#البارت ٤٠
*******
ضياء أخذت ملكيه البيت وخبأتها بمكان ماتوصله عنود ولاغيرها
طول الوقت عنود وأمها يتصلن بيا
باليل رجعت سكران بس واعي
لكيت ام عنود وأبوها
ضياء-: أهلا بعمي وعمتي شخباركم
ام عنود-: لهالوقت عايف مرتك وحدها شنو أنت ماعندك غيره عليها شلون تعوفها بانصاص الليالي بالبيت
أبو عنود-: فهمنا تاليها وياك أنت
ضياء-: هذا الموجود عاجبكم خير على خير ماعاجبكم عادي أطلق اني مستعد
ام عنود-: ههههه يطلق لك بابا أصحى الخير الي أنت بيه كله خيري كنت لاشيء إحنا الي سوينا براسك خير أحمد ربك وأشكره
أبو عنود-: حتى خوالك مالهم علاقه بيك ومن خابرتهم نفوا كل شي يربطهم بيك وامك إنسانه عزيزة علينا وصدقني بس لخاطرها ولخاطر عنود اني متحملك
ضياء-: خلصتوا كلام يلا طلعوا برا وإذا تريدون اخذو بنتكم وياكم تسوون فضل
هددوني يأخذون مني كل شي رادوا يأخذون عنود بس كامت تبجي وماقبلت
راحوا بقت عنود اجتني تتوسل بيا حتى أرضى عليها
دخلنا للغرفه
اني إنسان سادي ( إنسان عنيف وقاسي جدا بالعلاقات الحميمه ولا يتبع غير هذه الطريقه لإشباع شهواته )
من خلال علاقاتي اكتشفت إنه البنات مهما كانت ومهما كان وضعها تكره السادية وكلش قليل تلكى إمرأة تحب هالنوع من الرجال والنساء تكون بعمر كبير ( البلوغ ومابعده وبضروف و هرمونات خاصه )
لكن عنود كانت تحب كل شي مني وتتحمل وتعتبر هالشي حب وعبالها أفرح من أشوفها حابه هالشي
كنت مااحس بأي شعور تجاهها وحتى بالفراش شكد كانت تهتم بهالموضوع بدقه
وهي تعرف اني اتقربلها فقط بحالة تخيلي الها على إنها درر
كنت قرفان من كل شي ومن حياتي التعيسه والبائسة
كعدت الظهر على صوت الموبايل رديت بانزعاج واضح من نبرة صوتي
ضياء-: الو
ام ضياء-: صباح الخير امي ضياء شلونك حبيبي
ضياء-: هلو يوم شكوشصاير من الصبح متصلة
ام ضياء-: مشتاقتلك
ضياء-: راح نبدي من الصبح عتاب بعتاب
ضياء-: يعني من أكون مشتاقه لابني واريده يجيني أشوفه يسمونه عتاب
ضياء-: مو بس عتاب هذا إزعاج من الصبح قبل شهر كنت يمج وشفتيني يعني إلا كل يوم
ام ضياء-: أنت إبني الوحيد وطبعاً أريد اشوفك كل يوم ليش تغيرت ضياء ليش ماكنت هيج
ضياء-" ماكو شي يبقى على حاله كل شي يتغير
ام ضياء-: من وراها كل حياتنا خربت الله لايوفقها دنيا وآخرة كنا عايشين مرتاحين
ضياء-: كم مرة اكوولج لاتحجيين عليها
ركعت الموبايل بالباب وانكسر
عنود-: شبيك حبيبي شكو شصاير
ضياء-: عوفيني بحالي إنتي الثانية
*******
غيداء
كنت اتسائل شنو إلي لازم أعرفه
ميعاد-: الظاهر من نظرات الاستفهام الي بينت على ملامحج محد كايلج بصراحه اني منفصل وعندي طفل نفسه إلي جبته وياي هسة
