الضائعه

البارت السادس والأربعون

تنزل ريهام الدرج تبدو عليها السعادة
ريهام : أهلا يا زوزة وحشتيني
لتأخذها بين أحضانها
عزة : وحشتيني ياروكا ألف مبروك يا قلبي
ريهام : الله يبارك فيكي يا قلبي عقبالك
عزة : بس إيه ده إحلويتي يا روكا
ريهام تأخذها من يديها : تعالي معايا ندخل نقعد جوا براحتنا
يوسف : إلحق يا معلم دا خدوا بعض وبعدوا انت إيه مش واخد بالك
مراد : وإيه المشكلة خلليهم براحتهم
يوسف بمرح : يعني رفعت راسنا
مراد بمرح : ولد عيب عليك رفعتها للسما
ليضحك الإثنان
______________________
دنيا : تيته عاوزة غيار للوكا
سهير : أستني هطلع أجيبلك من فوق أهو
تهاني : بت يا دنيا أطلعي شطبيلي الحوض فوق عشان تعبانه شويه
دنيا : مش فاضية
تهاني : وراكي إيه يعني
دنيا : معايا ملك وبعمل أكل لبابا وأخواتي
تهاني : طب ما تخللي أمك ترجع وتشيل هيا بدال مرمطك دي
دنيا : طب ما تطلعي أنتي تشطبي مطبخك
تهاني بعصبية : أنتي قليلة الأدب غورى يالا من هنا
دنيا : انا مش قليلة الأدب علي فكرة وبعدين أنا مش نازلة أشحت منكم
تهاني : يعني هتجبيه من بعيد ما أنتي حربايه زي أمك
دنيا : أني زي ماما دا شئ يشرفني وماما مش حربايه
الحرباية هي اللي توقع الناس فى بعضها
تهاني : أنتي بتلقحي علي يابت
دنيا : مش بلقح علي حد اللي علي راسه بطحه بقي
لتأتي سهير من الداخل علي صوتهم
سهير : مالك يا تهاني صوتك عالي ليه
تهاني : أتفرجي علي بنت إبنك بتكلمني أزاي ما صحيح العقربة هتخلف إيه
دنيا : لو سمحتي ملكيش دعوة بماما .........انا لحد ألوقتي محترمة أنك عمتي
سهير : يعني هتعملي إيه يا دنيا يا متربية
دنيا : تيته هاتي لبس ملك خلليني أطلع
تهاني : يالا يابت غورى مفيش زفت لما أبوها ييجي
دنيا وقد إختنق صوتها بالبكاء : علي فكرة انتي وحشة أوى
تهاني تخلع حذائها وتذهب بإتجاهها : واللي لأربيكي من أول وجديد يا تربية العقارب
وفي هذه اللحظة يدخل وليد الذي يصعب عليه رعب إبنة أخيه ووالدته تمسك بتهاني خوفا من أن تضرب دنيا
وليد بعصبية : إيه ده أنتي أتجننتي يا تهاني عاوزة تمدي إيدك علي بنت أخوكي
سهير : ما هي قليلة الأدب يا بني بتبجح في عمتها
وليد : ليه يا دنيا
دنيا من بين شهقاتها : والله يا عمو هي اللي بتغلط في ماما وبتقول عليها حربايه
وليد بغضب : ليه كده يا تهاني دي جزاءها أنها قاعدة مع مرات أخوكي وسايبه بيتها وعيالها تقوموا انتوا تبهدلوا بنتها كده
تهاني : يا أختي يا نحنوح قلبك طيب قوى
وليد : أحسن ما يكون قلبي أسود وحقود وبكره كل اللي حواليا
سهير : أخص عليك يا وليد بتكلم أختك ليه كده كلكم جايين عليها ليه
لتجلس تهاني تبكي دموع التماسيح وتمسك بطنها تتألم
سهير : كده يا بني ....عجبك كده يا ست دنيا كلكم بتكرهوها ....تذهب وتأخذ تهاني في حضنها ......يالا يا دنيا أطلعي كتر خيرك عاللي عملتيه في عمتك
وليد بعصبية : مش دنيا اللي عملت أنتوا اللي بتعملوا عارفين الحق فين وماشيين ورا الباطل
ليأخذ دنيا بين أحضانه تعالي يا دنيا يا حبيبتي أطلعي متزعليش
دنيا من بين شهقاتها : والله يا عمو ما عملت حاجة
وليد : عارف يا دنيا
______________________
تدخل دنيا تبكي ليقلق زياد عليها
زياد : مالك يا دنيا
لتقص عليه دنيا ما حدث لها
زياد : معلشي يا دنيا متزعليش قولي لبابا وهو يتصرف معاها
دنيا : لا يا زياد متقولشي لبابا عشان محصلشي مشكلة
لتجد أبيها يخرج من إحدي الغرف لتشهق فهي لا تعلم بعودة أبيها
أحمد بإندهاش: بتعيطي ليه يا دنيا ومش عاوزة تعرفيني إيه
دنيا بتردد : أصل يا بابا ......أصل أنا
ذياد : دنيا كانت نازلة تجيب غيارات لملك وعمتو شتمتها وشتمت ماما كمان
أحمد بغضب : هي حصلت لكده ..........لا كده كتير
دنيا : خلاص يا بابا محصلشي حاجه عمو وليد زعق لها
ولكن أحمد لم ينتبه إليها ونزل مسرعا لشقة والدته ليجد بابها مفتوح وتهاني تبكي في حضن والدتها وسهير تهدئ فيها
