{ကံၾကမၼာ ေစရာ :𝐌𝐌 𝙏𝙧𝙖𝙣𝙨𝙡𝙖𝙩𝙞𝙤𝙣}

Chapter 98 : Blank

<Unicode>
Chapter 98: Blank

       ဟေးချန်က အသာခေါင်းခါလိုက်ပြီး ဘာရီယန်မိန်းမကြီးကို တခုခုကို ရှင်းပြလိုက်သည်။ဘာဘာရီယန်မိန်းမကြီးကလည်း ဟေးချန်ကို သေချာပြန်ကြည့်ပြီးမှ နောက်ထပ်မီးမငြိမ်းရဘူးဆိုတာကို သဘောတူလိုက်သည်။

     သူမက ဟေးချန်အတွက် သိုးနို့တွေကို နွှေးဖို့ ထသွားလိုက်သည်။ ဒီတခါတော့ ဟေးချန်လည်း မတားတော့ပေ။

   ထိုမိန်းမကြီးက တဲထဲကထွက်သွားတော့မှ ဟေးချန်က ထိုတဲအိုကြီးကို စတင်အကဲခတ်တော့သည်။

   တဲရဲ့ထောင့်တနေရာက သိုးမွှေးစောင်ပေါ်မှာ လူငယ်၂ယောက်က အိပ်နေသည်။တယောက်က ၁၇ ၁၈ခန့်လောက်ရှိနိုင်ပြီး နောက်တစ်ယောက်ကတော့ ၁၀နှစ်အောက်လောက် ရှိနိုင်သည်။

     ထို၂ယောက်ရဲ့မျက်နာက ဖျော့တော့နေ၍ နေမကောင်းဖြစ်နေတယ်ဆိုတာ သိသာသည်။ပြီးတော့ တဲထဲက အနံ့ပြင်းပြင်းထဲမှာလည်း ဆေးနံ့သင်းသင်းလေးတွေ ပါနေသည်။

  အငယ်လေးက အိပ်နေသေးပေမယ့် အကြီးကတော့ ဟေးချန်တို့ တဲထဲကို ခြေစချကထဲက သတိအပြည့်နဲ့ မျက်စိဒေါက်ထောက် ကြည့်နေတာဖြစ်သည်။

   ဟေးချန်ရဲ့ပုံမှန် အေးစက်စက်မျက်နာထက်မှာ အပြုံးတစ်ခုတည်သွားသည်။ဆီမီးအိမ်က ရွှေဝါရောင်ခပ်ဖျော့ဖျာ့ အလင်းက သူ့မျက်နာချောချောထက် ဖျာကျနေပုံက မသေမျိူ းတစ်ယောက်က လူ့လောကကို ဆင်းသက်လာသလိုပင်။ စောင်ပေါ်လှဲနေတဲ့ ထိုလူငယ်လေးကလည်း မြင်ကွင်းကြောင့် အနည်းငယ် ကြောင်စီစီလေး ဖြစ်နေသည်။

  'Myeryen' ဒီလူငယ်လေးက သူ့အရင်ဘဝတုန်းက စတွေ့ခဲ့တဲ့ပုံနဲ့ တစ်ပုံစံထဲပင်။

သူ့မျက်လုံးတွေထဲက သတိအပြည့်ရှိနေတဲ့အချက်ကတောင် ပြောင်းမသွားပေ။

   သူ့အရင်ဘဝတုန်းကဆို ဒီလူငယ်လေးက သူ့ရှေ့မှာ ဒိုင်းသဖွယ် မားမားမတ်မတ်ရပ်တည်ပေးခဲ့ပေမယ့် အသတ်ခံခဲ့ရသည်။ ဒီဘဝမှာတော့ သူက ၃နှစ်စောတွေ့ခွင့်ရခဲ့ပြီး သူ့ကိုကော သူ့မိသားစုကိုပါ ကာကွယ်ပေးတော့မှာဖြစိသည်။