မုန်တိုင်းကအတော်လေးဆိုးလေ၏။ မိုးတွင်းမို့မိုးရွာတာက ပြဿနာမဟုတ်ပေမဲ့ ဒီလိုရာသီဥတုနှင့်ဆိုလျှင် ပျိုးပင်တွေ ပျက်စီးကုန်လောက်ပြီ။ ထွေးတော့ သူ့ပျိုးပင်တွေပျက်စီးပါပြီဟု ငိုပေလိမ့်မလား။ အိမ်မှာရှိနေလျှင်တော့ တစ်မျိုးတစ်ဖုံကြံပေလိမ့်မည်။ ပျိုးပင်တွေအတွက် ပေါင်းမိုးဖြစ်ဖြစ်ကာရံပေးပေမပေါ့။
မနေ့ကတစ်ညလုံး အပူငွေ့ယဲ့ယဲ့နှင့် အထွေးက စိတ်တိုနေခဲ့၏။ သူ့ကို သူစိမ်းတစ်ယောက်က လာရောက်ပွေ့ချီလိုက်သကိုး။ အဘနှင့်သူကလွဲရင် အထွေးကိုထိရဲသူက မရှိလှ။ အခုတော့ လက်ရဲဇက်ရဲနှင့် သူဋ္ဌေးလေးဆီမှာ အပွေ့ခံလိုက်ရတော့ ရှက်နေသလော၊ ခံပြင်းနေသလောလည်း မသဲကွဲပေ။
အခုလည်း မနက်မိုးလင်းလာတော့ နေကောင်းပြီဆိုပြီး ကြီးဒေါ်ကိုခွင့်တောင်းကာ စာဖတ်ခန်းထဲဝင်ထိုင်နေ၏။ သူနှင့်ဉီးကံထွန်းကသာ ဘာလုပ်လို့လုပ်ရမယ်မှန်းမသိ၍ အိမ်ကြီး၏ မီးဖိုဆောင်ထဲငုတ်တုတ်။ ထွေးအနားလည်း သွားမနေရဲ။ သွားနေလျှင်မနေ့ကအတောမသတ်သည့် ဒေါသငွေ့တွေ သူ့ထံသက်ဆင်းလာမှာ ကြောက်ရလေသည်။
" ငါ့ညီ "
သူ့အနားလာထိုင်သော လူရည်သန့်ကို တစ်ချက်မော့ကြည့်ဖြစ်၏။ ဒီလူက သူဋ္ဌေးကြီး၏ ညီဝမ်းကွဲဆိုလေသလားလို့။ သန့်ပြန့်သည့်ရုပ်ရည်အနေအထားက အသက်ကိုမှန်းရခက်သည်။ လက်ကောက်ဝတ်တွင် ပတ်ထားသည့် နာရီထံမှ လက်ကနဲတစ်ချက်တွေ့လိုက်ရတော့ အလိုလို သိမ်ငယ်သွားမိပြန်သည်။
" မင်းသမီးကလေးရော မတွေ့ပါလား "
" အထွေးက စာဖတ်ခန်းထဲမှာပါ "
" ဩော် "
ဘာဆိုဘာမျှ ထပ်မမေးတော့ပဲ ထထွက်သွားသည့်လူကို အကြောင်သားငေးကြည့်နေမိသည်။ ဘာလုပ်ဖို့မေးသွားသလဲ ဉီးနှောက်ထဲမှာ တွက်ချက်နေတုန်း ထိုလူကတော့ မရှိတော့ပါလေ။
................................
