Chapter 105 : အာမခံချက် (၃)
" ကျွန်မ မနေ့က ကလေးတွေကို အိမ်စာပေးလိုက်တယ်မလား. . . သူတို့ အိမ်ပြန်ရောက်ရင် မိဘတွေကို ပုံပြင်ပြောပြခိုင်းပြီး သူတို့ နားထောင်လာဖို့လေ. . .ဟော်ရှောင်းရှောင်းက အသက်နှစ်နှစ်ပဲ ရှိသေးပေမယ့် သူ့မိဘတွေရဲ့ပုံပြင်က အရမ်းအဆင့်မြင့်လွန်းနေလို့လေ "
ဆရာမစွင်းသည် ဟော်ရှောင်းရှောင်း၏ ပုံပြင်ကို ထပ်ပြောပြလိုက်သည်။
ဆရာမကျိုးကလည်း အံ့သြသွားပြီး မယုံကြည်နိုင်ဖြစ်သွားသည် " တကယ်ကြီးလား? "
" ကျွန်မ ရှင့်ကို လိမ်ပါ့မလား?? ပုံပြင်တစ်ပုဒ်ကို ဒီလိုပြောပြတာက အဆင်ပြေပေမယ့်လည်း ဒါမျိုးက မလုပ်သင့်ဘူး၊ ကျွန်မ ဖုန်းဆက်ပြီး တစ်ချက်မေးကြည့်ချင်လို့ "
" ကောင်းပြီ၊ ကျွန်မ ဆက်သွယ်ဖို့ ရှင့်ကို အချက်အလက်တွေ ပေးလိုက်မယ် "
ဆရာမကျိုးသည် လိပ်စာ စာအုပ်မှ ဟော်ရှောင်းရှောင်းမိဘများ၏ဖုန်းနံပါတ်ကို ရှာပေးခဲ့ပြီး ဆရာမစွင်းက ဖုန်းဆက်ခဲ့သည်။
" မင်္ဂလာပါ၊ ဟော်ရှောင်းရှောင်းရဲ့မိဘလား မသိ. . . ကျွန်မက ဝယ်လ်လင်တန်မူကြိုကျောင်းက ဆရာမတစ်ယောက်ပါ၊ နာမည်ကတော့ ဆရာမစွင်းပါရှင် "
" ရှောင်းရှောင်းရဲ့ ဆရာမလား? ကျေးဇူးပြုပြီး ခဏစောင့်ပါဦးနော်. . . သခင်ကြီးကို သွားခေါ်ပေးပါ့မယ် "
" ဟုတ်ကဲ့ပါ "
————
မွန်းလွဲပိုင်းတွင် ဟော်သခင်ကြီးသည် ဟော်ရှောင်းရှောင်းအား လာကြိုခဲ့သည်။
သူမလေး ကားပေါ်ရောက်သည်နှင့် ဟော်သခင်ကြီးက သူမ မူကြိုတွင် ကစားခဲ့သည့်အရာ၊ သူမ အနိုင်ကျင့်ခံခဲ့ရသလား၊ သူမ ကောင်းကောင်းစားခဲ့ရဲ့လား စသည်ဖြင့် မေးလေသည်။
နောက်ဆုံးတော့ သူက " သမီးအဖေ မနေ့ညက သမီးကို ပုံပြင်တစ်ပုဒ် ပြောပြနေတာ ဘိုးဘိုး ကြားလိုက်တယ်၊ အဲ့ဒါ ဘယ်လိုဇာတ်လမ်းလဲ?? ဘိုးဘိုးကို ပြောပြပါလား "
ဟော်ရှောင်းရှောင်းသည် သူမအဖေထံမှဇာတ်လမ်းကို ထပ်ပြောပြခဲ့သည်။
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