غيداء-: منفصل!!!؟؟؟
ميعاد-: أي ليش اهلج ماكالولج
غيداء-: محد ذكرلي الموضوع
ميعاد-: ماحبيت نبدي حياتنا على كذب
غيداء-: ممكن أعرف شنو سبب انفصالك
ميعاد-: هواي أسباب ومن ضمنها هي الطلبت الطلاق لأن ماتريد تكون ربة منزل وعدها أطفال يعني تريد تعيش حياتها وكل شي تسوي براحتها
غيداء-: اها
ميعاد-: لاحظت صدمتج وحقج شكد ماتريدين وقت تفكرين عادي انتظرج اخذي راحتج
غيداء-: أوك
راحوا كنت مصدومه بس بنفس الوقت كلش ارتاحيتله أدب وأخلاق شكله ماشي الحال
فكرت وكلت لازم أتزوج حتى امي ترتاح وترضى عني
انطيتهم الموافقة وأيمن خابرهم
ورى أسبوع صارت الخطوبة
تعرفت عليه وبدأت انعجب بشخصيته
يوم عن يوم زاد إعجابي بيه وكان الإعجاب متبادل
*********
درر
أخو زينب محمد رجع من مصر
كل شي ماشفت ولا سمعت حتى الولد ماركزت بوجهها رفعت خزرني وكالي روحي لغرفتج
بقيت كاعده لل١ تقريبا نعست كلش
ومن ردت اغفى اندك باب غرفتي
درر-: شتريد رفعت
راد يتقرب يبوسني دفعته ردت اطرده من الباب
بس هو صار عصبي بسرعه لزمني من حصري وضل يبوس أدفع بيه ميوخر
لحد ما ضربته راجدي بدون إرادتي يعني ردته بس يعوفني وبايدي على كيف ضربت حنكه خطف
رفعت-: تضربين مو اني اعلمج انطيتج مجال هواي
درر-: اسفه والله
سد الباب وسوى السواه قاومته ومنعته بس تالي ماكدرت كل شي غصب عني
درر-: ماناوي تروحلها خلص عوفني
رفعت-: أش انام هنا اليوم
درر-؛ شنو تنام هنا اطلع من غرفتي
كان مغمض وحاضني
درر-: رفعت أنت ماتفهم إنه اني مااريدك ليش تجبرني ليش تحسسني امري موبيدي وكل شي بكيفك أنت ليش متحكم بيا اني تعبت أحس مالي وجود مالي شخصية أنت شنو تريد تسوي شوكت ماتريدني تجيني تتونس وتروح مايهم شنو أحس شنو أريد أهم شي رغباتك
رفعت-: اسكتي أريد أنام تعبان
درر-: أنت موتزوجت زينب وقررت تكوّن عائلة وياها واتفقنا إنه راح ننفصل
رفعت-: ججججج
شفته انزعج نعسان ويريد ينام
درر-: أوك انت نام واني أروح أنام بالكاع
حاوط خصري باثنين ايديه وحضني بقوته
درر-: أنت نام عالجرباية واني أروح أنام يم عمتي
رفعت-: من يا مسلسل جبتي الخرابيط هاي شكو تنامين بعيد عني بعد مادخلت بيج تحجين وكأنما إنتي مارايدتني بالمناسبة كنتي رايدة هالشي ومستمتعه ومشتاقتلي
درر-: شنو ترا متوهم ترا قاومتك بس
رفعت-: بس شنو من أول بوسة جسمج صار بيدي ذبتي
درر-: لا مو هيج شوف راح افهمك بس وخر ايدك
رفعت-: ماوخرها احجي
درر-: اني أخاف وأنت كنت عصبي يعني لو رفضت ومنعتك ماراح استفاد شي وراح تاخذ إلي تريده غصباً عني ويمكن حتى تعنفني
رفعت-: مااعنفج اني شوكت
درر-: نسيت ؟