စာအုပ်စင်ကြီးက အတော်ကိုခမ်းနားသည်ဟုပြောရမလိုပင်။ သူ့အရပ်ထက် အတော်လေးမြင့်နေသော စာအုပ်စင်ကြီးကို တောက်လျှောက်ကြည့်နေမိသည်။ မြန်မာစာကိုရေးတတ်ဖတ်တတ်သော်လည်း အထွေးစိတ်ဝင်စားသည်က ကောက်ကောက်ကွေးကွေးအင်္ဂလိပ်စာလုံးများ။ မဖတ်တတ်သော်လည်း ကြည့်ချင်လှသည်။ အထွေးစိတ်ထဲမှာ မျက်စိပသာဒရှိသည်ဟုထင်မိ၏။
လျှောက်ကြည့်နေရင်း တစ်နေရာမှာတွေ့လိုက်သည်က စာအုပ်၏ အနှောင့်ကို အနီရောင် ကတ္တီပါဖြင့်ချုပ်ထားသည့် ခပ်ထူထူစာအုပ်တစ်အုပ်။ လက်ဆန့်ကာ လှမ်းယူမည်ပြင်တော့ အထွေးအရပ်နှင့်မမီ။ အသာအယာခြေဖျားထောက်ရင်း ယူသော်လည်း မမီလာ။
ရုတ်တရက်သူ့နောက်ကျောဘက်ကနေ လာကပ်ရပ်သော အထိအတွေ့နှင့် သူလှမ်းနေသောစာအုပ်ကိုယူလိုက်သောလက်တစ်စုံ။ အနက်ရောင်ကြိုးဖြင့်လက်ပတ်နာရီက ညိုစင်သော အသားအရေပေါ်ဝယ်ဖိတ်ဖိတ်လဲ့နေ၏။
" ဖတ်ချင်လို့လား မင်းသမီး "
" မဖတ်ချင်ပါဘူး "
" ဒါဆို "
အထွေးက စာအုပ်စင်ကိုကျောမှီရပ်ရင်း အထွေးရှေ့ကလူကတော့ အထွေးကို အုပ်မိုးတော့မတတ် ကပ်ကာရပ်နေခဲ့၏။ အထွေးလက်ထဲ ထိုစာအုပ်ကိုထည့်တော့မလို ပြန်ယူတော့မလိုလုပ်နေရင်း အထွေးရှေ့ တမင်ပင် စနေသလို။
" လှလို့ "
" ဘာရယ် "
" အဖုံးက လှလို့ ကျုပ်ယူကြည့်တာရယ် .. မဖတ်တတ်တာမို့ ဖတ်မလို့မဟုတ်ရပါဘူး .. တဆိတ်လောက် ဖယ်ပေးလို့ရမလား "
...........................................
ကြည်လဲ့နေသောမျက်လုံးတို့က သူ့အတွက်တော့ ဆင်းကာကူးခတ်ချင်မိသည့် စိမ်းစမ်းရေအိုင်ငယ်လို။ စင်ရော်တောင်မဟုတ်သည့် ထူထဲထဲ မျက်ခုံးတန်းက သူ့ကိုအာရုံစားစေသည်။ မင်းသမီးတစ်လက်က မျက်ခုံးမရိတ်ဘူးတဲ့လား။ ပါးပြင်ပြောင်ပြောင်က အမြဲလိုလိုသနပ်ခါးလိမ်းသူမို့လားမသိ။ ဝင်းနှစ်နေ၏။ ချောလိုက်တာ ဟုရေရွတ်မိတော့မတတ် ခံစားလိုက်ရ၏။ ခပ်ထူထူ သန္တာနီရောင်နှုတ်ခမ်းပါးဆီအကြည့်အရောက်မှာ သူ့ရင်ထဲ လှိုင်းတစ်ချက်ခုန်၏။
ဘုရားရေ။ ဒီလိုပင်ကိုချောသည့်မင်းသမီးမျိုး သူမတွေ့ဖူးပါလေ။ ချောလိုက်တာ။
" ချောလိုက်တာ "
" ဘာ "
အမ်။ သူအခုပါးစပ်ကရေရွတ်မိသွားတာလား။ တစ်ဖက်ကဘာပြောလိုက်တာပါလိမ့်။ ဩော် ဖယ်ခိုင်းတာ။
" တောင်းပန်ရဲ့ .. ဉီးက တမင်စနောက်တာဟုတ်ဖူးရယ်.. ကလေးမ သိလား ကလေးမကတကယ်ချောတာ "
