#البارت التاسع
#زهراء_محمد_السراي
#توأمي الملعون
*********
صبا
خالتي دخلت للحمام تسبح محد بالبيت إيهاب بعده ماراجع وابوه بالشغل
أمير ومنير مخابرين خالتي على أساس رايحين لصديقهم مسوي عملية
ضليت اكل بروحي
ردت اطلع واجاني أخوي مراد ملخني من حجابي
ووكعه بالكاع
مراد-: بنت الجلب شلون تجين وحدج واني صارلي ساعه منتظرج بالشارع بنت القندرة
انعل ابوج لابو حتى الخلفج
عائلتي كل حجيه زفر غلط ومسبه وفشاير
اني أكبر إخوتي ومحد يحترمني أي أخلاق وتربية ماعدهم
صبا-: انجب واسكت شكد تانيتك ردتك بس تجي بقيت بس اني بالشارع وين جنت
مراد-: إذا مااكول لابوي اخليه يكسرج تكسر
صبا-: تنجب لو اشوف شغلي واطيح حظك ترا مالي خلك
مراد-: بنت المطي
صبا-: تكول لابوي علية مو دشوف نفسك شلون تغلط عليه ياادب سز
جلب بشعري واني وياه كمنا نتعارك
أصلا من الصغر اني اتعارك وي الولد عادي
ومن كبرت اتعارك وي اخوتي جلاليق وبوكسيات
مرات العب وياهم مصارعه
حتى تتزورك عيني
كام يضربني بوكسيات على وجهي
عضيته من جتفه وكام يصرخ صوت بالسما وصوت بالكاع
خالتي ماتسمعنا بالحمام جوى كلش
بهالاثناء دخل علينا محمد مصدوم من المنظر
محمد-: لك لك لك شنو هاي ولج عوفي الولد
صبا-: وخر مني انت الحمار الثاني لا اطبكك وياه
محمد -: حرام بالحرم جنها جلب مجلوب
أخوي لزم جنطتي طلع كتبي وشككهن كلهن دفاتري هم
محمد حاول يهدأنا بس شاف دفاتري كلها مجلدة بعلاليك مال جاي وجرايد
مراد راح يبجي يكول لامه
انقهرت على كتبي سواهم وصلة وصلة
حتى مايتلزكن
وفوك القهر الإحراج من الجلاد الي مجلدة بيه دفاتري
محمد يباوع باستغراب
شفت ركبته حاطلها ثلاث لزكات طبية
صبا-: انت شعندك هنا أطلع برا
محمد-: ماجاي لبيتج
صبا -: اطلع برا لتخليني اسوي بيك أكثر من إلي سويته ولا عبالك اسكت على عملتك السخيفه مثلك ياسافل يامنحط بلا شرف الي مثلك ميستحون على انفسهم
صار عصبي
هه عباله أخاف
محمد-: الي مثلج الكاها هسة لو تبجي لو اصلاً متباوع بعيني وانت بكل صلافة تغلطين علية
صبا-: ان شاء الله تريدني أترك المدرسة بس لأني خفت منك
شوف لك لا انت ولا الأكبر منك يخوفني ههه والله يا الله
لزم ايديا اثنينهن خلاهن ورى ظهري ودفعني عالحايط
سكتت لأن ايديا وجعني حيل وهو شكله صار يخوف
محمد-: اتعلمي تحترمين احسنلج هواي سكتت كلما اكولج اريد احجي وياج تتجاهليني
صبا-: مااحجي وي غرب يلا عوفني
محمد-: مااعوفج
صبا-: عوف ايدية خلص
محمد-: اعتذري بالأول
صبا-: انت المفروض تعتذر مو اني
محمد-: بس ماغلطتت عليج
صبا-: وخر مني
محمد-: تدرين شنو
كلش عاجبني اشوفج تتوسلين بيا أحب أشوف ضعفج
صبا-: باحلامك
محمد-: شرسة عدوانية بشكل مو طبيعي
أول مرة أشوف هيج
صبا-: بعدك مشايف شي
دفرته برجلي على بطنه
انصدم
أخذت جنطتي وطلعت ركض
من وصلت للبيت لكيت القيامه قايمه
مرت أبوي متعاركه وي امي
أول مدخلت حصلتلي راجدي منها
واخوي مراد تهجم عليا
اني من دون أي شي أعصابي نار تلفانه
العدوانية والشر العندي مشكلة من الصغر
كله نتيجه الضرب والغلط من أهلي
ولامرة أحد سمعني كلمه حلوة
وشلون اصير أنثى رقيقة
واني مااعرف شنو رقه
مرت أبوي الجبيرة بالكوة حلت المشكلة
امي كامت تغلط عليه وكالتلي شوكت تتزوجين وأخلص منج ومن مشاكلج
