Yoongi's Music [SUGA]

Music #4

Yoongi's Music

Music #4

Nang matapos ang insidenteng iyon ay naisipan kong umuwi nalang.

Isinuot ko nalang ang makapal na jacket ko at ini-zipper yun para matakpan ang blouse ko.

At ngayon ay mag-isa akong nakaupo sa waiting shed na nasa bus stop para maghintay ng bus pauwi ng bahay.

Napahinga nalang ako ng malalim habang suot ko parin ang headphone ko. Sa totoo lang ay tinatanggal ko lang 'to kapag nasa bahay ako dahil doon ko lang nararamdaman na hindi ko na kailangang makinig sa sasabihin ng ibang tao.

Napababa ako ng tingin at napatitig sa coat ni Yoongi na ngayon ay bitbit ko.

Gusto ko sanang ibalik to sa kanya kanina pero naisip kong bukas nalang para malabhan ko muna.

Napatitig lang ako dito at wala sa sariling nahaplos ang malambot na tela nito. Pareho lang naman ang tela ng mga coat namin dahil ito ang uniform namin pero...pero bakit parang ang ganda-ganda sa pakiramdam na mahaplos ang tela ng coat na ipinahiram nya sa akin?

At habang suot ko ito kanina...pakiramdam ko ay ang gaan-gaan ng loob ko.

Napakainit pala sa pakiramdam...ang maisuot ang coat nya.

Yoongi and I live in two different worlds.

Pero hindi na sya naging bago sa akin dahil nakikita ko na sya simula palang nung nasa middle school palang kami.

Kilala ko lang sya sa paraan na isa lang sya sa mga typical na schoolmates kong nakakasalubong ko lang sa hallway ng school.

Na isa lang sya sa mga typical na schoolmates kong lagi ko nalang nakikitang pinapalabas ng teacher dahil hindi sumusunod sa school rules.

Na isa lang sya sa mga typical na schoolmates kong nakakasabay ko lang sa pagbili ng pagkain sa cafeteria.

Pero maliban doon...hindi ko na sya kilala.

Para sa akin ay isa lang sya sa mga typical na schoolmates ko na natural na para sa akin na makita ko araw-araw.

Pero bakit...pakiramdam ko ay naging bago na sya sa akin ngayon?

Na para bang ngayon ko lang sya nakilala at hindi ko maiwasang mag-isip kung sino ba talaga sya?

Nasa ganuon lang akong posisyon nang bigla kong marinig ang boses na yun.

"Ah miss, okay ka lang?" ang biglang sulpot ng lalaking boses na yun sa tabi ko.

Napalingon naman ako at nakita ko ang lalaking yun na nakaupo sa tabi ko habang nakatitig sa akin.

At hindi ko alam pero nang lumingon ako sa kanya ay agad na nanlaki ang mga mata nya at parang nag-aalalang nagsalita.

"Aigooo...maga ang mga mata mo, okay ka lang ba ha?" ang parang nag-aalalang tanong nya.

Napakurap ako.

Teka, sino ba sya?

At bakit nya ako tinatanong?

Nakita kong nakasuot sya ng itim na jacket at jeans. Nakasuot din sya ng itim na sumbrero at sa tingin ko ay kaedad ko lang sya.

Nang mapansin nya ang pagtataka sa mukha ko ay ngumiti lang sya ng napakalapad at masayang nagsalita.

"Aiiigooo...! Siguro nakipagbreak sayo ang boyfriend mo noh? Aiiigooo..." ang nakangiti pa nyang sabi habang nakatitig sa akin.

Boyfriend?