الضائعه

البارت الرابع والثلاثون

يوسف وأعينه تملأها الشوق والهيام الحنين مشاعر مختلفه تكاد عيناه تنطق بها : وحشتيني
عزة بفرحة من وجد ضالته : رجعت إمته
يوسف  :وحشتيني
عزة : يوسف
ليفيق يوسف من هيامه ليفتح لها باب السيارة لكي تركب
عزة : الله دي العربيه اللي كان نفسي فيها حتي نفس اللون
يوسف : أركبي أنا عندي كلام كتير عاوز أقولهولك
لتقف ريهام في الطرف الآخر تنظر إليها بفرحه لتقول : نسيتني المجنونه
لتتجه بنظرها إلي مراد لتجده يقف مبتسما متأثرا بالموقف
ريهام لنفسها : دا طلع بيعرف يضحك أهو
مراد : يالا يا ريهام رايه الشركه
ريهام : آه
مراد : تعالي معايا أوصلك
ريهام : ما هو ....ما هو
مراد : تعالي متخافيش معايا سواق
لتذهب معه ويوصلها الشركة معه وسط إندهاش الجميع وهمهمات من الموظفين
                  ___________________
عزة : جيت إمته يا جو
يوسف : من ساعه كنت عاوز تبقي أول حاجه أشوفها
عزة : مقولتليش ليه قلقتني عليك الكام يوم اللي فاتو
يوسف : بجد قلقتي علي
عزة : اه
يوسف : بركاتك يا غربه
بقولك إيه أنا النهاردة هاجي أفاتح عمي في موضوعنا
عزة بإندهاش : موضوعنا هو إحنا لينا موضوع
يوسف : آه موضوع الخطوبه
عزة : بس أنا يا يوسف لسه مش مستعده
يوسف يوقف السيارة فجأة لترتعب عزة
عزة بإنفعال : يوسف إيه مالك
يوسف يأخذ نفس عميق ويضرب المقود بيده : لا مفيش يا عزة إنتي مش مستعده صح ممكن أعرف بقي يعني إيه مش مستعدة ومش مستعدة لايه
عزة : مش مستعدة للإرتباط الوقتي
يوسف : تمام براحتك يا عزة أنا كده شبعت ذل
عزة : ذل
يوسف : آه ذل بقالي سنتين بتذللك وبقول براحتها إنما الظاهر إن ده كان بيرضي غرورك بس خلليكي عايشه جوة دايرة الماضي أوعي تطلعي منها خلليكي إجرحي في اللي حواليكي بجد أنا بندم علي كل لحظه حلمت أننا نتقابل بندم علي كل لحظه حب ليكي أنا هنساكي ومن النهاردة إحنا ولاد عم وبس
ليدير المحرك مرة أخرى وينطلق بالسيارة
           ___________________
لتدخل عزة إلي المنزل طافيه الوجه يخيم عليها الحزن تدخل علي غرفتها لتغلقها وتبكي ما هذا الذي يحدث معي لا يوسف مازال بدبي وكان كل ما مضي كابوس
ليعلن الهاتف عن وجود إتصال
ريهام بمرح : آه ليكي حق تنسيني في الشارع وتروحي مع حبيب القلب
لارد سوا شهقات عزة التي لا تستطيع إخمادها
ريهام : مالك يا عزة
عزة : خلاص كل حاجه راحت يوسف ضاع من إيدي بغباوتي وكبريائي كنت محتجاه يطمني سابني وجرحني فكرني بالماضي
ريهام : إهدي بس يا عزة وفهميني
عزة : فاتحني في الإرتباط قلتله لسه مش مستعدة زعل وسابني وقاللي كل حاجه خلاص أنا قلبي واجعني أوي خلاص يوسف راح
ريهام : طب إنتي ليه قولتيله كده
عزة : كنت محتجاه يطمني يأكدلي أنه متمسك بيا مش هايسبني تحت أي ضغط بس للأسف سابني
ريهام : أنتي بتحبيه