خشمي انجرح خرمشتني مرت أبوي
ايديا تزلغت من ورى مراد
كلهم نسخ من أبوي وعمامي محد براسه خير
خلصت اليوم بس مشاكل ومغثة
امي كالتلي بسرعه سبحي وولي اقري يم خالتج
واني ماردت أروح من ورى هذا محمد مدري شسمه شكد كرهته ومن اتذكره كلبي يفور
سبحت وتغديت
العصر اجت عمتي ورجلها النذل الي حاول يعتدي عليه
خطوبة بتهم هاي الأيام يجهزون
اجت بت عمتي تتعيقل كدامي
كلت أروح لخالتي أحسن
قبل لا ارتكب جريمه بواحد
وصلني مراد وبس نتناكر طول الطريق
من وصلني تفل علية وراح
بسيطه اني أعلمه بس أرجع للبيت
ببيت خالتي ناس
يمكن عدهم خطار
دخلت بهدوء
لكيت خالتي تسوي كيك استوها طلعته من الفرن فرحت عبالي الي هي دايماً تسويلي لأن تعرفني احب الكيك
صبا-: الريحه تخبل
ام إيهاب-: حضري الاستكانات هاي الكيكه لمحمد
صبا-: محمد هذا ماغيره!؟
ام إيهاب-: اي
صبا-: شنو المناسبة عيني
ام إيهاب-: الولد طلبت منه شغلة وجابها بضرف يوم مو مثل اولادي وزوجي محد يجيبلي الاريده
صبا-: شنو بلة هذا الشي العظيم الي يخليج تحبينه
ام إيهاب-: لج بيوم الي عزمناهم من اجوي
رياض وأهله
جاي نسولف والولد ارتاحيتله يتشاقى وي البنات واني بسرعه اندمجت وياه من ضمن السوالف جبناها عالاعشاب وتعرفين اني مرة اشتريت من أربيل أعشاب مهمه لصحتي وماكو بباقي المحافظات
المحل الي أشتري منه مال رجال فقير وماكو خدمه توصيل تتصورين بس كلت لمحمد ثاني يوم جاب الأعشاب
واني شكد جنت اكول لايهاب وابوه ويغلسون
ومحمد جابه إلي وماقبل ياخذ فلوس
صبا-: يبيع مثاليات هذا شوفوني عود.اني سبورتي وماكو مني خالة هذا يريد يتقرب منج لغاية براسه أكيد أبد ممرتاحتله خيولي ابتعدي عنه
ام إيهاب-: لو بس اعرف ليش تكرهينه وليش ابتعد عنه الولد بكد اولادي وشنو غايته ماعندي بنات حتى اكول حاط عينه على بنتي وبعدين الولد هو طبعه هيج طيبة كالتلي إذا أحد طلب منه شي ينطي الثوب الي عليه
ويكطع اللكمه من بلعومه وينطيها كلبه طيب وفطير على نياته
صبا-: اي مبين خادعجن بشقاه التافه اصلاً زعلت صرتي تحبيه أكثر مني وتسويله كيكه واني لا
ام إيهاب-: لك فديت الي يغار فديتو اني
صبا-: من هذا التافه أغار
كعدت بالبلكونه انتظر إيهاب
شوي واجاني بس جان يخابر
بقيت حاطه أيدي على خدي أنتظر
تالي صاحتلي خالتي
أم إيهاب-: راحوا الخطار بقى بس محمد
صبا-: وشسويله اركصله
محمد-: علواه
طلعلي فجأه جنه رأس حية
وخالتي تضحك على سوالفه عود يتشاقى
أم إيهاب-: صباوي عرس طيبة مابقاله شي ومحمد اجه يستفسر على الأشياء الي نحتاجه
صبا-: واني شعليا
محمد-: اني افهمج
تجاهلته وماباوعتله حتى.
ام إيهاب-: العرس راح يصير ببيتنا لأن بيت ابو هاجر صغير
صبا-: اي بيها الخير
حجيت بعنتكه لأن موراضية ولو اني مالي علاقة واحتمال حتى العرس مااحضره
ام إيهاب-: خليني أكمل
صبا-: اي
أم إيهاب -" محمد وأبوه قرروا يذبحون بالعرس ومن عرفوا ابوج وعمامج كصابين فرحوا لأن اقاربنا
شتكولين؟
صبا-: شكول! ذاك عمي وابوي من يرجع اتفقوا وياي لايكون رايديني اني اذبحلكم طلي
لو الشفية مبين حتى دجاجه ميعرف يذبح
ام إيهاب-: انجبي اليحجي وياج ماياخذ لا حق ولاباطل
راح ادلي محمد على عمامج وهو يتصرف بعد ويتفق وياهم فرد نوب
ولدي كلتلهم تهربوا ولا واحد يشفيلي كلبي اخ
