الجعة يشوبها الأخلاق

الفصل التاسع

ازيكم عاملين ايه
جاهزين ؟؟؟
يلا نبدأ

الصمت يعم المكان، الجميع ينظر في استغراب إلى ما قاله وليد، وها هي بضع لحظات حتى هتفت شهد قاطعة كل تلك التساؤلات في ابتسامة عريضة: بجد وليد؟؟
تنظر إليها ريهام والدة جومانة من أعلى إلى أسفل في قرف..
نظر محرم حوله لمن يقفون، وإذ به يرى جميع من هو في المنزل يلتف حولهم، حتى لا يفوتهم ذلك المشهد.
وعليه هتف في جدية: الجميع يروح يقعد على الكراسي، يلا بلاش الوقفة دي..
ذهب كل منهما إلى كرسي وأخذوا يجلسون، بعدها جلس محرم نفسه على الكرسي المتمركز في الصالة وهتف بصوت عالي حتى يسمعه الجميع: البنات.. جومانة، عاليا، رضوى، علا وهنا
نظرن إليه في استغراب لماذا ينادي عليهن؟!
تابع محرم: قوموا خشوا جوا..
نظرن إلى بعضهن البعض ثم قمن مثلما قال، ماعدا جومانة ظلت مكانها ولم تقم مثلهن..
رقمها محرم في استغراب وهتف مستفسرًا: إيه؟ مقومتيش ليه ؟؟ الكلام موجه ليكي انت كمان
نظرت إليه وردت في ثقة: حضرتك دخلتهم عشان هما صغيرين، اما انا خلاص عديت السن القانوني واللي هو ال٢١ ومن حقي إني أكون قاعدة في اي اجتماع عائلي.. انا زيي زي وليد وفي نفس سنه، وهو من حقه يقعد وانا كمان من حقي..
أجاب في تعجب: لا والله!! احنا مش بالسن هنا يا آنسة انت بنت وكل البنات قامت، هل حضرتك شايفة وليد بشعر طويل؟ ولا عامل اوصة مسبسبة على عينه ؟ ولا حاطط هباب في وشه زيك؟؟ ( يقصد الميكب)
اعتقد يا آنسة الفرق واضح بينك وبينه هو راجل..
كادت أن ترد تارة أخرى في غيظ بينما اسرع والدها رمضان بمقاطعتها هاتفًا: جومانة
نظرت إليه
_ خلاص، اسمعي الكلام ويلا قومي، كلهم قاموا..
رمقته في غيظ يشوبه حنق شديد.. ثم قامت ونظرت إلى عمها وتمتمت: معرفش انا مين اللي قاله إن زمن السلاطين والجواري لسه مستمر..
ثم اتجهت بسرعة تصاحبها غضب ناحية غرفة هنا وهي تهتف بصوت أعلى مما كانت تتحدث به: مش عارفه انا ايه اللي جبني من أمريكا..
سمعها محرم ولكنه لم يعلق، ثم نظر للجالسين وكانوا شعبان ورمضان وتهاني وشهد وريهام ووليد وسيد وجاسر واسامة.. وعندما دخلن الفتيات الغرفة تركن الباب مواربًا ووقفن بجانب بعضهن البعض خلف الباب ولصقن مسامعهن حتى يسمعن ما يقوله محرم..
وهتف محرم بصوت مسموع موجهًا حديثه لوليد: بما إنك يا وليد مش عاوز تتجوز جومانة وعللت أنه السبب ال إنك معجب باسم دوا سخونية باين.. فمن موقعي هذا احب اقولك إني مش مصدقك، وواثق ميه الميه إن في حاجة ورا الموضوع ده و...
قاطعته ريهام والدة جومانة هاتفة: هو إيه اللي حضرتك مسيو محرم بتقوله ده؟؟ Excuse me but.. What did my daughter do?
( معذرة ولكن ماذا فعلت ابنتي)
تنح محرم لا يفهم ماذا قالت، واخذ ينظر إليها وعلامات الغباء قد ظهرت عليه.. ضحكت شهد وتمتمت في سخرية: نسينا نجيب المترجم ..
نظر محرم إلى ابنه جاسر الذي كان يجلس جانبه حتى ينقذه ويترجم له.. همس جاسر جانب أذنه : بتقولك انا بحب الزبادو
_ يا راجل ؟؟؟
_ اه يا بابا صدقني..
_ يخربيت اللي علمك.. ششش ولا كلمة.
ثم هتف بصوت عالي ناظرًا إلى وليد : بما أنها بتتكلم لغات ترجم انت قالت ايه، ولا انت مترجم على الفاضي ؟؟
هتف وليد: لا ازاي يا عمي.. بتقولك بنتي عملت إيه عشان تقول عنها كده، يعني عشان حضرتك تشك فيها، وتحس إن في حاجة انا مخبيها عنها..
أمال محرم برأسه ناحية ولده جاسر وهمس: انا هسحب منك كل فلوس درس الإنجليزي اللي كنت بتاخدها مني، وهمسك مدرسينك دول ارنهم علقه على القرف اللي انت لسه قايله ده..
_ وانا مالي انا يا بابا هو انا كنت مدارس لغات، وبعدين هي نطقها مش اد كده.. المستر بتاعي كان بيدي كل حرف حقه في الكلام اما هي طيرت نص الحروف ال كده يعني فلحوسة وفاهمة.
_ ماشي ماشي
قالها محرم ثم نظر إلى ريهام وهتف: والله ده اللي احنا عايزين نعرفه من وليد، وهو مش راضي يتكلم
نظرت إلى وليد وهتفت: اوكيه يا وليد answer to your uncle
هتف وليد : يا عمي صدقني بالله عليك انا معجب بالبنت اللي قلت عليها.
_ وهي تعرف إنك عاوزها؟
_ لا لسه كنت هفاتحها إني عاوز اقابل حد وإني عاوز معاد وكده
_ مش موضوعنا يا وليد، ادام رافض جومانة لسبب انا معرفهوش وانت مش عاوز تقوله، مفيش مشكلة اتجوز عاليا بنت عمتك..