عزة : أنا معرفتش يعني إيه حب إلا لما عرفته لما حبيته أتأكدت إن حبي لمحمود ده كان إنبهار وهم مش حب نهائي مش متخيلة إني ممكن أعيش من غيرة أنا قلبي واجعني أوى ياريهام مش قادرة
ريهام : إهدي يا قلبي بكرة يرجعلك
عزة : كده خلاص مش هيرجع خلاص دا بيقول أننا ذليته تخيلي
ريهام : طب بس اهدي وربنا هيحلها
عزة : يارب
لتغلق عزة معها الخط وتتوضأ وتصلي وتدعو ربها في كل سجدة بأن يكون يوسف من نصيبها حتي غفت مكانها
                 _____________________
أما عن يوسف فكانت حالته لا تقل عن عزة فمحبوبته التي حلم بلقائها رفضته ورفضت حبه ليدخل علي غرفته وسط نداءات والدته ولكنه لا يرد يدخل ويغلق الباب ويرتمي علي السرير ليدخل في نوم أشبه بالغيبوبة
                ____________________
تفكر ريهام في حال صديقتها وحزنت لحزنها كثيرا ولكن ماذا تفعل لتجد الحل فتقوم في الحال إلي مكتب مراد
مراد : خير يا ريهام
ريهام : لو سمحت ممكن رقم يوسف
ليتخللي هو عن جمود تعبيرات وجهه ليحل محلها الدهشه : نعمممممممم
ريهام : عاوزة رقم يوسف
مراد : ليه
ريهام : حاجه شخصيه
ليخرج لها الرقم غاضبا لتأخذه منه بفرحه وتخرج لتقوم بالإتصال بيوسف ولكن لا رد تعاود الإتصال بإلحاح حتي رد عليها
يوسف : ألو
ريهام : أستاذ يوسف
يوسف : أيوه مين
ريهام : أنا ريهام صاحبه عزة
يوسف : خير
ريهام : أنا بعتالك حاجه عالوتس ممكن تسمعها
يوسف : تمام
نعم إنها أرسلت له بتسجيل المكالمه لها مع عزة
وأكدت عليه عدم معرفة عزة لكي لا تقتلها لبسمعها يوسف بقلبه ويفرح جدا ويرسل رسالة شكر لريهام مع التأكيد بعدم معرفة عزة
لتفرح ريهام بأنها أستطاعت أن تجمع القلبين مرة أخري
                _______________________
نجاة تحلم بأنها تجلس في أرض خضراء شاسعه وتجلس بجوارها مها ومعها ولد وبنت في أبهي صورهم
وفي الناحيه الأخري تري إبنا سامح  ومعه ولد وبنت  ولكنهم يمشون علي جمرات وتهاني تسير خلفه بكرباج ولكنها في النهايه تسقط في حفرة في وسط الجمرات بها نار مشتعلة
                ______________________
عند تهاني
تهاني : ألو ياروحي
سعد : وحشتيني
تهاني : أنت أكتر ياروحي
سعد : موحشتكيش الشقه
تهاني : وحشني صاحب الشقه
سعد : وصاحب الشقه محضرلك مفاجأة جامدة
تهاني : وياتري إيه هي
سعد : دي مفاجأة يا روحي
تهاني: يومين بس كده وتلاقيني قدامك
سعد : ياااه لسه هستني يومين
تهاني : معلشي يا روحي جوزى قافل علي أوى الأيام دي
سعد : ربنا يخلصك منه
تهاني : يارب
       ________________________
تهاني : بقولك إيه يا ماما متخللي دنيا تيجي تنضفلي الشقه
سهير : ما تقولي لليلي مرات أخوكي تيجي تساعدك
تهاني : تبقي هي بس تنضف شقتها والا تنضف بنتها
سهير : آه والنبي يا بنتي دي طلعت مقلب ومهما أكلم أمها مفيش فايده واللي مسكتني إن أخوكي مش طايقها فهو علي تكه
تهاني : مش طايقها عشان لسه بيفكر في السنيورة
