အဆိပ်/လီဝေယန်း

၆၇/၁။ ဘဝနိဂုံးချုပ်အံ့ဆဲဆဲ

[၁]膝下- ရှီးရှ = စာပေထဲတွင် မိဘကို ခေါ်သော ရှေးအသုံးအနှုန်း

[၂]姜还是老的辣: ကျန်းဟိုင်ရှစ်လောင်သဲ့လာ့ : ချင်းဟောင်းက ပိုစပ် = မျိုးဆက်ဟောင်းလူကြီးများမှာ အတွေ့အကြုံပိုများသည်ဟု ဆိုလိုသည်။

[၃]舍不着孩子套不着狼啊: ကလေးကို မစွန့်ခွာနိုင်လျှင် ဝံပုလွေကို မဖမ်းမိနိုင် = ဘေးအန္တရာယ်ဟူသည် မစွန့်စားမစွန့်လွှတ်ဘဲ မကျော်လွှားနိုင်ချေ။

[၄]婶- ရှန် = ဖခင်ဘက်မှ တော်သော အရီး (ဖခင်၏ ညီငယ့်ဇနီးဖြစ်သူ)

[၅]大伯- တာ့ပေါ် = ယောက်ျားဖြစ်သူ (သို့) ဖခင်ဖြစ်သူ၏ အစ်ကိုကြီး

[6]搓圓捏扁: cuō yuán niē biǎn: လှည့်ပတ်ပွတ်သပ်ပြီး ပိပြားစေ = ကူညီ ဖျန်ဖြေပေးခြင်း၊ သို့မဟုတ် အငြင်းပွားမှုကို ဖြေရှင်းပေးခြင်းကို ဆိုလိုသည်။

______________

၆၇/၁။ ဘဝနိဂုံးချုပ်အံ့ဆဲဆဲ (Sharr, Tr)

တာ့ဖူးရန်၏စကားများကို ကြားပြီးနောက် လီချန်းလဲ့၏အကြည့်တို့မှာ ပြောင်းလဲသွားတော့သည်။ သူမက စိတ်ရှုပ်ထွေးနေပုံနှင့် လီရှောင်ရန်ဘက်ကို လှည့်ကာ ဖျတ်ခနဲ ကြည့်လိုက်၏။

"နွီအာ(သမီး) နားလည်ပါပြီ"

ထို့နောက်သူမ သေချာစိတ်ပိုင်းဖြတ်ပြီး လီရှောင်းရန်ရှေ့သို့သွားကာ ယဥ်ကျေးသိမ်မွေ့စွာဖြင့် ဒူးထောက်ချလိုက်၏။ "နွီအာ ကလေးဘဝကတည်းက ချစ်ခင်ဂရုစိုက်ပေးခဲ့တာတွေအတွက် ဖူချင်းကို ကျေးဇူးတင်ပါတယ်၊ အခုအချိန်ကစပြီး ရှီးရှ[၁]ကို ပျော်အောင် လုပ်မပေးနိုင်တော့ပါဘူး၊ ဖူချင်း ကျေးဇူးပြုပြီး ဂရုစိုက်ပါ"

လီရှောင်ရန် သူမကို စိတ်ရှုပ်ထွေးနေသောခံစားချက်တို့ဖြင့် ကြည့်လိုက်သည်။ သူ ဖြည်းဖြည်းချင်း သက်ပြင်းချလိုက်ပြီး လက်ကိုယမ်းကာ ပြောလိုက်တော့သည်။ "သွားတော့"

သည်လိုအပြစ်မျိုးကို အပြစ်မပေးခဲ့လျှင် လီမိသားစု ဖရိုဖရဲပရမ်းပတာဖြစ်သွားနိုင်သည်။

လီချန်းလဲ့ မတ်တက်ထရပ်ကာ လီဝေယန်းကို ခပ်ဝေးဝေးမှ တစ်ချက်ကြည့်လိုက်သည်။ အနှီမျက်ဝန်းလှလှများထဲမှ လှောင်ပြောင်ရိပ်ကို သတိပြုမိရန် မလွယ်ကူလှ။