ရှက်များနေသလားကြည့်မိတော့ သူ့အားစူးစိုက်ကာကြည့်နေသည့် မျက်ဝန်းတွေကို ထပ်မံငေးကြည့်မိချိန်မှာ သူ့ခြေခုံပေါ် ကျရောက်လာသည့် ခြေဖမိုးတစ်ဖက်။ စူးနင့်သည့်ခံစားချက်အရ အားနှင့်ကြိတ်ကာဖိလိုက်သည်မို့ နာကျင်၏။
" ဖယ်ပေး "
" အိုး ဆောရီးကွယ် ... ဖယ်ပေးပါ့မယ် "
သူ့လက်ထဲပါလာသည့် စာအုပ်ကလေးကိုလိုက်ကြည့်နေသည့် မျက်ဝန်းကလေးတွေက စိုလဲ့လို့။ သူ့ခြေခုံတွေကတော့ နီရဲနေပါပြီလေ။
" ဟိုလေ "
သူထိုင်နေရာ ကျွန်းခုံနား ဝင်ထိုင်ရင်း တိုးသဲ့သဲ့လေသံနှင့် မေးလာ၏။
" စောနတုန်းက ဆွာရီးဆိုလား .. အဲ့ဒါဘာကိုဆိုလိုသလဲ "
" ဆောရီးပါ s o r r y လေ "
" အဲ့ဒီ အက် ဆိုတာ ဘာလဲဟင် "
စူးရှလက်တောက်နေသည့် မျက်ဝန်းတို့က စူးစမ်းဟန်အပြည့်။ သူ့အနားတိုးကပ်လာသည်က ထိုစကားစုတို့ကို မေးချင်လို့တဲ့လား။ ဆရာတစ်ယောက်၏ ဗီဇဆိုသည်မှာ ဘယ်သောအခါမှ တိမ်ကောရိုးထုံးစံကမရှိနေ။
အင်္ဂလိပ်အက္ခရာတို့၏ အသံတို့ကို ကျကျနနအသံထွက်ပြလေတော့ နှုတ်ခမ်းလေးဟ မျက်လုံးလေးဝိုင်းကာ နားထောင်နေပုံက သူ့အသည်းကိုတတိတိတိုက်စားခံနေရသလို။
သူကိုင်ထားသည့်စာအုပ်အဖုံးပေါ်က စာလုံးလေးတွေကို လက်နှင့်တစ်လုံးချင်းထောက်ပြရင်း အသံ ထွက်ပြလိုက်၊ ဘာသာပြန်ပြလိုက် လုပ်နေရသည်ကိုက သူ့အတွက် ပျော်ရွှင်မှုတစ်ရပ်လို။
" ဒပ်ဗလျူ အေ အာရ် ... ဝါး(ရ်) "
" ... "
" အေ အန်န် ဒီ ... အန်(ဒ်) "
" ... "
" ပီ အီး အေ စီ အီး ... ပိစ်(စ်) "
" ... အဲ့ဒါက ဘာအဓိပ္ပာယ်များလဲ "
" ဝါး(ရ်)အန်(ဒ်)ပိစ်(စ်)... စစ်မက်နှင့်ငြိမ်းချမ်းရေး ပေါ့ "
" ဒီစာလုံးလေးတွေက အဲ့အဓိပ္ပာယ်တဲ့လား "
မျက်လုံးလေးဝိုင်းနေအောင်အံဩနေတဲ့ သူငယ်မရှေ့မှာ သူဟာ သာမန်အင်္ဂလိပ်စာဖတ်ပြနေသူတစ်ယောက်နှင့်မတူပဲ ရန်သူတစ်ထောင်တိုက်ခိုက်နိုင်ခဲ့သော စစ်သူရဲကောင်းတစ်ယောက်လို ရင်ကိုကော့ ခေါင်းကိုမော့ချင်လာ၏။
" အင်း .. ဒီထဲက စာသားလေးတွေကိုရော ထပ်ဖတ်ပြရဉီးမလား "
" အို .. ဉီးက အကုန်ဖတ်တတ်သတဲ့လား .. ဒါဆိုဖတ်ပြပါဉီး ..ကျုပ် .. ကျုပ်နားထောင်ချင်ပါရဲ့ "
အနားနားတစ်စစ အသိလွတ်စွာကပ်လာတဲ့ သူငယ်မကို သူ့စိတ်ထဲက အတိုင်းသာ လုပ်ချလိုက်ရရင် ပြဿနာတော့တက်ပေရော့မည်။
သင်းပျံ့ပျံ့အနံ့တစ်ချို့ရနေသည့် ဆံနွယ်နက်နက်တို့က သူ့မေးဖျားနှင့်မနီးမဝေးမှာ။ ဘုရားရေ သူတော့ အရှင်လက်လက် အသက်ထွက်တော့မလားလေ။
" ဒါက ဘာဖြစ်နေကြတာလဲ "
......................................
