Apostle Thirteen: The Return of the Queen

Chapter 15: REVIVAL

Chapter Fifteen: REVIVAL

THIRD PERSON POV

"Arggghhh!"

Bumagsak ang ulo ni Klio saka sumuka ng dugo matapos syang paluin sa dibdib ng dos por dos. Nakatali ang dalawang kamay nya habang nakabitin sa kisame at ganun din ang mga paa nito. Sira na ang damit nya at ang tanging naiwan na lang ay ang pantalon na suot nya ng araw na hulihin sya ng NBI.

Bakas na din sa katawan nito ang mga sugat at pasa, ganun din ang mga dugo mula dito bukod pa ang mga peklat na nakuha nya noon.

"Tama ba itong ginagawa natin? May iba pa namang paraan para iinterrogate ang isang tao..."

"Nakalimutan mo nab a? He is Klio Nerraw... Hindi uubra sa kanya ang simpleng paguusap o takutan lang..." saka sinuntok ni Kyle si Klio sa mukha.

"You got serve Nerraw..."

Tumingin sa kanya si Klio at ngumiti saka dinuraan sa mukha si Kyle. Nabigla naman ang lahat sa ginawa nito.

"Kahit ano pang sabihin o gawin mo, basura lang ang tingin ko sayo..." saka ngumiti ulit ito.

Biglang isinuot ni Kyle ang forefingers sa bulsa nito at saka binigyan ng magkakasunod-sunod na suntok si Klio.

"Chief!"

Tumigil si Kyle at saka hinawakan sa buhok si Klio para iaangat ang mukha nito. May mga dugo na dumadaloy sa mukha nito kasabay ng mga pawis na mas lalong nagpapahapdi sa mga sugat nya.

"Apostle Thirteen, Notorius gangster..." tinitigan ni Kyle si Klio saka napatawa "Huwag nyo akong pinagloloko-loko!" at saka tinuhod nito sa sikmura si Klio.

"Arrgghhh!!!"

Lumayo si Kyle at pinunasan ang kamay nito saka tinungo ang pinto, napatahimik naman ito ng marinig nyang tumawa ng malakas si Klio.

"What are you afraid of?"

Natahimik ang buong lugar at parang nanigas sa kinatatayuan nila, walang gustong magsalita o magtangkang lumapit kay Klio.

"Hindi mo dapat kinakalaban ang isang Apostle!"

Nagulat ang lahat ng biglang hatakin pababa ni Klio ang pagkakatali sa kanyang mga kamay. Naputol ito at bumagsak sya sa sahig...

"Gusto mong malaman kung bakit Apostle ang tawag ng lahat sa amin? Dahil kung ano ang kinakatakutan ng lahat, iyun kami..." tumayo si Klio.

"Tumahimik ka!" si Kyle na nakatikom na ang mga kamay.

"Now let me ask you, what are you afraid of?"

"Tumahimik ka!"

Sinenyasan ni Kyle ang mga kasama nito at isa-isa silang lumapit at binugbog si Klio.

Pinagmasdan ni Kyle si Klio habang binubugbog ito ng mga kasama nya pero isang bagay ang napansin nya...

Sa kanya lang ito nakatingin...

Parang unti-unti sya nitong pinapatay sa tingin nyang iyon, hindi alam ni Kyle pero bigla syang nakaramdam ng kaba at takot at doon lang nagsink in ang sinabi ni Klio sa kanya.