الضائعه

البارت السابع والخمسون والأخير

جنة : بصراخ وعويل : يالهوي يالهوي هعمل إيه إلوقتي
تامر : إهدي بس إهدي
جنة : أهدي إيه وزفت إيه أنت ودتني في مصيبه
تامر :لا مصيبه ولا حاجه هتجوزك
جنة : هتتجوزني
تامر : عرفي يا روحي أصل بصراحه بعد اللي حصل بينا ده مقدرشي أستغني عنك أبدا
جنة : ماما لو عرفت هتقتلني
تامر : يا حبي متقلقيش هتجوزك عرفي علي ما أقف علي رجلي ونتجوز قدام الكل ومحدش يبقي ليه عندنا حاجه
جنة : بجد يا تامر
تامر : بجد يا قلب تامر من جوه
________________________
زياد: ماما أنا جعان
نورا : خمس دقايق يا روحي والأكل يكون جاهز
زياد : كنت عاوز أحكيلك علي حاجه
نورا : خير
زياد : إمبارح وأنا داخل عند صاحبي شفت جنة بنت عمتي خارجه مع واحد شكله كده مش مظبوط
نورا : ربنا يهديها
زياد : بفكر أقول لشادي
نورا : لا يا زياد انا هامح لعمتك كده من بعيد
زياد : اللي تشوفيه ......المهم أنا جعان
نورا : حاضر يا حبيبي خمس دقايق
_____________________
تامر : ألو
جنة : ألو
تامر : فينك يا جوجو
جنة : في البيت
تامر : تعالي بقي
جنة : ليه بقي
تامر : واحد عاوز مراته يبقي ليه
جنة : حاضر هزوغ من ماما وأجيلك
__________________
تامر : الحاجة جاهزة
هشام : كله جاهز يا كبير
تامر : والكاميرات
مازن : متظبطه
تامر : تمام كده عاوزها حفلة .....مين فيكم هيبدأ
هشام : أكيد أنت
تامر :ههههههه أنا قصدي بعدي يا بني
هشام : أنا يا تيمو والله نفسي فيها من زمان
تامر : هههه وأنا مينفعشي أخلي في نفسكم حاجه انتوا أصحابي
ليسمعوا جرس الباب
تامر يذهب ويفتح الباب : أهلا يا روحي
ويأخذها يعتصرها بين أحضانه
لتتفاجأ بوجود هشام ومازن
جنة : إيه ده هو فيه حد معاك
تامر : متقلقيش دول أصحابي يالا بينا
جنة : طب أزاي
هشام : أعتبرينا مش موجودين أتفضلوا خدوا راحتكم وإحنا شويه ونازلين
ليأخذ تامر جنة إلي الغرفة لترتكب معه الرزيلة تحت مسمي الزواج العرفي الذي لا أساس له
وبعد مضي بعض الوقت
جنة وهي تغطي نفسها بالملاية : صحابك مشيوا والا لسه عاوزه أروح الحمام
تامر يرتدي ملابسه : ثواني هشوفهم
ليخرج تامر وفجأة يدخل هشام لتصرخ جنة مناديه علي تامر ليأتي إليها
تامر : بتصوتي ليه
جنة : صاحبه دخل علي
تامر : وإيه المشكله نفسه يدوق
جنة بغضب : أنت مجنون
تامر : أحترمي نفسك يا بت أنتي .......أنتي هتعمليهم عليا
جنة بغضب وهي تنهض : غوروا خللوني أغور من هنا
ليجلس تامر يضع قدما فوق الأخري ليتكلم ببرود : تمام أخرجي بس هتلاقي أدائك الرائع عالسرير هنا مبعوت في فيديو جميل لأمك المحترمه
جنة بصدمه : إيه دا أنا مراتك
تامر : ههههه أثبتي
ليقف يواجهها وهي تبكي : أنتي مش أكتر من واحده أتمتعت معاها فترة بس يوم ما أتجوز عمري ما أبصلك
جنة وقد دخلت في هيستريا من الصدمه وبدأت تضرب فيه : أنت سافل وحقير وزبالة
