Chapter 130: နားလည်မှုလွဲခြင်း (၂)
...ဒါပေမယ့် သူမရဲ့ဗိုက်က တကယ်ကို နေလို့မကောင်းဘူး. . .
အကြိမ်ကြိမ်ထပ်ခါထပ်ခါ စဉ်းစားပြီးနောက် ဟော်ရှောင်းရှောင်း သတ္တိမွေးကာ မေးလိုက်သည်။ " ဖေဖေ၊ ဖေဖေ ဘာလို့ဆေးလိပ်သောက်နေတာလဲ?? စိတ်အခြေအနေ မကောင်းလို့လားဟင် "
" အင်း "
" ဖေဖေ ဘာလို့စိတ်အခြေအနေမကောင်းတာလဲ?? အလုပ်အဆင်မပြေလို့လား "
ဟော်ဆွေ့ချန်း အနည်းငယ် ထိတ်လန့်သွားသည်။ " ဖေဖေ အလုပ်အဆင်မပြေမှန်း မင်း ဘယ်လိုလုပ်သိလဲ "
" ဘိုးဘိုး ပြောတာ ကြားဖူးတာ " ဟော်ရှောင်းရှောင်းက သူ့အဖေကို နှစ်သိမ့်ပေးဖို့ ကြိုးစားသည်။ " ဖေဖေ၊ စိုးရိမ်စရာမလိုပါဘူး. . . သိပ်မကြာခင် အဆင်ပြေသွားလိမ့်မယ်၊ စိတ်မကောင်းမဖြစ်ပါနဲ့နော် "
ဟော်ဆွေ့ချန်းက သူမ၏ပါးလေးကို ညစ်လိုက်သည်။ " အင်း ဟုတ်ပြီ၊ ဖေဖေ့အကြောင်း မပြောကြရအောင်. . . မင်း ဘာလို့မအိပ်သေးတာလဲ "
ဟော်ရှောင်းရှောင်း နှုတ်ခမ်းဆူလိုက်ပြီး သူမရဲ့သောကကို သူမအဖေရဲ့ကရုဏာအဖြစ် ပြောင်းပေးနိုင်ဖို့ မျှော်လင့်ရင်း မျက်ရည်များ တွဲလွဲခိုနေသော မျက်လုံးများဖြင့် ဟော်ဆွေ့ချန်းကို ကြည့်လိုက်သည်။
" သမီး နေလို့မကောင်းဘူး "
ဟော်ဆွေ့ချန်း၏နှလုံးသားသည် အနက်ရှိုင်းဆုံးသို့ နစ်မြှုပ်သွား၏။
တကယ်ပင်။
သူတို့အမေကို မတွေးတဲ့ ကလေးဆိုတာ မရှိဘူး!
ဟော်ဆွေ့ချန်း ထိုအကြောင်းကို မည်သို့ပြောရမည်ကို မသိသည့်အတွက် သူမ၏အမေကို မဖော်ပြလိုပေ။
" ရှောင်းရှောင်း၊ ဒီနေ့ဘာကြောင့် ဒီလောက်ခံစားချက်မကောင်းတာလဲကို ဖေဖေ သိပါတယ်၊ ဒါပေမယ့် ဖေဖေ မင်းကို ပြောပြချင်— "
" ဖေဖေ၊ သိတယ်လား "
" ဒါပေါ့၊ ဖေဖေ သိတယ်။ ဖေဖေ့မျက်လုံးအောက်ကနေ မင်း ဘယ်လိုလုပ်လွတ်နိုင်မှာလဲ "
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
