သီချင်းတအေးအေးဖြင့် မနက်စောစောကလေးတည်းကပင် ရေချိုးနေနှင့်သော ညီငယ်ဖြစ်သူအား သူတောက်လျှောက်ကြည့်နေမှန်း မသိလေလျော့ထင်၏။
ရေချိုးပြီးသည်နှင့် အုန်းဆီရွှဲရွှဲကို ခေါင်းမှာ လိမ်းကျံကာ လည်ပင်းတစ်ဝိုက်တွင်လည်း အမွှေးနံ့သာတစ်ချို့ လိမ်းကျံနေပြန်သေး၏။
မှန်မှတဆင့် ကြည့်နေသော သူ့မျက်လုံးကိုမြင်လိုက်ရသည့် ကောင်ကလေးဟာဖြင့် လန့်သွားသယောင်ရှိသော်ငြား သူ့ကိုတော့ မင်သေသေကြည့်နိုင်တုန်းပင်။
" ကိုကို "
" အေး ကိုကိုပဲ .. ဘာလုပ်နေသတုန်း "
" ဘဘုန်းကျောင်း သွားမလို့ "
" ဘယ့်အတွက် "
သူ့လက်ထဲက ကြိမ်ကလေး တဆဆမို့ ညီငယ်လေးဟာ တစ်ချက် တံတွေးမျိုချလိုက်မှန်း လည်ဇလုပ်ကလေးလှုပ်ခတ်ရုံဖြင့်သိလိုက်ချေ၏။
" ဘဘုန်းကြီးကလေ ... ကျုပ်ကို ခဏလာခဲ့ပေးတဲ့ ဘဘုန်းကြီးရဲ့ တူကလေး ရွာကိုလာလည်မှာမို့တဲ့ ... အဲ့ဒါလေ ... "
" ဘဘုန်းကြီးရဲ့တူကလေး... ဘယ်သူတုန်း "
" ကဲကဲလေ "
" ကဲကဲ.. "
" ဟုတ်တယ် .. ကိုကို .. ကျုပ် နောက်ကျနေပြီ ... မနက်စောစော လာခဲ့ဖို့မှာထားတာ .. အခုသွားပြီနော် ... ကိုကို့ကိုလည်း ဆရာတော်က လာခဲ့ဖို့ မိန့်သွားတာ .. မုန်လာပင်ပေါက် ရေပေးပြီးရင် လိုက်ခဲ့ဗျို့ "
ကဲကဲဆိုသည့်အမည်ကို သူပြန်စဥ္းစားနေမိသည်။ သူ ဒီနာမည်ကို ကောင်းကောင်းကြီးကို ရင်းနှီးနေပါ၏။
" ကဲကဲ ... ကဲကဲ .... ဘယ်သူပါလိမ့်နော် "
ရုတ်တရက် ခေါင်းထဲဝင်ရောက်လာသည့် နာမည်ကလေးနှင့် နုနုနယ်နယ်မျက်နှာကလေးတစ်ခုကို သတိရမိသွားတော့သည်။
နေပါဦးလေ၊ ကဲကဲ၏ နာမည်အရင်းက နီလာကဲ မဟုတ်ပေဘူးလား။ နီလာကဲ က မိန်းကလေးလေ။ ဘယ်အတွက်များ တူကလေးလဲ။
" အသွေးရေ "
ခြံတံခါးဝမှ လှမ်းခေါ်သော်လည်း အရိပ်အယောင်ပင်မမြင်ရတော့ပါ။ ကဲကဲကလေးကို ယောက်ျားကလေးလို့ ထင်နေသတဲ့လား။
YOU ARE READING
အိုဘယ့်မှုံရွှေရည်(Completed)
RomanceStart Date: Sep 22nd, 2020 End Date: May 21st, 2021 ဟိုးရှေးရှေးတုန်းက ဇာတ်သဘင်တစ်ခု ရှိသတဲ့။ တစ်ရက်တော့ ပိုင်ရှင် ဇာတ်ဆရာကြီးက ဆုံးပါးသွားလေတယ်။ အဲ့ဒါနဲ့ ဇာတ်ဆရာကြီးရဲ့ ညီဖြစ်သူက သူေဋ္ဌးတစ်ယောက်ကို ရောင်းလိုက်ပြီး ထွက်ပြေးသွားပါလေရောပေါ့ကွယ်။ သူေ...
