«ស្កេតកាតមួយនេះជំនួសទៅ!» តានតឹងមិនបានប៉ុន្មានផងក៏ស្រាប់តែមានបុរសម្នាក់និយាយឡើងព្រមទាំងបានហុចកាតមួយអោយទៅបុគ្គលិកយកទៅស្កេត ហើយគេម្នាក់នោះគ្មាននរណាក្រៅពីmingyuឡើយ។
«Mingyu!!» wonwooងាកទៅមើលអ្នកមានគុណដែលបានជួយគេ ហើយពេលដែលឃើញថាជាmingyu គេក៏លាន់មាត់ឡើងដោយភាពភ្ញាក់ផ្អើល។
«ហេតុអីក៏ខ្ញុំជួបបងតែពេលដែលបងទាល់ច្រកបែបនេះ?» mingyuនិយាយបណ្តើរ ផ្អែកខ្នងរបស់គេទៅនឹងកន្លែងគិតលុយបណ្តើរព្រមទាំងស៊កដៃទាំងសងខាងរបស់គេចូលទៅក្នុងហោប៉ៅខោរៀនរបស់គេ មើលទៅដូចជាសិស្សខិលម្នាក់ចឹង ប៉ុន្តែសង្ហារ និងទាក់ទាញខ្លាំងណាស់។
«គុណលើកមុន បងមិនទាន់បានសងឯងផង អីឡូវជំពាក់គុណឯងទៀតហើយ» wonwooតបទៅកាន់mingyuវិញដោយញញឹមបែបអៀនៗព្រោះmingyuពិតជានិយាយមិនខុសមែន ជួបគ្នាលើកណាក៏គេទាល់ច្រកហើយmingyuជាអ្នកជួយគេដែរ។
«ចាំសងសរុបទៅ!» mingyuនិយាយដោយហីៗ។
គេមិនខ្វល់ទេថាwonwooសងគុណគេឬក៏អត់ ហើយសងគុណដោយរបៀបណា អ្វីដែលគេខ្វល់គឺគេបានជួយwonwoo រឿងសងគុណមិនសំខាន់នោះទេ។
«នេះគឺជាកាតរបស់លោក ហើយនេះគឺជាអីវ៉ាន់» សំណេះសំណាលគ្នាទើបតែបានប៉ុន្មានម៉ាត់ បុគ្គលិកដែលគិតលុយក៏បាននិយាយកាត់ ហើយបុគ្គលិកនោះក៏ហុចអីវ៉ាន់ទៅអោយwonwoo និងកាតទៅអោយmingyu។
«បងទៅសិនហើយ បងនឹងរកពេលសងគុណឯងអោយបានណា» wonwooញញឹមលាទៅកាន់mingyu រួចគេក៏ដើរចាកចេញពីម៉ាតនោះបាត់ទៅ។
mingyuនៅឈរសម្លឹងមើលwonwooដើរចេញទៅដោយមិនដាក់ភ្នែក សម្លឹងរហូតទាល់តែwonwooដើរផុតពីភ្នែកទាំងគូររបស់គេទើបគេដើរត្រឡប់ទៅកន្លែងមិត្តភក្តិរបស់គេវិញ។
«យ៉ាងមិច? ឯងលង់ស្នេហ៍គេមែនទេបានជាតាមសម្លឹងគេតាំងពីគេដើរចូលរហូតដល់គេដើរចេញបែបនេះ? ហើយមិញនេះឃើញទៅចេញលុយអោយគេទៀត» មកដល់តុភ្លាម មិត្តម្នាក់ក្នុងចំណោមមិត្តផ្សេងទៀតរបស់mingyuក៏មកកៀកក និងសួរនាំគេបែបញ៉ោះលេង។
«អត់ទេ! យើងគ្រាន់តែជួយគាត់ប៉ុណ្ណោះ» mingyuប្រកែក ប៉ុន្តែគេដឹងខ្លួនច្បាស់ណាស់ថាចម្លើយរបស់គេគឺក្បត់នឹងបេះដូង។
Part2: កូនកាត់ជប៉ុនfalling in love
ابدأ من البداية
