هترجع العلاقه تاني مع سها
- سعد هيعمل إيه مع تهاني
كل ده وأكتر في البارت القادم
🌺🌺مع تمنياتي بقراءة ممتعه🌺🌺