[ T/N: ချစ်ဖို့ကောင်းလွန်းတဲ့ ယူတို့🤧🤧 အပတ်တိုင်း အပိုမတောင်းရနော်။ အိုင်တို့နှစ်ယောက် ဒီနေ့နည်းနည်းအားနေလို့ပါ။ ]
Chapter 75: ဗီလိန်ဖေဖေ (၁)
နောက်ဆုံးတွင်တော့ ဟော်ရှောင်းရှောင်းသည် ယီချန်း၏ မွေးနေ့ပွဲကို မသွားခဲ့ပေ။
သူမကလည်း လာပါမယ်လို့ ကတိမပေးခဲ့ဘူးလေ။
သူမ မသွားရသည့် အကြောင်းရင်းမှာ ရိုးရှင်းလေသည်။ ယီချန်းက သူမအား ဖုန်းခေါ်ဆိုပြီးနောက် ဟော်သခင်ကြီးက ပြုံးပြကာ သူမကိုကြည့်လိုက်သည်။ " ရှောင်းရှောင်းလေးက သူငယ်ချင်းအသစ်တွေ ဖွဲ့ခဲ့တာလား " ဟု မေးခဲ့သည်ပင်။
သူမ အလေးအနက် စဉ်းစားခဲ့သည်။ သူမတို့သည် တစ်ရက်တည်းသာ တွေ့ဆုံခဲ့ကြပြီး သူမတို့တွေ့ဆုံမှု၏ အဆုံးသတ်သည်လည်း အလွန်မနှစ်မြို့စရာဖြစ်သည်။ ထို့ကြောင့် ထိုကောင်လေးကို သူငယ်ချင်းအဖြစ် မသတ်မှတ်သင့်ပေ။
" ယီမိသားစုရဲ့ ကလေးက သမီးကို ဘာလို့ဖုန်းခေါ်တာလဲ??"
" သူက ... သူ့မွေးနေ့ကိုလာဖို့ သမီးကိုဖိတ်တာ "
" သမီး သွားချင်ရဲ့လား?"
ထိုကလေးငယ်များသည် ချစ်စရာကောင်းသော မျက်နှာလေးများရှိကြသော်လည်း သူတို့သည် နိုးနိုးကြားကြားရှိကြသည်။ ထို့အပြင် စနောက်ခံရပြီးနောက် သူတို့ငိုကြမည်ဖြစ်သည်။ ' ဒါက ပျော်စရာလည်း မကောင်းဘူးလေ! '
သူမ ခေါင်းခါပြလိုက်သည်။
' စိတ်ညစ်စရာကောင်းလို့ ငါလေးတစ်ကယ်ကို မသွားချင်ဘူး '
ဟော်သခင်ကြီးသည်လည်း ဟော်ရှောင်းရှောင်းမသွားချင်သည့်ကိစ္စကို အတင်းဖိအားမပေးမခဲ့ပေ။ " ဟုတ်ပါပြီ. . . သမီးမသွားချင်ဘူးဆိုရင်လည်း တစ်ခြားအကြောင်းအရာ တစ်ခုခုကို ပြောကြရအောင်လေ "
ဟော်ရှောင်းရှောင်း အံ့သြသွားတော့သည်။
' အိုး. . . မဟုတ်ဘူးလေ. . .နောက်ဆုံးတော့ ဒီကိစ္စကြီးလားဟင်??'
သူမသည် ဒီကိစ္စဟာ အနှေးနှင့်အမြန် ဖြစ်လာလိမ့်မည်ကို သိလေသည်။ ဒါပေမယ့် အခုလိုချက်ချင်းကြီး ဖြစ်လာလိမ့်မည်ဟု မမျှော်လင့်ခဲ့ရုံပင်။
YOU ARE READING
ဗီလိန်ဖေဖေကို ဖြောင့်မတ်မှန်ကန်လာအောင် ပြုပြင်ပေးခြင်း( မြန်မာဘာသာပြန် )
HumorGuide The Villain Father To Be Virtuous Author_公子闻筝 English Translator_Chichipeph Burmese Translators_ Xiao LiuShu & Xiao Shu Start Date_25.1.2021 End Date_ All credit to original author and English translators.