رفعت-: إلا إذا أكو سبب وإذا كنتي غلطانه انتي تعرفيني مة من الزلم الي يبرزون رجولتهم بضرب نسوانهم وصدكيني واحد غيري مو بس يضربج ترا
درر-: ليش اني بشنو غلطانه
رفعت-: كافي دوختيني واني تعبان وراي كعده من الصبح
درر-: أوك
رفعت-: كنتي تتمنين تنامين عالجرباية وبحضني
درر-: اني!!؟
رفعت-: لا امي اي لعد منو
درر-: بس كنت اريد انام عالجرباية
رفعت-: ومنو كانت تبوسني واني نايم
انصدمت واني كل هالفترة عبالي هو نايم شكد استحيت والله فشلة
رفعت-: هههه شو سكتتي
درر-: لعد شنو احجي يجوز تتحلم
رفعت-: لا هههه
درر-: ليش تضحك والله تتحلم يمكن وعبالك اني اجي أنام على صدرك وابوس بيك مثل الأفلام وأنت نايم بصراحه حلو كلش
رفعت-: هههههه شنو الحلو
درر-: مو تريد تنام يلا نام
رفعت-: اعترفتي بنفسج
درر-: اوف كافي لتحرجني والله عيب
غمضت عيوني وخليت راسي بصدره من الفشلة الإنسان الوحيد إلي ارتاحله وأحس بأمان هو رفعت شنو مايسوي وياي أبقى أحبه ما ادري غباء حب ضعف شخصية
درر-: تريد تنام؟ واني أتحرك هواي ازعجك
رفعت-: شكد تلحين كافي خلينا ننام
درر-: أوك وعادي هيج
رفعت-: شنو هيج
درر-: يعني بحضنك ماتنزعج مني
رفعت-: لا طبعاً
حسيت بفرحه غريبة هو مغمض واني بقيت اباوعله شكد مشتاقله
ردت ابوسه بالسر لأن استحي ابوسه وهو كاعد وإحنا من دون أي شي علاقتنا متوترة ومامستقرة
مغمض دكات قلبه انتظمت
باصبع واحد كمت أتلمس رموشه حلوات طوال
شلون نايم مثل الطفل البريء وجهه رحماني بست خده ونمت لو شنو مايصير بيناتنا يبقى هو حبيبي الأول والأخير والوحيد إلي نقذني من ظلم الدنيا وغربتها
كعدت الصبح على صوت المنبه
عيوني يوجعني تلملمت بمكاني وعلى حركتي كعد رفعت باوعلي بتك عين
رفعت-: بعدني نعسان
درر-: حتى اني
رفعت ': سويلي ريوك بسرعه
درر-: ان شاء الله
رفعت-: بس لا تروحين للاستقبال
درر-: ليش
رفعت-: مو تعرفين أخو زينب موجود لو نسيتيه
درر-: عادي أسلم عليه شنو راح ياكلني وهو مو غريب إبن عمك
رفعت-: لا تسلمين
درر-: هو عرف انك تزوجت أخته وشنو كانت ردة فعله
رفعت-: لا البارحه مالحكنا نحجي شي الولد بقى يسولف وي أخته وخلصوها بواجي وحقهم
درر-: خطيه الله يديمه لزينب سند عالاقل عدها أخو تستند عليه
رفعت-: أي
درر-: يرجع لمصر؟
رفعت -: مااعرف
اهتز موبايله شفته
إسم منتظر
درر-: منتظر يدك عليك
انطيته موبايله
رفعت-: شنووو اي اي هسة جايك جايك
لبس بنطرونه القميص شلون ماكان دكمه بس دكمتين
انخبص وجهه كام يضرب ألوان
درر-؛ رفعت شكو شصاير شبيك انخبصت
بسرعه طلع من البيت يركض وكل شي ماكال
...يتبع
#البارت ٤٠
#أبقى معي للأبد (أستاذي العاشق )
