الضائعه

البارت السادس والعشرون

صرخات مدوية في الحمام بواسطة صفاء ليهرول  الجميع عليها لتدخل إليها أشجان وتخرج مسرعة لإبنها طالبه منه نقل صفاء إلي المستشفي سريعا لأنها في حالة ولاده قلق وتوتر دعاء ورجاء حل عليهم مع كل صرخة تصرخها صفاء يعتصر قلب عصام وتنجرف معها دموع عزة مضي الوقت عصيب في غرفة الولاده هاتف سمير أخيه ليكون برفقة إبنته في هذا الوقت نعم إنه خروج روح من أخري حضر حسين مع زوجته يملأهم الرعب  والقلق لحظات مرت سنوات .....أخيرا صوت صرخات الطفل الذي بعث الفرحة والطمأنينه في قلوبهم بعد قليل خرجت به الممرضه ليجري عليها عصام : أخبارها إيه
الممرضه : زي الفل ومبرووك جالك ولد زي القمر
الجميع بفرحه يلتفون حول الطفل ليأخذه سمير ويقوم بالتكبير في أذنه
بعد قليل تخرج صفاء ليهرول إليها الجميع ويجلس بجوارها عصام يقبل يدها
عصام : حمد الله عالسلامه يا روحي
صفاء : الله يسلمك يا حبيبي النونو حلو شبهك
عصام : لا زي القمر زي مامته
عزة وهي تحمل الطفل بفرحة : كده يا ست صفاء تضحكي علي وتجيبي ولد ألعب بمين أنا إلوقتي
أشجان : تعوضها المرة الجايه ههههههه
حسين : نويتوا تسموه إيه بقي يا ولاد
عصام : مامته اللي تسميه هي أكتر حد تعب فيه
صفاء : هسميه سمير
ينظر إليها الجميع بدهشه ممزوجه بفرحه
سمير وقد ترقرقت الدموع في عينه : ربنا يبارك فيكي يا بنتي
صفاء : ويباركلنا في عمرك يا بابا
               ____________________
ذهبت تهاني كما الإتفاق لشريف
شريف : يااااه أخيرا يا تهاني بحلم باللحظه دي من زمان
تهاني : وأنا وفيت بوعدي أهو
شريف : مش قادر أوصفلك فرحتي بيكي قد إيه
تهاني : يلا إحنا هنقضيها كلام وألا إيه أنا مش عاوزة أتأخر
شريف : دا أنا مستعجل أكتر منك يا جميل
ويدخل الإثنان لتلبيه نداء شهواتهم الدنيا غافلين عن عقاب الأخرة
وبعد وقت من الزمن ترتدي تهاني ثيابها وشريف ممدد علي السرير
شريف : ياااه يابت يا تهاني أنا بحسد الواد سامح ده
تهاني : ههههههههه عينك
شريف : لازم نتقابل تاني
تهاني : كله بحسابه يا شيري
شريف : عيوني ليكي يا ملبن
            ______________________
في المساء
في المستشفي
ذهب الجميع وبقيت فردوس بجوار إبنتها
فردوس : هتقعدي عندنا لحد ماتربعني
صفاء بتوتر : أنا آسفه يا ماما أنا هروح شقتي
فردوس : نعم ومين اللي هيخدمك يا بنتي أنتي لسه والده
صفاء : أنا متأكده أن مفيش حد هيأثر معايا في حاجه دي ماما أشجان في الحمل كانت خايفه علي أكتر من نفسي ومش بتخلليني أعمل حاجه خالص وعزة مسبتنيش برده
فردوس : ماشي يا بنتي بس يقولوا إيه وأنتي مروحه عندهم بعد الولاده
صفاء :لا ما هي ماما أشجان اللي طلبت مني أروح عندهم
فردوس : ماشي يا بنتي أهم حاجه تكوني مستريحه وأنا شايفاهم بيتعاملوا معاكي كويس
صفاء: جدا يا ماما متتخيليش بيعملوا معايا إيه
فردوس : مفيش جديد عن عزة ويوسف
صفاء : سبيهم يا ماما ياخدوا وقتهم بس اللي شايفاه أن عزة مياله ليوسف بس بتكابر
فردوس : ربنا يهديلكم الحال
             ______________________
تعود تهاني إلي البيت لتسمع حديث يدور بين مها ونجاة
مها : يعني الهانم سايبالك المواعين تغسليها وهي بتلف
نجاة : معلشي يا بنتي راحت تشوف أمها
مها : أنا حاسه أنها بتشغلك زيك  زيها
نجاة : يا بنتي إيد علي إيد بتساعد
لتتوعد تهاني بداخلها لمها وتصعد إلي شقتها
لتجد سامح ينتظرها
سامح : كنتي فين كل ده يا توتو
تهاني : مش هقولك
سامح : ليه بقي     
تهاني : عشان دي مفاجأة
سامح : خير يارب
تهاني : كنت عند الدكتور وقال كلها ٨ شهور ويشرف ولي العهد
سامح : بجد الف مبروك يا وش الخير
تهاتي : الله يبارك فيك يا حبي
بس فيه حاجه كده
سامح : ايه في ايه
تهاني : الدكتور بيقول لازمني راحه الأيام دي وأنام علي ظهرى معظم الوقت فأنا بقول أروح عند ماما
سامح : وتبعدي عني
تهاني : عشان محدش يضايق
سامح : متقوليش كده دول بيحبوكي أوي
تهاني : ربنا يعلم وأنا كمان
