ازيكم عاملين ايه
جاهزين؟
يلا نبدأ_ بس أنا موافقة
تحدثت جومانة في ثقة من كلامها، ونظر إليها وليد في صدمة، أما عمه فقد نظر إليه نظرة مليئة بالانتصار وابتسم ابتسامة عريضة.
وظل مصدومًا من اجابتها تلك ولكنه تحدث بعد حين معترضًا:
_ ايه اللي انتي بتقوليه ده يا جومانة؟ جومانة انتي فاهمة معنى اللي قولتيه ده؟فأجاب عمه في سخرية منه:
_ هو في ايه هي بتكلمك هيروغليفي؟ هي بتكلمك عربي عادي، هي موافقة عادي على الجواز ايه الصعب أو اللي مش مفهوم في كلامها يعني؟لم يرد عليه وليد بل ظل كما هو ينظر إليها، فعاد عمه إلى الحديث مستئنفًا:
_ اه.. شكلك انت اللي كنت قايلها ترفض الجواز أول مرة علشان تتجوز ست شاهستا بتاعتك دي صح؟نهضت جومانة و تكلمت وهي في عجلة من أمرها:
_ عمي انا بجد ورايا مشوار مهم ولازم اروحه؛ انا بس جيت لان حضرتك كلمتني ومكانش ينفع اتأخر على طلب حضرتك وجيت ؛ فهروح مشواري ويكون حتى وليد فكر في الموضوع واخد راحته اكترولما تحركت بضع خطوات نحو الباب لتخرج برفقة والدتها؛ نادى عليها وليد:
_ اصبري …..
تابع ما إن توقف أمامها:
_ ايه اللي انتي قولتيه ده؟ انتي في وعيك؟ جومانة انتي عارفة إننا مش مناسبين لبعض انتي بنفسك قولتي مش هتجوز شيخ ايه اللي جد؟وقبل ما ترد؛ سمعت صوت عمها وهو يهتف في صوت عالي:
_ يلا يا جومانة روحي شوفي مشوارك وملكيش دعوة بوليد، وليد زعلان علشان خطته بتبوظ بس
_ عن اذنك يا وليدانصرفت تاركة إياه كأنها كانت تود أن تهرب من مواجهته وما فعله عمهما ساعدها.
ولما ذهبت، ألتفت الشاب إلى عمه وتحدث في ضيق:
_ بس أنا مش هتجوز جومانة يا عميقام والده وخطى إليه بضع خطوات وتحدث:
_ ليه يا وليد؟ مش عايز جومانة ليه؟
_ علشان أنا حر ومش مرتاح معاها، وهي سبق ورفضتني ومش وقت ماهي تحب ترفض ووقت ما تحب تقبل! أنا مش قاعد تحت رحمتها_ بالعكس يا وليد؛ هي أما رفضت انت اتجوزت اصلا مفضلتش قاعد مستني، هي لو هتقبل بيك دلوقتي هتاخدك مطلق و كمان معاك عيلين؛ أما هي بنت بنوت
_ بردو يا بابا معلش أنا مش حابب اتجوز أصلا خالص دلوقتى؛ والجواز مش عافية يعني!_ مش عافية بس عفة، الجواز سنة محببة إلى الله كمان وتعفف من المعاصي والكباير
_ ماشي وأنا أما أحب هبلغكم، ومتقلقوش أي معصية أنا اللي هتحملها انتوا نصحتوني وخلاص وهو ده دوركمتدخل عمه في النقاش هاتفًا بلهجة حادة:
_ انت بتعمل كل ده علشان ترجع للزبالة بتاعتك تاني صح؟ عايز تسيب فرصة ليها وعلشان كده عمال ترفض بقلب قوي!
_ والله يا عمي أنا مش مضطر اذكر أسبابي لحد، ايا كانت أسبابي أنا حر، أنا إنسان مسؤول ومتعودتش أكون مستهتر، كمان كام شهر وهيجيلي طفلين فمن الأولى أفكر فيهم وفي مشكلتهم مش ابقى اناني واروح ادور على عروسة! ومش كده وبس لا أنا اتقرصت مرة بمعنى إني اما اجي اتجوز تاني لازم اختار صح الصح وأنا حاسس إن جومانة مش هي الاختيار الصح بالنسبالي؛ وأرجع تاني اقول أنا حر ومش بضر حد بعدم جوازي ده!
YOU ARE READING
الجعة يشوبها الأخلاق
Mystery / Thrillerو كان خطئه الوحيد طيبة قلبه وعفته، الدنيا ليست المكان الذي يستحقه. الحقارة لم تعرف طريقه قط، والشك لم يطرق بابه حتى. فلما فعلوا ذلك به؟ ومن المسؤول عن الحال الذي وصل إليه ؟ هل تلك التي ستغير حياته السبب في ذلك؟ أم هي السبب في تدميرها؟ بالطبع الجمي...