تامر وهو يمسك يدها ويواجهها ثم يرميها عالسرير: خلصي عشان متتأخريش
ثم يتوجه بنظره إلي هشام: عاوزك ترفع راسي
هشام وهو ينظر لها بشهوانيه : متقلقشي يا كبير
______________________
ريهام : حبيبة مامي يا ناس
كندا : روح قلب كوكو
ريهام : إيه رأيك نسيب فرقة الرعب دي ونروح لطنط عزة
كندا : يا ريت يا مامي دي وحشاني موووت
مراد يأتي من ورائهم : مين ده اللي واحشكم غيري
ويقبل كل من ريهام وكندا
كندا : طنط عزة يا بابي
مراد : أممممم عندي ليكم مفاجأة
ريهام : قول يا روحي
مراد : أتفقت مع يوسف هنقضي كلنا أسبوع في السخنة بعد العيد
ريهام : أحلي دودي ده والا إيه
كندا: إيه ده يا بابي العيد لسه عليه شهرين
ريهام : ههههه أحمدي ربنا يا كوكو دي أقل حاجه عند بابا وعمو يوسف
__________________________
تامر : ألو
جنة : ألو
تامر بغضب : مش بتردي عالفون ليه
جنة : تامر سيبني في حالي بقي
تامر : ليه يا حلوة مقدرشي أستغني
جنة : بقولك إيه أنا بقيت قرفانه من نفسي
تامر : نص ساعه والاقيكي قدامي لو مجتيش بعد ساعة هتلاقي فيديوهاتك الجميلة منشورة فيلم ثقافي علي جميع المواقع ها رأيك إيه
جنة : خلاص ...خلاص جاية
تامر : أيوة كده يا حلوة
______________________
دنيا : وحشاني موووت يا ماما فرحانه أوي إني هقضي معاكي النهاردة
نورا : بجد وأنا كمان يا روحي عاملة إيه في الحمل
دنيا : الحمد لله تمام
ليدخل زياد : أهلا أم كلالا
دنيا : ماشي يا أستاذ زياد
ليجلس زياد بتنهيده وشرود
نورا : مالك يا حبيبي
زياد : أبدا يا ماما بس الموضوع اللي حكتلك عليه أتكرر أكتر من مرة يا ماما
دنيا : فيه إيه يا ماما
زياد : بشوف بنت عمتك خارجه من عمارة عند صاحبي وبيقولوا شقه مشبوهه
دنيا : ربنا يسامحني يعني بس جنة دي نسخة من مامتها
نورا : عيب يا دنيا دي عمتك
دنيا : بجد أنتي مقتنعه
نورا : أنا هحاول أتكلم مع جنة
دنيا : والله هتوجعي في قلبك عالفاضي
___________________________
تهاني : بت يا جنة بقالك فترة مش عجباني
جنة وهو يبدو عليها التعب : مفيش يا ماما ولكنها تهرول لتفرغ ما في معدتها
تهاني : لا الموضوع ده مايسكتشي عليه تعالي أكشف عليكي
جنة : برعب : لا لا أنا كويسه
تهاني وهي تمسكها من يديها تهزها بعنف : فيكي إيه يا بت أنا مش مطمنه
جنة وهي تبكي : والنبي يا ماما متعملي فيا حاجه
تهاني وهي تخبط علي صدرها : يالهوي يا بنت الكلب مين اللي ضحك عليكي
جنة : تامر إبن طنط سها أتجوزني عرفي
تهاني : يا لهوي يا مصيبتي مش لاقية إلا إبن سها يا خيبة أملي فيكي ......أنا لازم أروح لسها أشوف حل للمصيبه دي
_______________________
سها ببرود : ماشي وأنتي عاوزة إيه ألوقتي
تهاني بغضب : يعني إيه اللي عاوزة إيه بقولك إبنك ضحك عالبت وأتجوزها عرفي والبت حامل