سهير : عاوزة الحق هي برقبتها بس خلاص بقي بينا ولاد
تهاني : هههههه هو أنتي متعرفيش
سهير : ايه
تهاني : ليلي حامل
سهير وهي تخبط علي صدرها : يالهوي دي بنتها لسه مكملتشي حاجه هي عارفه تلاحق عالبت لما تجيب كمان
           _______________________
شمس جديدة بأمل جديد بفرحه علي البعض وألم علي الآخر
ريهام : الو ...إنتي فين
عزة : لسه في الشقه مليش مزاج أنزل النهاردة
ريهام بإندفاع : ليه لازم تيجي
عزة : ليه
ريهام : أولا فيه محاضرات مهمة عندنا وثانيا محتاجه أحكيلك حاجه مهمه جدا وأنتي عارفه إني بروح علي الشركة علي طول مش هلحق أعدي عليكي
عزة : تمام انا جايه سلام
ريهام : سلام يا قلبي
                _________________
مروة : صباح الفل يا ست الكل
نجاة : صباح الخير يا حبيبتي
مروة : مالك يا ماما وشك دبلان ليه
نجاة : قلبي واكلني علي أخوكي أوي
مروة : بعد كل اللي فينا يا ماما
نجاة : بس هيفضل إبني يامروة والبت دي شكلها ضحكة عليه أوي
مروة : مهواش صغير يا ماما
نجاة : أنا عارفه إنك زعلانه منه بس بكرة ربنا يظهر الحق ويعرف كل حاجه بس يارب تبقي قبل فوات الأوان
             _______________________
أشكيك لمين وأنت الحبيب
وأقرب لي من أقرب قريب
أي إنسان مهما كان بعدك غريب
أنا أداري دموعي وأضحك لك
أنا دمعي عزيز ويرخصلك
                            نزار قباني
التقيا الصديقتان في الجامعه
عزة : خير يا روكا فيه إيه
ريهام : تعالي بس نحضر المحاضرات وبعدين نخرج نقعد في الكافيه اللي جنب الجامعه نشرب حاجه وأحكيلك
عزة : والله شكلك بتشتغليني
تخل كل من الفتاتان المحاضرة كل منهم في واد فغزة كان تركيزها في حبيبها الذي هجرها إلي الأبد وريهام كان تركيزها كيف تلم شمل الحبيبان
أنتهت المحاضرات التي لم تفهم منها عزة شئ
عزة : بقولك إيه يا ريهام خللي الكافيه ده يوم تاني واحكيلي هنا
ريهام : بس أنا عاوزة أشرب حاجه
عزة : مالك يا روكا شكلك فيكي حاجه النهاردة غريبه
ريهام : يا بنتي أنا بغني في إيه من الصبح بقولك عاوزاكي
عزة : طب يالا بينا
لتخرج كل من الفتاتان وتدخلا الكافيه ويجلسا
عزة : كلي آذان صاغيه
ريهام : بصي أنا هروح الحمام وراجعه
عزة : الله أما أطولك يا روح روحي ياروكا
لتذهب ريهام وفجأة تتغير ألوان الإضاءة في الكافيه مع موسيقي هادئه ويخرج لها يوسف يحمل باقه كبيره من الورود منسقه في منظر بديع
لينحني علي ركبته : تقبلي حبي يا أميرتي
لتهز رأسها إيجابا ويسفق كل من في الكافيه علي العاشقان لتخرج ريهام والدموع بعينها والفرحة تملأ وجهها علي لم شملهما
_ياتري هتكمل جوازة يوسف وعزة
_ وإيه الهديه اللي محضرها سعد
_ليلي هتفضل علي موقفها وألا هتتغير عشان خاطر جوزها
_سامح هيرجع لعيلته والا هيفضل ورا تهاني
كل ده مع أحداث جديدة في البارت القادم
🌺🌺مع تمنياتي بقراءة ممتعة 🌺🌺