အိမ်မှာရှိနေသည့်အချိန်တွေက တီတာ့အတွက်တော့ အတော်လေး ပျင်းစရာကောင်းနေပါ၏။ ထို့အတွက် ဖခင်၏ စာကြည့်ခန်းထဲ သူစုထားသည့် ရှုမဝမဂ္ဂဇင်းစာအုပ်များယူဖို့ရန် သူတွေးမိလိုက်၏။ ရှုမဝမဂ္ဂဇင်းထဲက ဝတ္ထုတိုများသည် တီတာဆွေ့အကြိုက်။
ရှုမဝမဂ္ဂဇင်းဟာ လွတ်လပ်ရေးမရခင်ကာလ ၁၉၄၇ ဇွန်လမှာ စတင်ထုတ်ဝေခဲ့ခြင်းဖြစ်လေသည်။ လွတ်လပ်ရေးရသောအခါ ပြည်တွင်းဆူပူမှုများကြောင့် မြို့ရွာဆက်သွယ်မှုများ ပြတ်တောက်၍ မဂ္ဂဇင်းစာစောင်များ ရပ်ဆိုင်းသွားသော်လည်း ရှုမဝမှာ လစဉ်မပျက် ထုတ်ဝေနိုင်ခဲ့သည်။ ခေတ်ပြိုင်ထုတ်ဝေသော မဂ္ဂဇင်းများမှာ ပဒေသာ၊ ပညာ၊ ယုဇနရုပ်စုံ၊ တော်ဝင်၊ ကြေးမုံ၊ နိုင်ငံသစ်စာစောင် စသည်တို့ ဖြစ်သည်။
ဘာမှမသိတတ်သေးသည့် လေးဖက်ထောက်အရွယ်မှာ အိမ်ကို သူ့ဉီးလေးဖြစ်သူထွဋ်ကျော်စွာလာတော့ ရှုမဝမဂ္ဂဇင်းတစ်အုပ်ပါလာခဲ့၏။ ထိုစာအုပ်ကို ဖက်ကာ သားရည်တွေရွှဲစိုသည်အထိ ထိုင်ကြည့်နေခဲ့သည့်စာမူကတော့ ဆရာကြီးသော်တာဆွေ၏ ဘရန်ဒီတစ်ပုလင်းဟူသည့် ဝတ္ထု။
တခြားစာမျက်နှာကိုလည်းမလှန်လှော။ စာအုပ်ကြီးပိုက်ကာ တဘူးဘူးဟစ်အော်၏။ စာအုပ်ကိုလည်းလု၍မရခဲ့သည့် လေးဖက်ထောက်ကလေးငယ်လေးကို ထိုစဥ္မှစ၍ တီတာဆွေဟု မှည့်ခေါ်ခဲ့ကြခြင်း။
ဒီနေ့တော့ မိုးအေးအေးနှင့် ထိုဝတ္ထုလေးကိုဖတ်ချင်လာသည့်သူ့စိတ်အရ စာဖတ်ခန်းဆီ ဉီးလှည့်ကာမှ ပွင့်ဟသွားသည့် အခန်းတံခါးဝကနေ အခန်းထဲကမြင်ကွင်းကြောင့် သူ့စိတ်အစုံဟာ ညစ်နွမ်းသွားရလေ၏။
ရင်ခွင်ထဲဝင်တော့မတတ် ပူးကပ်နေသည့်လူသားနှစ်ဉီးကတော့ သူ့အသံကြားလိုက်သည်နှင့် လန့်ဖြန့်သွားပုံကိုက ပို၍မသင်္ကာစရာကောင်းနေခဲ့သည်ကိုတော့ မသိလေလျော့သလားလေ။
...................................
20:50
01/11/2020
မနေ့က အလှူသွားတော့ မအားလိုက်ဘူး။ ဒီနေ့လည်း အမျိုးတွေပတ်ကန်တော့နေတာနဲ့ အချိန်တွေကုန်သွားရပါတယ်။
ပျော်ရွှင်ဖွယ် သီတင်းကျွတ်အခါသမယလေးဖြစ်ပါစေဗျာ။