#البارت الثامن
#زهراء_محمد_السراي
#توأمي الملعون
*********
صبا
اشترينا وكملنا بس طيبة كل شوي مطلعتلنا سالفة
منير اجانا بسرعه وكابة للستار عنده عصبي مدري شصاير وياه
خالتي انشلع كلبها مريم تدور على شغلات وماتلكاهم
وطيبة موراضية تطلع اصلاً
خالتي من شافت منير عصبي كالتلي أروح يمه لحد ما هنة يجن ورانا
مريم من سمعت هيج اجت وياي
وكفنا ننتظرهن
منير يباوعلي بغضب
اني شايلة علاكتين
تقرب مني عبالي راح ياخذ علاكه من أيدي
بس غطى صدري بشالي
لأن مامنتبهه على نفسي
ياكاع انشكي وابلعيني
هو يأشرلي بعيونه ويلمح اني اكول ليش يباوعلي هيج
مريم من يمها ضاجت
شكد استحيت شهاليوم كله مواقف محرجه
طلعت خالتي والبنات
رجعناللبيت جربت الملابس كلهن حلوات
ابو هاجر أخذ بناته لبيتهم بس مريم جانت أعصاب نار
هي خابرت أبوها وكالتله اريد أرجع للبيت
هاجر وطيبة جانن يريدن يبقن
بس هي عاندت وعنفصت عليهم تعاركت وي أخواتها
سلمن علية بس مريم لا
خالتي وصلتني لأهلي
كبل نمت
بس جنت فرحانه كلش لأول مرة
ثاني يوم كعدت على صوت بيبي تبجي
طلعت من غرفتي
صبا-: شكو
ام صبا-: سلمي على جدتج راح تروح لمصر هي ومرت عمج
كل سنه يروحن لأن عندي عمه متزوجه واحد مصري
وهذا المصري جان يشتغل وي عمامي تجارة وكذا
بس بعدين قرر ينتقل لمصر وعمتي أخذت الجنسية المصرية
وسافرت وياه هناك مسوين حادث وميتين
كل هاي المعلومات عرفتها من امي
هي كالتلي
ومن ذاك اليوم لهذا اليوم بيبي كل سنه تروح لمصر تزور كبر عمتي
وهواي تبجي عليها
مرات أشوفها تطلع صور بنتها وتبجي
كل سنه تروح وياها مرت عمي الجبير والي نفسها بنت أخت بيبي
اخذاهن أبوي للمطار
اني وصلني مراد لمدرستي
وبباب المدرسة شفت محمد
انوب الحارس مو بالباب
وماكو طالبات بس اني
محمد-: انتظري لحظه بس احجي وياج
ردت أدخل للمدرسة ولزمني من إيدي
صبا-: وخر ايدك لا اكسرها
بسرعه عاف أيدي
دخلت بس فاير دمي
هذا شبيه يفتر وراي موراح وي أهله
خلصن أول أربع دروس
خامس درس عدنا رياضه
المدرسة طلعتنا نفتر بالساحه
اني وحدي ماعندي صديقات ما احب اختلط
اجتني بنية
-: هلو
باوعتلها باستغراب منو هاي وشتريد
صبا-: هلو
-: شوفي حبي اني اكو شخص دزني عليج وداز بيدي رسالة مهمه
صبا-: ومنين هاي الرسالة ان شاء الله
صرت عصبية وكمت اخزر بالبنية
-: من محمد واني معلية
صبا-: معليج مو
عود كولي للمديرة معلية
اني اعلمج
البنية بجت هي صغيرة أول متوسط بس مكبرة نفسها بالمكياج والحركات مالت المياعه
صبا-: هه تبجي امشي كدامي للادارة تشوف شغلها
حتى مرة ثانية ماتجيبين مراسيل من الولد مو عيب عليج منين تعرفينه مصخم هذا الاعوج
شنو غرج باناقته وعود هيبة مو
-: والقرآن ماعندي شي وياه مجرد صديق أخوي واعرفه من هاي الناحية يعني موحب وهاي السوالف
هو قرايبنا
من اجيت للمدرسة شفت بالباب كالي دزي هاي الرسالة لصبا
صبا-: ومنين يعرف إسمي إنتي منين عرفتيني بلة
-: بس انطيني مجال اشرحلج
هو كالي اسمج وصفج ومن أول درس ادور بالشعب واسمج ماكو هواي مثله
ماعرفت شعبتج وكمت افتر على صفوف الثوالث كلهم لحد ماوصلتلج
صبا-: المفروض هسة ادزج للمديرة تطيح حظج بس من بجيتي قهرتيني واني كلبي طيب واياج تعيديها
شو انطيني الرسالة هذا محمد اني أعرف شلون اتصرف وياه إلا اندمه على زمانه
-: فدوة لاتكولين لأحد
صبا-: أوك روحي
شفت الرسالة بيها رقم
من خلص الدوام هم شفته بالباب وهالمرة بسيارة صاعد