أحمد بنرفزة : دموع التماسيح دي مش عليا يا تهاني
ولادي خط أحمر أنتي فاهمه
سهير : أنت داخل زي القطر كده ليه كلكم دلوقتي جايين عليها بدال ما تضرب مقصوفة الرقبه بنتك
أحمد : بنتي مش مقصوفة الرقبه وهي مغلطتشي في حاجه لكم وبنتك ملهاش دعوة بعيالي عشان مزعلهاش
سهير : يالا يابني الله يسهلك كلكم عليها ما هي طول عمرها غلبانه ملهاش حظ حتي في عيالها
_______________________
تمر الأيام سريعا والكل منشغل بحاله فمنهم من بدأ دراسة الترم الثاني والبعض ينتظر علي احر من الحمر مرور الأيام حتي يتم الشفاء ومنهم من تغير لإرضاء حبيبه فلقد أصبح مراد مرحا كما انه بدأ يطرب آذان حبيبته بأرق كلمات الغزل فقد عمل بنصيحتها وأصبح يقول ما في قلبه كل همه أن يراها سعيدة
أما عن يوسف وعزة فقد تحسنت علاقتهم كثيرا
أما عن تهاني فكان يأكلها الحقد والغضب من تجمع أخوتها سويا وتجمع نورا مع ليلي مع علمها التام بإنكشاف ملعوبها ولكن البجاحه عنوانها
____________________
نورا برعب وقلق : الو
محمود : ألو .....أيوه يا أم زياد فيه حاجه
نورا بقلق : أيوة ليلي دخلوها العمليات هتولد ألوقتي أنا خايفة أوي
محمود بلهفه : أنا جاي حالا
نورا : خللي بالك من نفسك وهات أحمد معاك ومحمد ....وليد معاها جوه
محمود : طيب طيب مسافة السكه لو حصل حاجة كلميني
نورا : حاضر
ثلاث ساعات تمر تدمر أعصابهم فليلي في العمليات ومعها وليد والجميع بالخارج يحترقون قلقا عليها الجميع يدعو الله أن ينجيها هي ووليدها
أنا عن محمود فهو يدعو الله من قلبه أن تنجو ليمر من أمامه شريط حياته من حبه لعزة و تركه لها وزواجه من ليلي وأيام عاشها معها كأنه أعمي الاعين نعم فهو تذكر أيام كان يبدو عليها الإرهاق والتعب وهو يتجاهل مرضها ويتهمها دائما بالاهمال فكم من مرة جرحها وكم من مرة أحرجها أمام الجميع لتنزل دموعه كشلالات ندم علي ما أقترفه في حقها نعم هو المذنب الأول وليس تهاني تزوجها إرضاء لوالدته عاش معها كرها وبالنهاية تقطن خلف باب العمليات لا يعلم عنها شئ
يفتح باب العمليات لتخرج ليلي مسرعين بها لتدخل الرعايه لتندب أمها علي إبنتها التي في ريعان شبابها ليطمئنهم وليد أنه إجراء روتيني نظرا لحالتها ومكوثها بالعمليات فترة طويله
______________________
تهاني : عاوزة فلوس يا سامح
سامح وهو ينفخ سيجارة محشوة بالسم المسمي حشيش : ليه يا تهاني
تهاني : هو إيه اللي ليه عاوزة أجيب لبس للعيال دي عشان قربت أولد
سامح : لما تولدي مفيش معايا ألوقتي
تهاني بغضب : فين فلوس الورشه وبعدين معكشي فلوس تجيب لبس لعيالك ومعاك فلوس للسم الهاري ده
سامح بغضب وصوت عالي : آه عارفه ليه عشان عاوز أنسي أن أمي ماتت وأنا بعيد عنها وأختي راميها عند جوز أختها وعايش مع مراتي في بيت أهلها
تهاني : والله وطلعلك حس يا سامح الوقتي
مطلعلكشي ليه لما أختك سقطتني والا جوز أختك طردنا وامك واللي عملته فينا
سامح : أهي ماتت
تهاني : الله يرحمها يا حبيبي
________________________
سها : فين الشاي يا نعيمه
نعيمه : أهو الشاي ...تهاني رنت عليكي كتير مش عاوزة تردي عليها ليه
سها : مليش مزاج
نعيمه : اللي يشوفك كده ميشوفكيش وأنتي بتتحايلي عليها تسامحك
سها : عادي هي اللي علمتني كده كل حاجه أعملها بمزاجي
نعيمة : هي تهاني علمتك كل حاجه
سها : آه شفتي علمتني كل حاجه وأنا في الآخر اللي علمت عليها
نعيمه بإندهاش : علمتي عليها !!!!! إزاي
سها: أنا اللي صورتهم وهما خارجين من نفس الشقه وبلغت مرات سعد لا مش كده وبس علمتها تعمل إيه عشان ترجع جوزها لحضنها ورجع ورمي تهاني زي الكلبة زي ما هي خلت شريف يرميني زي الكلبه
- سها ناويه علي إيه مع تهاني
- ليلي هتطلع من الرعايه والا هتموت
- ريهام هتكمل في الشركه مع مراد والا ايه
كل ده في البارت القادم.
💞💞قراءة ممتعة💞💞