سها : وأنا مالي تنزله
تهاني : نعم.....تنزله إيه .....أنتي مجنونه
سها تجلس وتضع ساق فوق الأخري وتتحدث ببرود : يااااه يا تهاني الزمان بيعيد نفسه فاكرة زمان لما دفعتيني تمن لشريف عشان توصلي لسامح ولما جيت قولتلك إلحقيني أنا حامل قولتيلي إيه .......قولتيلي نزليه مفيش حد بياخد حاجه من واحدة غصب عنها
تهاني بمرار : يااااه أنتي لسه فاكرة .....دا أنتي شايلة بقي ومعبية
سها : ولا عمرى هنسي في حياتي
فاكرة لما بعتيني لشريف .....طب فاكرة لما كنتي بتخافي علي بنتك من إبني ودايما بتبصيله أنه إبن حرام ......طب وولادك دول ولاد حلال يعني
تهاني : بتردد ولادي معروفين ولاد مين يا سها ...ولاد سامح
سها : ههههههههه ضحكتيني سامح اللي مش بيخلف وأنتي نهيتي عليه لما عرف
تهاني تتفاجأ من كلماتها : ها
سها : أيوه سامح قابلني يوم ما عرف وكان زي الطير المدبوح وسألني وقاللي أنه هيقتلك بس لقيته تاني يوم هو اللي مات
وطبعا معروف أن الولاد يبقوا ولاد سعد بيه اللي أنا برده فتنت عليكوا وعرفت مراته وخلتها ترجعه لحضنها ولما كنتي هتموتي علي رقم سعد كلمته وعرفته أنك هتعملي عليه لعبه عشان كده صدك لما كلمتيه
وإلا تحبي أقولك بقي أن أبوكي مات بسببك لماشافك وسمعك مع حسام
وهنا تنتهي كل مقاومة تهاني فتجلس ودموعها علي خدها
ليدخل في هذه اللحظه تامر لينظر إلي تهاني نظرات إشمأزاز
تهاني تقف تمسك بيده تتوسل إليه : تامر يا حبيبي أستر علي بنتي دي حامل في إبنك
ينظر لها ويجلس : هههههههه حامل في مين ههههههه هي اللي قالتلك كده
تهاني : عشان خاطري والنبي وهعملك اللي أنت عاوزه
تامر : طب شوفي كده حاجه هتعجبك أوي
ليفتح الهاتف أمام عينها لتصعق من الصدمة وهو يقلب فيديوهات لإبنتها مع أكثر من شاب في أوضاع بذيئة
لتصرخ تهاني من المنظر
سها : بقولك إيه يا تهاني متصوتيش لنا هنا فال وحش يا حبيبتي
تامر يفتح لها الباب ويشير بيديه : مع السلامه يا أم جنه بس إيه بنتك فاقتك بمراحل هههههههه
لتخرج تهاني منكسرة تنظر إلي سها بحصرة لتلتقي الأعين في لقاء طويل يحمل عتاب سنوات مضت
__________________________
نورا : مالك يا جنة لونك مخطوف ليه
جنة بتوتر : أنا أبدا ممكن مرهقة شويه
نورا : حبيبتي كنت عاوزه أكلمك في موضوع
ليعلن هاتف جنه عن رسالة واردة لتفتحها تجدها من تامر : الفيديوهات عجبت مامتك أوي لقت أدائك فيها عالي
وبعدها أكثر من فيديو لجنه لتشهق جنة
نورا : مالك يا جنة
جنة : ماما هتقتلني
نورا : ليه يا حبيبتي عملتي إيه
في هذه اللحظه تدخل تهاني منهارة وصور إبنتها أمام عينها لتتذكر أمامها مشهد واحد يوم أن وقفت أمام أبيها عاريه أنها تتجرع من نفس الكأس بل تجني ما زرعت تحتار اتتستر علي إبنتها أم تفضح نفسها ويشمت بها الجميع تدخل المنزل نظرات طويله بينها وبين إبنتها