              ____________________
يوم السبوع
تعم البهجه والسعاده البيت من أول اليوم فاليوم سبوع أول أحفادهم
يدق الجرس لتذهب عزة لتفتح وتتلقي حقيبه كبيرة وتغلق الباب وتدخل الحقيبه إلي غرفتها
أشجان : دي إيه يا عزة
عزة : لا أبدا يا ماما دي أمانه
بعد قليل تحضر ريهام ومعها بعض الأكياس لتدخلها عزة أيضا غرفتها 
يوم جميل وفرح من القلب لينتهي السبوع وينصرف المهنئين ولم يتبقي إلا الأسرة حيث أن صفاء تقيم في غرفة عصام القديمه حتي تستطيع أن ترعاها أشجان ليلا ويساعدوها في الطفل
تحمل عزة الصغير وتضعه علي الأرض
عزة : تعالي يا ميرو أوريك حاجه
وتتركه لتدخل غرفتها
أشجان : يا مجنونه بترمي الواد عالأرض وتسيبيه
عزة : محدش يحركه ثانيه وجايه لتخرج أولا بالحقيبة الكبيرة وتتركها بجوارة لتدخل وتأتي بالأكياس
وتجلس بجاور الطفل وتبدأ في فتح الحقيبه وسط إندهاش الجميع
عزة : تعالي بقي يا سي سمير أتفرج دي هديه خالو يوسف لتخرج من الحقيبه ملابس تكفيه إلي سن  سنتان وبعدها تفتح الأكياس لتقول : ودي هدية عمتو ليجدو ببرونات وشامبو وزيوت وألعاب
عزة : ها إيه رأيك يا سي سمير ليأخذها كل من عصام وصفاء بأحضانهم فرحين بها
             ______________________
سهير : يا محمود مش هتروح تجيب مراتك دي قربت عالشهرين
محمود : لما تبقي كويسه هجيبها
سهير : هتجيبها والبت في المدرسه والا إيه
محمود : حاضر يا ماما
وهو بداخل يفكر أنه يعيش فترة راحه بدونها لماذا تصمم والدته علي تعكير صفوه
             _____________________
حل الليل بسكونه ليعطي كل فرد وحي لنسج أفكارة الخيرة أو الشريرة فهي طبيعة البشر
تهاني تجلس بجوار سامح وأمامه طبق يحتوي علي التبغ ومخدر الحشيش
تهاني تتحدث بدلع : بقولك ايه يا موحه
سامح : خير يا توتو
تهاني : أنا بقول كفايه علي مروة كده يعتني اللي واخدين كليات عملوا إيه
سامح : بس هي نفسها تكمل
تهاني : يا حبيبي إحنا داخلين علي مسؤوليه ومصاريف ووولاده ودكاترة إحنا أولي بكل قرش وكفايه عليك شيل هم لحد كده عجبك شكلك كده وأنت دايما مهموم وشايل الهم كده وبرضو براحتك أنا بقول رأيي بس
سامح : تصدقي فعلا عندك حق
تهاني تحدث نفسها : الدور عليكي يا ست مها
                ______________________
عند عزة في غرفتها تجلس مع ريهام
عزة : تعالي قضي كل يوم معايا طول اليوم
ريهام : لا طبعا مش هينفع
عزة : أنتي ناويه علي إيه
ريهام : هشتغل أهي حاجه أضيع فيها وقتي لحد الدراسه ما تبدأ
عزة : فكرة حلوة بحييكي عليها
ثم تفكر قليلا تعرفي لو بابا يوافق كنت أنا كمان طلعت أشتغلت معاكي
ريهام : بابا برده والا سي يوسف
عزة : ويوسف دخله إيه في الكلام ده
ريهام : آه ما أنا بقول كده برده
                __________________
تهاني تجلس علي الأريكه أمام التلفاز ونجاه تعد الطعام ومروة تقوم بتنظيف المنزل
تهاني : مروة هاتيلي أشرب
تنظر لها مروة بضيق وتدخل إلي المطبخ
مروة : خدامين أبوها إحنا
نجاة : معلشي يا بنتي حامل جديد والحمل تاعبها
تأخذ مروة المياة وهي تردد في سرها : بالسم الهاري
                 ___________________
وجدت ريهام إعلا علي وسائل التواصل الإجتماعي مطلوب سكرتي،ة لشركه كبري تواصلت معهم وأخذت ميعاد للمقابلة الشخصيه وذهبت في الميعاد وكلها أمل أن تقبل ملأت استمارة البيانات وانتظرت
يدخل المير بهيبته المعروفه
المدير: أسماء المتقدمين جاهزين
أسماء : أيوه يا فندم
المدير : دخليهم عشان معنديش وقت
أسماء : أوامرك يا فندم
يتوالي الدخول ولا يجد هويته  بينما القلق والتوتر يخيم علي ريهام حيث أنها فكرت أكثر من مرة في الإنسحاب
جاء دورها فوقفت متردده تفرك في يديها تجلس أمام المدير
المدير : اتفضلي عرفي نفسك ليرفع عينه ليتفاجأ
ريهام : أنت ؟!!
- يا تري مين صاحب المقابله
- تهاني مخططه إيه لمها
- هل نجاة هتوافق علي ايقاف تعليم مروة
- ما نتيجه كل من وليد محمد عزة وريهام وصفاء
كل ده البارت القادم.
💝💝مع تمنياتي بقراءة ممتعه💝💝