شكد مكروه ولزكه
مراد ماكو
حتى أمير ومنير ماهم
إنتظرت شوي بلكي يجي أحد
اني أعرف الطريق بس أبوي مايقبل أمشي وحدي
تذكرت أبوي مو هنا
الشارع صار فارغ
المدرسات والطالبات كلمن راح لبيته
وبس اني
حسيت بخوف
وهذا واكفلي بسيارته
جنطتي على ظهري ومشيت
ومحمد وراي
الدنيا ظهر ومحد بالشارع
محمد-: تعالي اصعدي وياي
سكتت
محمد-: خلي اوصلج
اني امشي بسرعه قبل لايشوفني أحد وتصير مشكلة
بقى لاحكني بسيارته لحد ما وكف بطريقي ماخلاني افوت
شكد اقنع بنفسي إني قوية
بس من شفت الشارع مابيه ولا طير
وبس هذا يفتر وراي
كلش خفت
مااريده يحس بخوفي
نزل من سيارته
لابس بنطرون وقميص أسود بأسود
سيارته حديثه
كلش أنيق
ووسيم بس اسمر وخده بيه جرح قريب على عيونه
مخرب شكله
صبا-: ترا انت كلش زودتها
لزمت طابوقه ردت اضربه
لزم ايديا اثنينهن
صبا-: عوفني شتريد مني الخاطر الله لاعبالك خايفه منك ومااكول لأهلي
والله هالمرة الا اكول لعمامي يطيحون حظك بسيطه
محمد-: اشش اصعدي بالسيارة احجي وياج
صبا-: لو تموووت وخر من طريقي احسلك
تقيدت ايديا
هو طويل أطول مني بهواي دفعته وركضت
بكل سرعتي
كلت هالمرة اكول لأهلي وخلي شيصير يصير
لأن هذا ماناوي يتركني ولايجيبها للبر سالمه
باللحظه الي ركضت بيها هو صعد بسيارته وطلع صوت منها قوي
حاولت أركض وماالتفت وراي
بس فجأة جرني من جنطتي
محمد-: تصعدين بالسيارة غصباً ماعليج
صبا-: عوفني شنو ماتفتهم انت مخبلللل
محمد-: لاتصرخين
صبا-: عبالك تايهتلك عندي عمامي واخواني يطيحون حظك والله
بهالاثناء جرني للسيارة وقفل الباب
كل دفرة دفرته بيها على بطنه برجلي تسكط
بس هو ولا عبالك بيه الدفرة
جسمه صلب
اضرب على صدره عبالك اضرب بالحايط
خلاني ورى
وهو صعد يسوق
هه عباله أخاف منه
عضيته من ركبته عضه
يمكن عضة الجلب أرحم
من حسيت الدم صار بشفتي الا عفته
صبا-: هسة تنزلنييي بسرعه
يباوعلي مصدوم وحاط الكلنكس على ركبته
خفت من سكتته
صبا-: أفتح باب السيارة
ضليت اركع الجامه بحذائي
هو جرني وباسني ادفع بيه كلبي راد يوكف
ضل هواي لازم ايدية بكل قوته مقيدني كلش
نزلت دمعتي لأن حسيت بضعفي
صبا-: ايييع ايععع ياحقيرررر لك حيوان
كام يضحك عبالك سوى فد إنجاز
ضليت ادعي عليه بقبضة أيدي ضربته على ظهره
محمد-: أهدي راح افتحلج الباب
فتح باب السيارة
وطلعت لكيت كومه حصو باثنين ايدية شمرت على سيارته بس الجام قوي ماتكسر
ردت كلبي يبرد
جبت طابوكه وكسرت الجامه الأمامية
وبعدني محتركه بنار
محمد-: كافي يمعودة اليوم اشتريتها
صبا-: لوبيدي الا احركها
شلت جنطتي ورحت للبيت
ملابسي كلها تراب
وايدية
كبل رحت لخالتي ردت اكوللها عليه
بس ماكلتلها باسني
انطيتها الورقه
شافتها ضحكت كالتلي هذا مورقم
صبا-: شنو مورقم خالة يتحرش بية شفتي ذاك اليوم.
ام إيهاب-: حبيبتي صباوي ترا محمد يحب يتشاقى هواي هو طبعه هيج مرح وي كل الناس واحتمال حب يمازحج ودزلج ورقه بيها تردد مو رقم
هههه
صبا-: واني منين اعرفه حتى يتشاقى وياي هيج شقى سخيف
ام إيهاب -: شلون ميعرفج إنتي منطيتيه مجال يتشاقى وياج شديتي وياه ترا عادي لتكبرين الموضوع محمد وعائلته أعرفهم وامه صديقتي ناس مثقفين كلش اعرفهم حق المعرفه
كلش اتنرفزت ردت اكوللها بس استحيت وشي اكيد راح تكذبني وتصدك محمد الملعب الحقير
اخلص من جبار ورجل عمتي يطلعلي محمد منو داعي علية
...يتبع
لاتنسون التصويت إذا عجبتكم القصة أو البارت ❤❤❤