جنة : والنبي يا طنط هتموتني
نورا : فيه إيه بس فهموني
جنة : والله هو اللي هددني وقاللي أعمل كده
لتفاجأ جنة بصفعة علي وجهها توقعها أرضا لتتحول نظراتها إلي الشر وتقف بكل برود أمام تهاني تواجهها
جنة : أنتي بتضربيني ليه أنا تربيتك يا تهاني هانم والا أنتي فاكرة أن الناس متعرفشي عمايلك الوسخة لا الناس عارفه كل حاجه ماشيه البطال بتعرفي أكتر من راجل مع بعض واللي يدفع أكتر بقي يشيل
لتصرخ بها تهاني : أنا هقتلك وأشرب من دمك يا واطية
لتتجمع الناس حولهم ولكنهم في عالم آخر فقد أراد الله فضيحتها
جنة : ما أنتي واخدة عليها والا نسيتي عالعموم أنا تعليمك يا تهاني هانم
فاكرة زمان لما شفتك علي السرير مع شريف ومكنتشي أول مرة وفي اليوم ده عرفتك أني شفتك فاكرة في نفس اليوم جه سامح اللي عرف أنه مش بيخلف ولما سألك عننا سبتيه قدامك لما مات ودخلتيه والصبح صوتي عشان تبقي البريئه
تهاني : بصريخ : أخرصي أنتي كدابه
جنه : لا مش كدابه إحنا ولاد حرام ....لتدخل في هيستريا ......آه إحنا ولاد حرام
تحبي أقولك إيه تاني من بلاويكي اللي أتعلمتها ....آه إنك كنتي السبب في موت أبوكي لما شافك مع حسام
تهاني : إخرصي ...كفايه ....كفايه
جنة : لا مش كفايه ....أنا تربيتك أخويا طول عمره بيكرهك مسألتيش نفسك ليه
لتجري عليها تهاني تضربها : كفايه ....كفاية
ولكن لن ينتهي إنتقام الجبار عند هذا الحد ففي هذه الأثناء تصل فيديوهات جنة إلي أخيها في الورشه ليهرول إلي المنزل ليري التجمع فيشق الجميع حتي يصل إلي أخته ليقف أمامها لحظات
لحظات من السكون حرب بالنظرات فيخرج يده من جيبه بمطواة ليغرزها في بطن أخته ثم ينزعها ليغرزها في قلبها ثم ينزعها ليغرزها في مكانزآخر
صوات وعويل تهاني وقعت منهارة فالإنتقام كبير
أصوات من حولها إسعاف وبوليس وأناس تهمهم ومن يبكي وهي تضحك وتضحك لتهذي بكلمات غير مترابطه
ولادك راحوا يا سعد .....ههههه أنا أخدت البيت ...ً....هههههه قتلت سامح
لا شفقه من أحد الجميع ينظر لها كأنها جرثومة
دفنت جنة وتم القبض علي شادي وحولت تهاني إلي مستشفي الأمراض العقليه .وبعد أسبوع قام شادي بالإنتحار بعد إعترافه بتزوير أمه عقد البيع ليعود المنزل مرة أخري لأخواله ........
_________________________
يوم العيد في الصباح
نورا تدفع بكرسي سهير إلي الأمام : يالا يا ماما هيخلصوا الفته من غيرنا
لتخرج سهير بكرسيها علي أولادها الذين يملؤون الشقه مع زوجاتهم وأولادهم وقد عاد محمود إلي شقته مرة أخري ليعم الفرح والسرور علي البيت مرة أخري بعد خروج الشيطانه منه لتفرح سهير علي لمتهم وتلوم نفسها علي سيرها وراء تهاني
ليكون الخير دائما الفائز وعدالة الله تملأ وجوده
ليمهل عبده فرصه للتوبه
أتمني الرواية تكون نالت إعجابكم
وتابعوني فر روايتي الجديدة ( سمراء )